Sariya 30:20 - ALA KA KUMA

²⁰ aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Jula NT of Côte d’Ivoire

²⁰ ka Matigi Ala, aw ta Ala kanu, k’a ta kumaw lamɛn, ka tugu a kɔ, sabu o le bɛna aw ɲanamanya; o ra, Matigi Ala karira ko a bɛna jamana min di aw bɛmaw ma, Iburahima ni Isiyaka ni Yakuba, a bɛna a to aw ye sigi o jamana ra, ka sijan sɔrɔ.

Sariya 30:20 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 17:1

Abramu saan bi kɔnɔntɔn ni kɔnɔntɔnnan na, Masaba y'a yɛrɛ yira a la k'a fɔ a ye ko: «Ne le ye Setigi Ala ye. I ka taama ne ɲakɔrɔ cogoɲuman na.

Zaburu 27:1

Dawuda ka dɔnkili dɔ. Masaba le be yeelen bɔ ne ye ani ka n kisi, ne bena siran jɔn le ɲa? Masaba le ye ne tangabaga ye, ne jaa bena tigɛ jɔn le ɲa?

Zaburu 30:5

Aw minw ye Masaba ka mɔgɔw ye, aw k'a tanu ni dɔnkiliw ye. Aw k'a bato k'a ka senuya koo fɔ.

Zaburu 36:9

E b'u wasa n'i ka soo kɔnɔ nafamanfɛnw ye. E ka koɲuman be woyora i ko kɔɔ, u faan fɛ.

Zaburu 37:3

Ele k'i jigi la Masaba kan ka baaraɲuman kɛ, i bena to jamana kɔnɔ hɛrɛ la.

Zaburu 66:9

An be nii na min sababu la, ale te sɔn an be talon.

Sarakalasebagaw 18:5

«Aw ka ne ka sariyaw ni ne ka kuma bato. Ni mɔgɔ min y'o kɛ, o tigi bena balo o barika la. Ne le ye Masaba ye.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Yuhana 17:3

Nii banbali sɔrɔko be bɔ ele lɔnko la, e min ye Ala kelenpe ye, ani ka ne Yezu Krista lɔn, e ye ne min ci.

Kɛwalew 11:23

Ala y'a ka ɲumanya yira mɔgɔ nunu la cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kɛwalew 17:25

«A m'a fɔ ko a mako be adamaden ka bololafɛn na k'a yɛrɛ mako ɲa n'a ye fana. Bari ale lo be nii, ani sii, ani fɛɛn tɔɔ bɛɛ di adamaden ma.

Kɛwalew 17:28

An tonin be nii na, ka sii sɔrɔ, ka kɛwaliw kɛ Ala barika la. Aw ka lɔnnikɛla dɔw yɛrɛ b'a fɔ ten, ko: ‹An ye a deenw ye yɛrɛ.›

Rɔmukaw 12:9

Kanuyasɔbɛ ka sɔrɔ aw dusu la. Aw ka kojugu dabila, ka koɲuman kɛ kosɔbɛ.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 10:12

«Isirayɛlidenw, sisan Masaba aw ka Ala be mun kɔnɔna aw fɛ, n'a ma kɛ ko aw ka siran a ɲa, k'a ka siraw bɛɛ taama, ani k'a koo diya aw ye, ka baara kɛ a ye sɔbɛ la n'aw dusu bɛɛ ye?

Sariya 10:20

«Aw ka siran Masaba aw ka Ala ɲa, k'a bato. Aw nɔrɔnin ka to ale kelen na. N'aw be kali, aw k'o kɛ ale tɔgɔ la.

Sariya 11:22

«Ɔnhɔn, ne be koo min fɔra aw ye, n'aw y'o bɛɛ bato ka ɲa, ka Masaba aw ka Ala koo diya aw ye, ani k'a ka siraw bɛɛ taama, ka nɔrɔ a la,

Sariya 11:9

Aw k'u bato janko aw ka sijan sɔrɔ jamana nin kɔnɔ, Masaba tun ye min layidu ta aw bɛmaw ye, ani u kɔmɔgɔw, ko a ben'a di aw ma. Nɔnɔ ni lii ka ca o yɔrɔ la kosɔbɛ, jamana diman lo.

Sariya 12:10

Nga a bena jamana min di aw ma, aw bena Zurudɛn baji tigɛ fɔlɔ ka sɔrɔ ka sigi yen. A bena lafiɲɛ di aw ma k'aw kisi aw juguw bɛɛ ma minw b'aw lamini na. Aw bena to hɛrɛ la yen.

Sariya 30:16

N b'a ɲini aw fɛ bii, ko Masaba aw ka Ala koo ka diya aw ye, aw ka taama a ka siraw kan, k'a ka kumaw bato, ani a ka sariyaw n'a ka landaw, janko aw ka sii sɔrɔ ani ka caya. Aw bena don jamana min kɔnɔ k'a kɛ aw ta ye, Masaba aw ka Ala bena hɛrɛ kɛ aw ye o yɔrɔ la.

Sariya 30:6

«Masaba aw ka Ala yɛrɛ bena aw dusu saniya, n'aw kɔmɔgɔw taw, janko a koo ka diya aw ye tigitigi, o la, aw bena se ka balo.

Sariya 31:1

O kɔ, Musa y'a fɔ Isirayɛlidenw bɛɛ ye tugu ko:

Sariya 32:47

Kuma nunu te kuma gwansanw ye, aw nii kisifɛn lo. O ben'a to aw be sijan sɔrɔ jamana nin kɔnɔ aw bena min ta Zurudɛn baji kɔfɛ.»

Sariya 4:1

Musa y'a fɔ tugu ko: «Sisan Isirayɛlidenw, aw ka mɛnni kɛ sariya ni landaw koo la. Ne bena aw kalan minw na. Aw k'o bato janko aw kana sa, aw ka se ka don jamana nin kɔnɔ k'a kɛ aw ta ye. Masaba, aw bɛmaw ka Ala be min dira aw ma.

Sariya 4:4

Aw minw tilennin tora Masaba aw ka Ala ɲakɔrɔ, aw bɛɛ be nii na halibi.

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 4:6

Aw k'a bato ka ɲa, bari siya wɛrɛ minw bena sariya nunu koo mɛn, olu ben'a lɔn o la ko aw ye lɔnnikɛlaw ni hakilitigiw ye. U ben'a fɔ ko: ‹Lɔnniya be siya barikaman nin fɛ, hakilitigiw lo.›

Sariya 5:16

Aw k'aw faa n'aw baa boɲa i ko ne Masaba aw ka Ala y'a fɔ aw ye cogo min na, janko ne be jamana min dira aw ma, aw ka se ka sijan ni hɛrɛ sɔrɔ a kɔnɔ.

Sariya 6:2

janko aw ka siran a ɲa, aw n'aw deenw n'aw mamadenw, ka se ka sariya ni cii ani landa nunu bɛɛ bato aw sii bɛɛ kɔnɔ. Ne be minw fɔra aw ye, ani janko aw ka se ka sijan sɔrɔ.

Sariya 6:5

Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.

Yosuwe 23:11

Aw ka banba k'aw yɛrɛ minɛ kosɔbɛ, janko aw ka se ka Masaba aw ka Ala kanu.

Yosuwe 23:8

Aw ka nɔrɔ Masaba aw ka Ala la, i n'a fɔ aw tun nɔrɔl'a la cogo min na fɔɔ ka na se bii ma.

Yirari 21:6

A y'a fɔ tugu ko: «A bɛɛ dafara sisan. Ne le ye Alifa ni Omega ye. Ne le ye koo bɛɛ daminɛ ni laban ye. Ni minnɔgɔ be min na, jii min be nii banbali di mɔgɔ ma, ne bena o di o tigi ma, sara te min na.

Yirari 22:1

O kɔ, mɛlɛkɛ ye baji dɔ yira ne la min be nii don mɔgɔ la. A tun be manamana i n'a fɔ luluu. A tun be woyora ka bɔ Ala ni Sagaden ka masasigilan yɔrɔ la,

Yirari 22:17

Nii Senuman ni Krista ka jama min ye Krista ka maminɛmuso ye, olu ko: «Na.» Ni mɔgɔ min ye nin mɛn, o tigi k'a fɔ ko: «Na.» Ni minnɔgɔ be min na, o tigi ka na. Jii min be nii don mɔgɔ la, ne bena o d'a tigi ma a te foyi sara.