Sariya 30:9 - ALA KA KUMA

⁹ O tuma na, Masaba aw ka Ala bena aw ka kokɛtaw bɛɛ ɲa. Aw bena deen caaman sɔrɔ, aw ka begɛnw n'aw ka sumanw bena caya. A diyara Masaba ye cogo min na ka ɲumanya kɛ aw bɛmaw ye, o cogo kelen na, a bena diya a ye ka koɲuman kɛ aw fana ye,

Jula NT of Côte d’Ivoire

⁹ Matigi Ala, aw ta Ala bɛna aw borofɛnw ɲa ka o caya, ka aw bororabaara bɛɛ ɲa, ka den caman di aw ma, ka aw ta bɛganw caya, ka aw ta siman ɲa; sabu a bɛna diya Matigi Ala ye ka koɲuman kɛ aw ye tuun, i n’a fɔ a tun ka di a ye ka koɲuman kɛ aw bɛmaw ye cogo min na.

Sariya 30:9 Iomraidhean Croise

Ezayi 62:4

Mɔgɔw tena i wele tugu ko Dugu labilanin, u ten'a fɔ aw ka dugukolo ma tugu ko Yɔrɔlakolon. Nga u bena i wele ko Masaba diyanadugu, k'i ka dugukolo wele ko Muso furunin. Bari i koo bena diya Masaba ye, a bena kɛ i fɛ i ko cɛɛ.

Ezayi 62:5

Kanbelen be sunguru furu cogo min na, i kɔnɔ mɔgɔw bena i furu ten. Maminɛcɛ be nisɔndiya a ka maminɛmuso kosɔn cogo min na, i ka Ala bena nisɔndiya i kosɔn ten.

Ezayi 65:19

Ne bena nisɔndiya Zeruzalɛmu kosɔn, ne dusu bena diya n ka jama kosɔn. Kasikan ni kulekan tena mɛn yen tugu abada!

Yeremi 31:27

Masaba ko: «Loonw be nana, ne bena danni kɛ Isirayɛli ni Zuda maraw la. O sumansi nin ye adamaden ni begɛnw le ye.

Yeremi 31:28

Ne tun wilila u kama ka n dɔgɔ don u wiliko la, ani k'u fili, k'u halaki, k'u cɛn cogo min na, o cogo kelen na fana ne bena n dɔgɔ don u la ka lɔli kɛ ka tutuli kɛ. Ne Masaba le ko ten.

Yeremi 32:41

A bena diya ne ye ka koɲuman kɛ u ye. Tiɲɛ na, ne ben'a to u be sigi jamana nin kɔnɔ yan. Ne bena n dɔgɔ don o la k'a kɛ ni n dusu bɛɛ ye tigitigi.› »

Yeremi 33:9

Ne bena koɲuman minw bɛɛ kɛ Zeruzalɛmu ye, ni diɲɛ kɔnɔ siyaw bɛɛ y'o kibaru mɛn tuma min na, dugu nin bena kɛ ne tɔgɔ bɔ sababu ye, ani nisɔndiya ni tanuli, ani kunkɔrɔta sababu ye ne fɛ u ɲana. Ne bena hɛrɛ min bɛɛ kɛ Zeruzalɛmu ye, u bena kabakoya ani ka yɛrɛyɛrɛ o kosɔn.

Sarakalasebagaw 26:4

o tuma na, ne bena sanji di aw ma a waati la, sɛnɛ bena ɲa, yiriw bena den,

Sarakalasebagaw 26:6

Ne bena hɛrɛ kɛ jamana mɔgɔw ye. Aw bena la, mɔgɔ si tena siranya bila aw la. Ne bena sogojuguw gwɛn ka bɔ jamana na. Kɛlɛ tena don aw ka jamana kɔnɔ.

Sofoni 3:17

Masaba i ka Ala b'i fɛ. Kɛlɛmasaŋana lo, a be see d'i ma. A nisɔndiyanin lo i kosɔn kosɔbɛ. A ka kanuya kama, a tena foyi fɔ i ye. A bena dɔɔn kɛ ka nisɔndiya kosɔbɛ i kosɔn.»

Luka 15:32

Nga an ka kan ka nisɔndiya ka ɲanagwɛ, bari i dɔgɔnin min filɛ nin ye, a kɛra i n'a fɔ a sara ka kunun, a tun tununa, nga a yera.› »

Yuhana 15:11

Ne y'o koo nunu fɔ aw ye janko aw ka nisɔndiya sɔrɔ ne fɛ, ani aw ka nisɔndiya kosɔbɛ.

Sariya 28:4

Aw bena deen caaman sɔrɔ, ni suman caaman, aw ka begɛnw bena caya: aw ka misiw, n'aw ka sagaw.

Sariya 28:63

A tun diyara Masaba ye ka hɛrɛ kɛ aw ye, ani k'aw caya cogo min na, o cogo kelen na, a bena diy'a ye k'aw halaki, ani k'aw sii tunu. Aw be ɲini ka don yɔrɔ min na k'a kɛ aw ta ye, u bena aw gwɛn ka bɔ o yɔrɔ la.

Sariya 30:8

Aw kɔni, aw ben'a sago kɛ kura ye, ne b'a ka kuma minw bɛɛ fɔra aw ye bii, aw bena o bato.

Sariya 7:14

A bena aw ta ɲa ka tɛmɛ siya tɔw kan. Cɛɛ, walima muso min te se ka deen wolo, o tena sɔrɔ aw cɛma, ka fara aw ka begɛnw kan.