Sariya 30:1 - ALA KA KUMA

¹ «Ne ye duba ni danga minw bɛɛ fɔ aw ye, n'o koow bɛɛ kɛra aw la tuma min na, Masaba aw ka Ala y'aw yɛrɛkɛ siya wɛrɛw cɛma yɔrɔ min na, aw bena miiri o la.

Jula NT of Côte d’Ivoire

¹ Ayiwa, ne tun ka dugawu kumaw ni danga kuma minw fɔ aw ye, ni o kow bɛɛ nana se aw ma, ni aw hakiri tora o kumaw ra, ka aw to o siyaw bɛɛ cɛ ra yi, Matigi Ala, aw ta Ala tun ka aw gbɛn ka taga siya minw cɛ ra, ni aw nimisara ka sekɔ ka na Matigi Ala, aw ta Ala fɛ,

Sariya 30:1 Iomraidhean Croise

Damina 4:14

I ye ne gwɛn ka bɔ nin yɔrɔ la bii, ne bena dogo i la. Ne bena kɛ yaalabaga ye dugukolo kan tuma bɛɛ, sigiyɔrɔ tena kɛ n fɛ. Ni mɔgɔ o mɔgɔ ye ne ye, a bena ne faga.»

Mas fɔlɔ 8:34

k'i to sankolo la, i ka mɛnni kɛ, k'u ka hakɛ yafa, k'u kɔsegi u ka jamana na, e tun ye min di u bɛmaw ma.

Lok 2nan 30:9

N'aw kɔsegira Masaba ma, aw balimaw n'aw deenw minɛna ka taga jamana min na, o yɔrɔ mɔgɔw bena makari u la, k'u to u be kɔsegi ka na jamana nin na, bari Masaba aw ka Ala be hinɛ, a be makari. N'aw kɔsegir'a ma, a ten'a kɔɔ di aw ma.»

Nehemi 1:9

Nga n'aw kɔsegira ka nimisa, ani ka ne ka sariyaw bato, hali n'aw tun jɛnsɛnna ka taga yɔrɔ o yɔrɔ diɲɛ na, ne bena aw minɛ ka bɔ o yɔrɔ la, ka na aw lajɛn yan, ne ye yɔrɔ min woloma k'a kɛ n sigiyɔrɔ ye.›

Ezayi 46:8

«Aw k'aw hakili jigi nin la, ka barika sɔrɔ. Mɔgɔmurutinin nunu, aw ka sigi ka miiri.

Yeremi 29:14

Ne ben'a to aw be n ye. Ne bena aw ka mɔgɔ minɛninw kɔsegi. Ne tun y'aw gwɛn ka taga siya minw bɛɛ cɛma, ani yɔrɔ minw bɛɛ la, ne bena aw lajɛn ka bɔ yen. Ne tun ye aw gwɛn ka bɔ yɔrɔ min na, ne bena aw kɔsegi ka na o yɔrɔ la. Ne Masaba le ko ten.

Yeremi 3:13

Aw ka sɔn aw filiyɔrɔ ma: Aw murutira ne Masaba aw ka Ala ma. Aw tun bolibolila lonanw ka joow kɔ yirituw bɛɛ kɔrɔ. O la, aw ma mɛnni kɛ ne fɛ. Ne Masaba ko ten.

Yeremi 8:3

Ne ye siyajugu nin gwɛn ka taga yɔrɔ minw na, saya koo bena diya u tɔɔ bɛɛ ye o yɔrɔ la ka tɛmɛ ɲanamanya kan. Ne Masaba, Setigi le ko ten.›

Ezekiyɛli 18:28

A ye hakili sɔrɔ k'a ka kojuguw bɛɛ dabila minkɛ, siga t'a la, a bena to nii na, a tena sa.

Ezekiyɛli 6:9

Aw tɔɔ min bena to, o bena miiri ne la k'u to jamana wɛrɛw la, u minɛna ka taga minw kɔnɔ. U hakili bena jigi ne la. U hakili bena to a la k'u ye kakalaya kɛ, k'u ka miiriya bɔ ne kan, k'a sin u ka joow ma. U nigɛ bena bɔ u yɛrɛ la u ka kojugu kɛninw bɛɛ kosɔn.

Jakariya 10:9

Ne tun y'u yɛrɛkɛ siya wɛrɛw cɛma. Nga k'u t'o yɔrɔjan nunu na, u bena u hakili to ne la. U n'u deenw bena to yen, o kɔ, u bena kɔsegi yan ɲɔgɔn fɛ.

Luka 15:17

A miirila o tuma na k'a fɔ a yɛrɛ kɔnɔ ko: ‹Baaraden caaman be n faa fɛ, u be dumuni kɛ fɔɔ k'a tɔɔ to, ne do be halakira kɔngɔ bolo yan.›

Sariya 28:28

A bena fatɔya, ni fiɲɛntɔya, ani hakiliɲagami bila aw la.

Sariya 28:64

«Masaba bena aw yɛrɛkɛ siyaw bɛɛ cɛma, k'a ta dugukolo faan dɔ fɛ ka ta'a bila faan wɛrɛ fɛ. O yɔrɔ la, aw bena fɛɛn wɛrɛw bato, joo yirilamanw ani kabakurulamanw, aw ni aw bɛmaw tun te minw lɔn.

Sariya 29:27

A dimininba y'u ka yɔrɔ bɔsi u la, k'u gwɛn ka taga jamana wɛrɛ la, u be yɔrɔ min na halibi.›

Sariya 29:28

«Koo minw dogonin lo, Masaba an ka Ala kelen b'olu lɔn, nga koo minw yirala, olu ye anw, n'anw kɔmɔgɔw le ta ye tuma bɛɛ, janko an ka se ka Ala ka sariya nin kuma bɛɛ mara.

Sariya 30:15

«A filɛ, ne be sii ni hɛrɛ sɔrɔcogo, ni saya ni tɔɔrɔ sɔrɔcogo yira aw la bii.

Sariya 30:19

«Ɔnhɔn, ne b'a fɔ aw ye bii, sankolo ni dugukolo ye ne seerew ye aw kama. Ne ye sii sɔrɔcogo, ni sayako fɔ aw ye, ni dubaw ani danga sɔrɔcogo. Aw ka sii sɔrɔko kɛ waasa aw ka se ka to nii na, aw n'aw kɔmɔgɔw,

Sariya 32:36

Masaba bena kotilennin kɛ a ka jama ye. A ka jɔɔnw makari ben'a minɛ, n'a y'u barika dɛsɛnin ye tuma min na, k'a ye ko jigi ani bolo minɛyɔrɔ t'u fɛ.