Sariya 3:28 - ALA KA KUMA

²⁸ A ko n ka ladili di Zozuwe ma, k'a jaa gwɛlɛya, a kana siran, ko bari ale lo bena Zurudɛn baji tigɛ ni Isirayɛlidenw ye ka don n'u ye jamana nin kɔnɔ, n bena o min ye.

Jula NT of Côte d’Ivoire

²⁸ Yosuwe ka kan ka ko minw kɛ, o fɔ a ye, k’a ja gbɛlɛya, ka baraka don a ra, sabu i bɛna to kuru kan ka nin jamana min ye i ɲa ra, Yosuwe le bɛna bla Izirayɛlimɔgɔw ɲa, ka ba tigɛ ni o ye, ka taga o ladon o jamana ra.»

Sariya 3:28 Iomraidhean Croise

Lok fɔlɔ 22:6

Dawuda y'a dencɛ Solomani wele, k'a ɲini a fɛ ko a ka soo lɔ Masaba ye, Isirayɛli ka Ala.

Lok fɔlɔ 28:20

Dawuda y'a fɔ a ka deen Solomani ye ko: «Jija ka baara kɛ ni jagwɛlɛya ye. Kana siran, i jaa kana tigɛ, bari ne ka Ala, Masa Ala be n'i ye. A tena i bila, a tena ban i la, fɔɔ ka taga se Masaba ka soo nin lɔko banni ma.

Yuhana 1:17

Ala ka sariya sɔrɔla Musa sababu la. Nga Yezu Krista le nana ni Ala ka nɛɛma, n'a ka tiɲɛ ye.

Kɛwalew 7:45

An bɛmaw y'a ta ka na n'a ye ka jamana nin minɛ ka siyaw gwɛn Ala barika la. Zozuwe le tun ye u ka ɲamɔgɔ ye o tuma na. Fanibugu nin tora o yɔrɔ la fɔɔ ka na se Dawuda ka tile ma.

Sariya 1:37

Aw kama, Masaba dimina ne yɛrɛ kɔrɔ k'a fɔ ko ne fana tena don yen.

Sariya 1:38

Ko ne dɛmɛbaga Nun dencɛ Zozuwe le bena don yen. Ko n k'a jaa gwɛlɛya, ko bari ale lo bena don ni Isirayɛlidenw ye jamana nin kɔnɔ k'a kɛ u ta ye.

Sariya 31:23

Masaba ye kuma nin fɔ Nun dencɛ Zozuwe ye ko: «Barika don i yɛrɛ la, k'i jaa gwɛlɛya, bari e lo bena don ni Isirayɛlidenw ye jamana nin kɔnɔ, ne ye min layidu ta u ye. Ne yɛrɛ bena kɛ n'i ye.»

Sariya 31:3

Masaba aw ka Ala yɛrɛ bena bila aw ɲafɛ. Siya minw be faan dɔ fɛ, a bena olu bɛɛ halaki, janko aw ka se k'u ka jamana minɛ. Zozuwe bena kɛ aw kuntigi ye i ko Masaba y'a fɔ cogo min na.

Sariya 31:7

O kɔ, Musa ye Zozuwe wele k'a fɔ a ye Isirayɛlidenw bɛɛ ɲana ko: «I ka barika don i yɛrɛ la, k'i jaa gwɛlɛya, bari Masaba ye layidu ta jama nin bɛmaw ye ko a bena jamana min di u ma, e lo bena taga n'u ye o yɔrɔ la. Ani k'a tilan u cɛ, ka bɛɛ niyɔrɔ d'a ma.

Heburuw 4:8

Ni Isirayɛlidenw tun donna lafiɲɛyɔrɔ nin na Zozuwe sababu la, Ala tun tena lafiɲɛlon wɛrɛ kuma fɔ tugu.

Yosuwe 1:2

«Ne ka baarakɛla Musa sara, sisan ele Zozuwe ka wili ka taga ni jama nin bɛɛ ye ka Zurudɛn baji tigɛ, ka don jamana nin kɔnɔ ne be min di aw Isirayɛlidenw ma.