Sariya 31:12 - ALA KA KUMA

¹² I bena mɔgɔw bɛɛ lajɛn, cɛɛ fara musow kan, ni denmisɛnw, ani lonan minw bɛɛ siginin be aw ka duguw kɔnɔ, waasa u ka se ka kuma nin mɛn, k'a lɔn ka siran Masaba aw ka Ala ɲa, k'a ka sariya nin kɔnɔnakuma bɛɛ bato.

Jula NT of Côte d’Ivoire

¹² Aw ka kan ka jama bɛɛ lajɛn, cɛw, ani musow, ani denmisɛnw, ani lonan minw siginin bɛ aw ta duguw ra, janko o ye aw ta karan lamɛn, ka Matigi Ala, aw ta Ala ɲasiran degi, ka nin sariya ta kumaw bɛɛ sira tagama ka ɲa.

Sariya 31:12 Iomraidhean Croise

Ɛsidarasi 10:1

Ɛsidirasi y'a kunbiri gwan Ala ka soo ɲafɛ ka to ka kasi n'a b'u ka kojuguw fɔra, ka Ala daali. O waati la, Isirayɛliden caaman nana ɲɔgɔn lajɛn a gɛrɛfɛ, cɛɛw ni musow ani denmisɛnw. U tun be kasira kosɔbɛ.

Sarakalasebagaw 9:5

Musa ye fɛɛn minw koo fɔ, u nana ni olu ye ɲɔgɔnkunbɛn fanibugu ɲafɛ. Jama bɛɛ gwɛrɛla ka lɔ Masaba ɲakɔrɔ.

Hagize 1:12

O tuma na, Salitiyɛli dencɛ Zorobabɛli, ni Yewosadaki dencɛ Zozuwe, sarakalasebagaw kuntigi, ni jama tɔɔ min bɔra jɔnya la ka na, olu bɛɛ sɔnna Masaba u ka Ala ka kuma na. U sɔnna kira Aze ka kuma na, a ye min sɔrɔ Masaba u ka Ala fɛ. Jama siranna Masaba ɲa.

Yuhana 5:39

Aw be Ala ka kuma kalan kosɔbɛ bari aw be miiri ko aw bena nii banbali sɔrɔ o kalan fɛ. K'a sɔrɔ o kuma nunu be ne le koo fɔ.

Sariya 29:9

«Aw bɛɛ lɔnin filɛ nin ye ɲɔgɔn fɛ bii Masaba aw ka Ala ɲakɔrɔ: aw kuntigiw, aw ɲamɔgɔw, aw ka cɛkɔrɔbaw, ani aw ka kɛlɛdenw ɲamɔgɔw, ni Isirayɛli cɛɛ tɔw bɛɛ,

Sariya 31:13

U ka denmisɛn minw t'a lɔn fɔlɔ, olu fana ka kan k'a mɛn k'a lɔn ka siran Masaba aw ka Ala ɲa, k'aw to jamana nin kɔnɔ, aw bena Zurudɛn baji tigɛ ka min minɛ.»

Sariya 4:10

«Loon min na aw lɔra Masaba aw ka Ala ɲakɔrɔ *Orɛbu kulu kan, aw k'aw hakili to a la. A y'a fɔ ne ye ko ne ka jama lajɛn ale ɲakɔrɔ, ko ale bena kuma u fɛ janko u k'ale boɲako dege, u sii tile bɛɛ la dugukolo kan, ani k'u deenw dege o la.

Yosuwe 8:33

Isirayɛlidenw bɛɛ, dugulen fara lonanw kan, n'u ka cɛkɔrɔbaw, n'u ɲamɔgɔw, ani u ka kititigɛlaw, u bɛɛ tun lɔra ka Masaba ka layidu taamasiɲɛ kɛsu to u cɛma, n'a tabaga Levi kɔmɔgɔ sarakalasebagaw. Masaba ka baarakɛla Musa tun y'a fɔ cogo min na, ko n'u be duba kɛ Isirayɛli jama ye tuma min na, u k'a kɛ cogo min na, o y'a kɛ ten. U tun tilanna fila, tilan kelen lɔra Garizimu kulu faan na, dɔ nin lɔra Ebali kulu faan na.

Yosuwe 8:35

Musa tun ye fɛɛn minw bɛɛ sɛbɛn, Zozuwe y'o bɛɛ kalan Isirayɛli jama bɛɛ ɲana, a ma foyi to. Musow tun be yen, ni denmisɛnw ani lonan minw tun be u cɛma.