Sariya 31:11 - ALA KA KUMA

¹¹ ni Isirayɛlidenw bɛɛ nana lɔ Masaba aw ka Ala ɲakɔrɔ tuma min na, a ka yɔrɔ wolomanin na, e bena sariya nin kalan u bɛɛ ɲana, u k'a mɛn.

Jula NT of Côte d’Ivoire

¹¹ ni Izirayɛlimɔgɔw bɛɛ nana lɔ Matigi Ala, aw ta Ala ɲa kɔrɔ wagati min na Matigi Ala ta yɔrɔ ra, aw ye nin sariya ta kumaw karan Izirayɛlimɔgɔw bɛɛ ɲa na.

Sariya 31:11 Iomraidhean Croise

Mas 2nan 17:37

Aw ka banba ka n ka sariyaw ni n ka landaw bato, tuma bɛɛ, ne tun ye minw sɛbɛn ka di aw ma. Aw kana fɛɛn wɛrɛw bato.

Mas 2nan 23:2

O kɔ, a tagara Masaba ka soo ni Zuda mara mɔgɔw bɛɛ ye, ani Zeruzalɛmukaw bɛɛ, ni sarakalasebagaw, ani kiraw, ni jama bɛɛ, denmisɛn fara mɔgɔkɔrɔba kan. U tun ye Layidusɛbɛ min sɔrɔ Masaba ka soo kɔnɔ, a y'o bɛɛ kalan u ɲana.

Nehemi 8:13

O dugusagwɛ, a tile filanan loon, gwatigiw bɛɛ, ni sarakalasebagaw ni Levi kɔmɔgɔ tɔw ye ɲɔgɔn lajɛn sariya karamɔgɔ Ɛsidirasi fɛ janko a ka sariya nin kɔrɔ fɔ u ye.

Nehemi 8:18

Ɛsidirasi tun be to ka Ala ka Sariyasɛbɛ nin kalan loon o loon, k'a ta ɲanagwɛ nin loon fɔlɔ ma fɔɔ ka taga se a loon laban ma. U ye ɲanagwɛ nin kɛ tile wolonwula kɔnɔ, a tile seeginan loon, u ye ɲanagwɛ laban ɲɔgɔnye kɛ ka kɛɲɛ n'a fɔcogo ye.

Nehemi 9:3

U lɔra seen kan. Masaba u ka Ala ka sariyasɛbɛ kalanna u ɲana sɔgɔma k'u ka kojuguw fɔ tilegwanfɛ. O kɔ, u y'u kunbiri gwan Masaba u ka Ala ɲakɔrɔ.

Zaburu 84:7

N'u be tɛmɛna Baka kɔkɛnɛ na, a be kɛ jiyɔrɔ ye, sanji fana be nɛɛma kɛ yen.

Bɔri 34:24

Ne bena siya wɛrɛw gwɛn ka bɔ aw ɲa k'aw ka jamana boɲa. N'aw be na ne Masaba aw ka Ala ɲakɔrɔ siɲɛ saba saan o saan, mɔgɔ si tena sɔn k'aw ka jamana bɔsi aw la o waati la.

Kɛwalew 13:15

O yɔrɔ mɔgɔw dɔ ye sariyasɛbɛ ni kiraw ka sɛbɛ kalan ka ban, kalanso ɲamɔgɔw y'a fɔ Pɔli ni Barinabasi ye ko: «Balimaw, ni kuma dɔ b'aw fɛ k'a lase jama ma k'u ladi, kuma b'aw bolo.»

Kɛwalew 15:21

Bari, kabini fɔlɔfɔlɔ, dugu kelen kelen bɛɛ la, mɔgɔw be sɔrɔ kalansow kɔnɔ n'u be Musa ka sariya sɛbɛ kalan k'a kɔrɔ fɔ mɔgɔw ye lafiɲɛlon bɛɛ la.»

Sariya 12:11

Masaba aw ka Ala bena yɔrɔ min woloma k'a kɛ a sigiyɔrɔ ye, ne be fɛɛn minw bɛɛ fɔra aw ye, aw bena taga n'u ye o yɔrɔ la: Aw ka saraka jɛnitaw, ni saraka wɛrɛw, n'aw ka jakaw, n'aw ka boɲafɛnw, n'aw ka dajuru sarataw.

Sariya 12:14

Masaba bena yɔrɔ min woloma aw ka mara nunu cɛma, aw bena aw ka sarakaw bɔ o yɔrɔ le la. Ne ye koo minw bɛɛ fɔ aw ye, aw k'u bɛɛ kɛ yen.

Sariya 12:5

Nga Masaba bena yɔrɔ min woloma aw ka sigiyɔrɔ la, janko a ka sigi yen, aw ka kan ka taga o yɔrɔ le la.