Sariya 30:10 - ALA KA KUMA

¹⁰ ni aw sɔnna ka kɔsegi a ma n'aw dusu, n'aw yɛrɛ bɛɛ ye, k'a sago kɛ k'a ka kumaw n'a ka fɔtaw bato, minw bɛɛ koo fɔra sariyasɛbɛ nin kɔnɔ.

Jula NT of Côte d’Ivoire

¹⁰ Nka aw ka kan ka Matigi Ala, aw ta Ala kan mina; a ta kumaw ni a ta ci minw sɛbɛra nin sariya kitabu kɔnɔ, aw ka kan ka sɔn ka o bɛɛ sira tagama, ka sekɔ ka na Matigi Ala, aw ta Ala ma ni aw jusukun bɛɛ ye, ani aw nin bɛɛ.

Sariya 30:10 Iomraidhean Croise

Nehemi 1:9

Nga n'aw kɔsegira ka nimisa, ani ka ne ka sariyaw bato, hali n'aw tun jɛnsɛnna ka taga yɔrɔ o yɔrɔ diɲɛ na, ne bena aw minɛ ka bɔ o yɔrɔ la, ka na aw lajɛn yan, ne ye yɔrɔ min woloma k'a kɛ n sigiyɔrɔ ye.›

Ezekiyɛli 18:21

«Ni mɔgɔjugu yɛlɛmana k'a ka kojugu bɛɛ dabila, ka ne ka fɔtaw bato, ka tilenninyakow kɛ, siga t'a la, a bena to nii na, a tena sa.

Ezekiyɛli 33:11

Ayiwa, i k'a fɔ u ye ko ne Matigi, Masaba ko: Ne tɔgɔ kosɔn, mɔgɔjugu sayako man di ne ye fewu, ne b'a fɛ a k'a ka sirajugu bila ka kisi le. Aw ye yɛlɛma! Aw ye yɛlɛma k'aw ka sirajuguw bila! Isirayɛlidenw, mun kosɔn aw b'a fɛ ka sa?

Ezekiyɛli 33:14

«Ni ne y'a fɔ mɔgɔjugu ye ko siga t'a la, a bena sa, n'a yɛlɛmana k'a ka kojugu dabila, ka kotilennin, ni kobɛnnin kɛ,

Ezekiyɛli 33:19

Ni mɔgɔjugu yɛlɛmana k'a ka kojugu dabila, ka kotilenninw, ni kobɛnninw kɛ, a bena kisi o sababu la.

Jakariya 6:15

Mɔgɔ minw be fɔɔ yɔrɔjan, olu bena na baara kɛ Masaba batoso lɔko la tugu. O la, aw ben'a lɔn ko Masaba, Setigi ye ne ci aw fɛ. O bena kɛ, n'aw sɔnna ka Masaba aw ka Ala ka fɔta kɛ sɔbɛ la.

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Zude mara bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwaliɲumanw kɛ minw b'a yira k'u nimisara ka faran u ka kojugu la.

Kɛwalew 3:19

O tuma na, aw ye nimisa ka faran aw ka hakɛw la ka segi Ala ma, janko a k'aw ka hakɛw yafa.

Kor fɔlɔ 7:19

Kɛnɛkɛnɛko t'a kuun ye, kɛnɛkɛnɛbaliya fana t'a kuun ye. A kuun ye nin ye: i ka Ala ka sariyaw bato.

Sariya 29:21

«Cɛnni min bena kɛ, ani Masaba bena bana minw don aw ka jamana na, aw kɔmɔgɔw, ani lonan minw bɔra jamanajanw na ka na, n'u y'a ye tuma min na, u ben'a fɔ ko:

Sariya 30:11

«Ne be min fɔra aw ye bii, o man gwɛlɛ aw ma, ani a yɔrɔ man jan aw la fana.

Sariya 30:2

Aw, n'aw deenw bena segi ka sɔn Masaba ma ani k'a sago kɛ n'aw dusu n'aw see bɛɛ ye, ka kɛɲɛ ni ne ka kuma bɛɛ ye, ne be min fɔra aw ye bii.

Sariya 30:8

Aw kɔni, aw ben'a sago kɛ kura ye, ne b'a ka kuma minw bɛɛ fɔra aw ye bii, aw bena o bato.

Sariya 4:29

«O yɔrɔ la le, aw bena Masaba aw ka Ala yɔrɔ ɲini. Aw ben'a ye, n'aw y'a ɲini sɛbɛ la n'aw dusu bɛɛ ye.

Sariya 6:5

Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.