Sariya 3:24 - ALA KA KUMA

²⁴ «Matigi, Masaba, i y'a daminɛ k'i ka boɲa n'i ka setigiya yira ne la. Batofɛn foyi te yen sankolo la ni dugukolo kan, min be se k'i ka koow, n'i ka sebagaya ɲɔgɔn kɛ.

Jula NT of Côte d’Ivoire

²⁴ «E! Dunuɲatigi Ala, i ka i ta bonyaba ni i ta sebagayaba yira i ta jɔncɛ ra, min ye ne ye; sabu ala juman wɛrɛ le bɛ sankolo kɔnɔ, walama dugukolo kan, min bɛ se ka ele ta kɛwalew ni i ta kabakobaw ɲɔgɔn kɛ?

Sariya 3:24 Iomraidhean Croise

Sam 2nan 7:22

«Matigi, Masaba, i ka bon, i ɲɔgɔn te yen! Ka kɛɲɛ n'an ka mɛnta ye, Ala wɛrɛ te yen ni ele tɛ.

Mas fɔlɔ 8:42

bari u ben'a lɔn ko i tɔgɔ ka bon, ani ko fanga b'i fɛ, ani barika b'i la, n'a nana k'a ɲaa sin soo nin ma k'i daali,

Lok 2nan 6:14

k'a fɔ ko: «Masaba, Isirayɛli ka Ala! Batofɛn wɛrɛ si te yen min b'i bɔ. A te sankolo la, a te dugukolo kan. I b'i ka layidu dafa, ka makari i ka baarakɛlaw la, minw jigi b'i kan.

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Zaburu 106:2

Jɔn le bena Masaba ka kobabaw fɔ? Jɔn ben'a makiri?

Zaburu 145:3

Masaba ka bon, a ka kan ni tanuli ye kosɔbɛ. Daan t'a ka boɲa na.

Zaburu 145:6

U bena i ka setigiya kabakomanw fɔ. Ne bena e ka boɲa fɔ.

Zaburu 150:2

Aw k'a tanu a ka kobabaw kosɔn. Aw k'a tanu a ka boɲa kama.

Zaburu 35:10

Ne ben'a fɔ n yɛrɛ kɔnɔ ko: «Masaba, jɔn be i ko ele? E be dɛsɛbagatɔ bɔsi a tɔɔrɔbaga bolo, e be sigɛnbagatɔ bɔsi a sigɛnbaga bolo.»

Zaburu 71:19

Ala, e ka tilenninya be fɛɛn bɛɛ sanfɛ, e ye kobabaw kɛ. Ala, jɔn le be i ko ele?

Zaburu 86:8

Matigi, e bɔɲɔgɔnko batofɛn te yen. Foyi ka kɛwali bɔnin te i ta ma.

Zaburu 89:6

Masaba, sankolo b'i tanura i ka kabakow kosɔn. E ka kantigiya fana be fɔra i ka jama cɛma.

Zaburu 89:8

Ala ye siranyafɛn ye sankololafɛnw cɛma. Siranyafɛn lo ka tɛmɛ a laminifɛnw bɛɛ kan.

Bɔri 15:11

Masaba, i ɲɔgɔn be batofɛnw cɛma wa? Fɛɛn jumɛn ka senu i ko ele? Fɛɛn jumɛn ka fari i ko ele? I be se kobakɛ la.

Bɔri 8:10

Mɔgɔw y'u cɛ k'u tonton. Jamana kasa goyara kosɔbɛ.

Bɔri 9:14

Ko n'o tɛ, sisan kɔni, ne bena tɔɔrɔbaw la a kan, n'a ka mɔgɔbabaw, n'a ka mɔgɔw kan, waasa a k'a lɔn ko ne ɲɔgɔn te dugukolo kan.

Ezayi 40:18

Aw b'a fɛ ka Ala suma ni mun le ye? Aw bena jaa jumɛn le dilan k'a cogo yira?

Ezayi 40:25

Ala senuman ko: «Aw b'a fɛ ka ne suma ni jɔn le ye? Ne ni jɔn le ka kan?»

Yeremi 10:6

Masaba, e ɲɔgɔn te yen, i ka bon, i tɔgɔ ka bon, barika b'a la.

Daniyɛli 3:29

Ayiwa, ne ka kuma filɛ: Mɔgɔ o mɔgɔ, a mana kɛ siya o siya ye, ni mara o mara mɔgɔ ye, n'a ye kumajugu fɔ Sadiraki, ni Mesaki ani Abɛdenego ka Ala koo la, o tigi be faga ka tigɛtigɛ. A ka soo be kɛ ɲamaɲama filiyɔrɔ ye. Bari, batofɛn te yen min be se ka mɔgɔ kisi ten.»

Jateri 23:23

Kirisi te se ka foyi kɛ Yakuba kɔmɔgɔw la, dabari te se ka foyi kɛ Isirayɛlidenw la. N'a waati sera, u ben'a fɔ Isirayɛlidenw koo la ko: ‹Ala ye koo min kɛ u ye, o filɛ.›

Sariya 11:2

«Aw kɔni be o koow lɔn, n kaan te aw deenw ma, olu m'u ye, u m'u lɔn. Aw ye Masaba aw ka Ala ka ladili sɔrɔ. Min ye a ka boɲa, n'a ka fangatigiya ani a ka setigiya ye,

Sariya 3:23

O waati la, ne ye Masaba daali ko:

Sariya 32:3

Ne bena Masaba tɔgɔ fɔ, aw k'an ka Ala tanu a ka boɲa kosɔn!