Sariya 3:17 - ALA KA KUMA

¹⁷ Daan kelen ka bɔ Zurudɛn baji ma, tileben ɲafan na, k'a ta Kinerɛti baa ma fɔɔ ka ta'a bila *Kɔgɔji Fariman ma, fɔɔ Pisiga kulu jigiyɔrɔ la, kɔrɔn fɛ.

Jula NT of Côte d’Ivoire

¹⁷ A terebenyanfan na, a dan ye Zuridɛn kɛnɛgbɛ ye, k’a ta Kinerɛti ba ra, ka taga a bla Zuridɛn kɛnɛgbɛ ta kɔgɔji ma, min ye Kɔgɔji sanin ye, Pisiga kuru kɔrɔ.

Sariya 3:17 Iomraidhean Croise

Damina 13:10

Lɔti y'a ɲaa kɔrɔta ka Zurudɛn baji kɛnɛ bɛɛ filɛ. A y'a ye ko jii caaman be o yɔrɔ bɛɛ la. A tun be i n'a fɔ Masaba ka yɔrɔɲuman min tun ye Edɛn ye. A tun be i n'a fɔ Ezipiti jamana ka taga Sowari dugu faan fɛ. O y'a sɔrɔ Masaba tun ma Sodɔmu ni Gɔmɔri dugu halaki fɔlɔ.

Damina 14:3

O masacɛ duuru nunu bɛɛ ye ɲɔgɔn lajɛn Sidimu kɔkɛnɛ la, min ye *Kɔgɔji Fariman ye.

Mas 2nan 14:25

Ale lo ye Isirayɛli mara minɛ ka taga bɔ a dankɔrɔ la tugu, k'a ta Lebowamati fɔɔ ka taga se Kɔgɔji Fariman ma, ka kɛɲɛ ni Masaba, Isirayɛli ka Ala ka kuma ye, a ka baarakɛla kira Zonasi ka bɔ Gatefɛri ye min fɔ, Amitayi dencɛ.

Ezekiyɛli 47:8

A y'a fɔ ne ye ko: «Jii nin be woyo ka taga kɔrɔn fɛ mara la, ka taga lɛkɛnɛ na ka taga don *Kɔgɔji Fariman na. N'a donna kɔgɔji nin kɔnɔ, jii nin be saniya.

Jateri 23:14

Ayiwa, a tagara n'a ye kɔlɔsilikɛyɔrɔ dɔ la Pisiga kulu kan. A ye sarakabɔyɔrɔ wolonwula lɔ ka tura kelen ni sagajigi kelen bɔ saraka ye u kelen kelen bɛɛ kan o yɔrɔ la.

Luka 5:1

Loon dɔ la, ka Yezu to Zenezarɛti baa daa la, jama tun y'a lamini n'u be ɲɔgɔn ɲɔtiɲɔtira waasa ka Ala ka kuma lamɛn.

Sariya 4:49

ani Araba mara bɛɛ Zurudɛn baji kɔfɛ kɔrɔn fɛ, fɔɔ ka taga se *Kɔgɔji Fariman ma, Pisiga kulu jigijigiyɔrɔ la.

Yosuwe 12:3

ani kɔkɛnɛ mara la kɔrɔn fɛ k'a ta Kinerɛti baa ma ka taga se *Kɔgɔji Fariman ma Bɛtiyesimɔti gɛrɛfɛ, ani ka taga se Pisiga kulu jukɔrɔ worodugu ɲafan la.

Yosuwe 13:27

ni dugu minw be kɔkɛnɛ la, Bɛtaramu, ni Bɛtinimura, ani Sukɔti ani Safɔn, ni Ɛsibɔn masacɛ Siŋɔn ka mara tɔɔ. Zurudɛn baji le kɛra u ka mara daan ye, fɔɔ ka ta'a bila Kinerɛti baa daan la, Zurudɛn baji kɔfɛ kɔrɔn fɛ.

Yosuwe 15:2

U ka mara daan, worodugu ɲafan na, ale tun be daminɛ *Kɔgɔji Fariman daa la, worodugu ɲafan fɛ,

Yosuwe 15:5

U ka mara daan, kɔrɔn fɛ, o tun ye Kɔgɔji Fariman ye, ka taga dan Zurudɛn baji donyɔrɔ ma kɔgɔji nin kɔnɔ. U ka mara daan, kɔgɔdugu ɲafan na, o tun be bɔ o yɔrɔ kelen nin na

Yosuwe 18:19

ka taga tɛmɛ Bɛtogila kɔgɔdugu ɲafan na, ka taga gun *Kɔgɔji Fariman na kɔgɔdugu ɲafan fɛ, Zurudɛn baji donyɔrɔ la kɔgɔji nin kɔnɔ. O le tun ye mara nin daan ye worodugu ɲafan na.

Yosuwe 19:35

Mara nin kɔnɔ cɛfariduguw filɛ: Sidimu, ni Seri ani Amati ni Arakati, ani Kinerɛti,

Yosuwe 3:16

Jii min tun be bɔ sanfɛla la ka boli ka na, o lɔra yɔrɔ kelen fɔɔ yɔrɔjan na, Adami gɛrɛfɛ, dugu min be Saritan gɛrɛfɛ. Jii min tun be boli ka jigi *Kɔgɔji Fariman faan fɛ, o tigɛra pewu. Jama tɛmɛna baa kɔnɔ ka tilen ni Zeriko dugu ye.