Sariya 3:13 - ALA KA KUMA

¹³ Ne ye Galaadi mara tɔɔ di Manase kɔmɔgɔw tilancɛ ma, ani Basan mara bɛɛ, min ye masacɛ Ɔgi ka mara ye. U tun be Arigɔbu mara ni Basan mara wele ko erefaw ka jamana.

Jula NT of Côte d’Ivoire

¹³ Galadi mara tɔ, ani Basan mara, min tun ye masacɛ Ɔgi ta mara ye, ne ka o di Manase ta gba tarancɛ mɔgɔw ma. Fɔlɔfɔlɔ, Arigɔbu mara min bɛɛ bɛ Basan jamana ra, o fana tun bɛ jate Refayikaw ta yɔrɔ dɔ le ye.

Sariya 3:13 Iomraidhean Croise

Damina 14:5

A saan tan ni naaninan na, masacɛ Kedɔrilawomɛri ni masacɛ minw jɛnna n'a ye, u tun sera erefaw kɔrɔ Asitarɔtikaranayimu mara la, ka se zuziw kɔrɔ Amu mara la, ani ka se emuw kɔrɔ Kiriyatayimu mara la fana,

Mas 2nan 10:33

Zurudɛn baji kɔrɔn fɛ, ni Arowɛri worodugu faan fɛ, Arinɔn kɔɔ daa la, min ye Galaadi mara ni Basan mara ye, Gadi ni Urubɛn ani Manase kɔmɔgɔw tun siginin be yɔrɔ min na.

Sariya 29:7

An y'u ka mara minɛ, k'a di Urubɛn ni Gadi kɔmɔgɔw, ani Manase kɔmɔgɔw tilancɛ ma k'a kɛ u niyɔrɔ ye.

Sariya 29:8

«Aw ka banba ka bɛɛn kuma nunu mara janko aw ka kokɛtaw bɛɛ ka ɲa.

Sariya 3:12

An ye mara nin minɛ k'a kɛ an ta ye. Ne ye Galaadi kuluyɔrɔ tilancɛ di Urubɛn ni Gadi kɔmɔgɔw ma, ani dugu minw be yen, fɔɔ ka taga se Arowɛri mara la Arinɔn kɔɔ daa la.

Sariya 3:14

Manase kɔmɔgɔ min tɔgɔ ko Yayiri, ale ye Arigɔbu mara bɛɛ minɛ fɔɔ ka taga se Gɛsurikaw ka daan ma, ani Maakakaw fana ka daan ma, k'a yɛrɛ tɔgɔ la Basan mara kan. U b'o yɔrɔ wele ten halibi ko Yayiriso.

Sariya 3:4

O waati la, an y'a ka duguw bɛɛ minɛ, dugu foyi ma to an ma se ka min minɛ. O tun ye dugu bi wɔɔrɔ ye, Arigɔbu mara bɛɛ, Ɔgi ka mara kɔnɔ Basan.