Sariya 30:2 - ALA KA KUMA

² Aw, n'aw deenw bena segi ka sɔn Masaba ma ani k'a sago kɛ n'aw dusu n'aw see bɛɛ ye, ka kɛɲɛ ni ne ka kuma bɛɛ ye, ne be min fɔra aw ye bii.

Jula NT of Côte d’Ivoire

² ni aw ni aw ta denw bɛɛ ka sɔn ka Ala kan mina ni aw jusukun bɛɛ ye, ani aw nin bɛɛ, ani ne ka ci minw bɛɛ fɔ aw ye, ni aw ka o sira tagama,

Sariya 30:2 Iomraidhean Croise

Lok fɔlɔ 29:17

N ka Ala, n y'a lɔn ko i be mɔgɔ kɔnɔnako lɔn, ko tilenninya fana le ka d'i ye. Ne ye fɛɛn nunu di ni kɔnɔgwɛ ye nisɔndiya la. N y'a ye fana ko i ka jama min lajɛnnin be yan, olu y'i boɲa ni dusudiya ye.

Lok fɔlɔ 29:9

Jama tun nisɔndiyara u ka boɲafɛn nunu diko la, bari mɔgɔ tun ma u karaba u ka sɔrɔ k'o kɛ Masaba ye. Masacɛ Dawuda fana tun nisɔndiyara kosɔbɛ.

Lok 2nan 30:9

N'aw kɔsegira Masaba ma, aw balimaw n'aw deenw minɛna ka taga jamana min na, o yɔrɔ mɔgɔw bena makari u la, k'u to u be kɔsegi ka na jamana nin na, bari Masaba aw ka Ala be hinɛ, a be makari. N'aw kɔsegir'a ma, a ten'a kɔɔ di aw ma.»

Nehemi 1:9

Nga n'aw kɔsegira ka nimisa, ani ka ne ka sariyaw bato, hali n'aw tun jɛnsɛnna ka taga yɔrɔ o yɔrɔ diɲɛ na, ne bena aw minɛ ka bɔ o yɔrɔ la, ka na aw lajɛn yan, ne ye yɔrɔ min woloma k'a kɛ n sigiyɔrɔ ye.›

Zaburu 119:2

Mɔgɔ minw be Masaba ka kolatigɛninw kɛ, ani k'a ɲini n'u dusu bɛɛ ye, olu dagamunin lo.

Zaburu 119:80

Ne b'a fɛ k'i ka fɔtaw bato ni n dusu bɛɛ ye janko ne kana maloya.

Zaburu 41:12

Ne jugu ma se ne kɔrɔ. Ne y'a lɔn o le fɛ ko e be ne fɛ.

Yeremi 29:13

Aw bena ne yɔrɔ ɲini, aw bena ne ye, ni aw b'o kɛ n'aw dusu bɛɛ ye.

Yeremi 3:10

O bɛɛ kɔ, a balimamuso Zuda mara janfamɔgɔ nunu ma u ɲaa sin ne ma n'u kɔnɔ bɛɛ ye. U y'o kɛ ni kɔnɔfin ye. Ne Masaba le ko ten.»

Yeremi 36:3

Ne ko n bena kojugu min kɛ Zuda mara mɔgɔw la, n'u y'o bɛɛ mɛn, n'a sɔrɔ u kelen kelen bɛɛ bena faran u ka sirajuguw la. O la, ne bena u ka juguya n'u ka hakɛ yafa u ma.»

Yeremi 4:14

Zeruzalɛmu, i dusu saniya ka miirijuguw dabila waasa i ka kisi. I bena o to i kɔnɔ fɔɔ tuma jumɛn?

Kasikan 3:32

N'a ye ɲagwan la min kan, a be tila ka makari, bari, a ka ɲumanya ka bon.

Kasikan 3:40

An ka filɛli kɛ an taamacogow la kosɔbɛ, an ka kɔsegi Masaba ma.

Ezekiyɛli 6:9

Aw tɔɔ min bena to, o bena miiri ne la k'u to jamana wɛrɛw la, u minɛna ka taga minw kɔnɔ. U hakili bena jigi ne la. U hakili bena to a la k'u ye kakalaya kɛ, k'u ka miiriya bɔ ne kan, k'a sin u ka joow ma. U nigɛ bena bɔ u yɛrɛ la u ka kojugu kɛninw bɛɛ kosɔn.

Oze ta kitabu 3:5

O kɔ, Isirayɛlidenw bena segi ka Masaba u ka Ala yɔrɔ yaala, n'u ka masacɛ Dawuda. U yɛrɛyɛrɛtɔ bena kɔsegi Masaba ma, ka hɛrɛ ɲini a fɛ labanlon na.

Sarakalasebagaw 26:40

«Ayiwa, u bena tila ka sɔn u ka tilenbaliya, n'u faaw ta la, k'a fɔ ko u ye ne janfa, ko u banna ne la.

Jakariya 12:10

Ne bena miiriyaɲuman, ani Aladali hakili don Dawuda ka somɔgɔw ni Zeruzalɛmukaw la. U ye mɔgɔ min sɔgɔ, u bena ale filɛ, ka kasi a ka saya la i n'a fɔ mɔgɔ be kasi a deen kelen saya la cogo min na. U bena kasi kosɔbɛ i n'a fɔ mɔgɔ be kasi a dencɛ fɔlɔ ka saya la cogo min na.

Kor 2nan 3:16

Ni min sɔnna Matigi ma, fani nin be bɔ o tigi ɲada kan.

Ɛfɛsikaw 6:24

An Matigi Yezu Krista koo ka di mɔgɔ minw ye, n'u b'a kanu kanuya banbali la, Ala ka nɛɛma kɛ olu bɛɛ ye.

Sariya 13:3

n'o taamasiɲɛ, walima n'o kabako kɛra ten tiɲɛ na, n'o tigi y'a ɲini aw fɛ ko aw ka taga fɛɛn wɛrɛw bato aw te minw lɔn,

Sariya 6:5

Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.

Zan fɔlɔ 1:9

Nga n'an sɔnna ka lɔ an ka hakɛw la, o tuma na, an be se k'an jigi la Ala kan a ka kantigiya n'a ka tileniya kosɔn. A bena an ka hakɛw yafa k'an saniya an ka tilenbaliyakow bɛɛ la.