Sariya 3:10 - ALA KA KUMA

¹⁰ An ye kɛnɛba duguw bɛɛ minɛ, ani Galaadi ni *Basan mara bɛɛ, fɔɔ ka taga se Salika ani Edirɛyi, o minw be Ɔgi ka mara kɔnɔ Basan.

Jula NT of Côte d’Ivoire

¹⁰ An ka o kɛnɛgbɛyɔrɔ duguw bɛɛ mina, ani Galadi mara bɛɛ, ani Basan jamana bɛɛ, ka taga a bla Salika ni Edereyi. O duguw bɛɛ tun ye masacɛ Ɔgi ta mara le ye, Basan jamana ra.

Sariya 3:10 Iomraidhean Croise

Mas fɔlɔ 4:13

Gebɛri dencɛ tun be Aramɔti kunna Galaadi mara la. Manase dencɛ Yayiri ka dugudennin minw tun be Galaadi mara la, olu fana kɛr'a ta ye, ani Arigɔbu ta min be *Basan mara la, n'a dugubaba bi wɔɔrɔ, minw laminina ni kogo ye ka sɔgɔnan ziralamanw don u dondaw la.

Lok fɔlɔ 5:11

Gadi kɔmɔgɔw tun sigira Urubɛn kɔmɔgɔw gɛrɛfɛ *Basan mara la fɔɔ ka taga se Salika mara la.

Jateri 21:33

O kɔ, u faranna ka taga *Basan sira minɛ. Basan masacɛ Ɔgi n'a ka kɛlɛdenw bɛɛ bɔra ka taga u kunbɛn k'u kɛlɛ Edirɛyi.

Sariya 4:43

O duguw tun ye Bɛsɛri ye min be kɛnɛba la kongokolon kɔnɔ, o ka kɛ Urubɛn kɔmɔgɔw ta ye, ani Aramɔti, Galaadi mara la, o ka kɛ Gadi kɔmɔgɔw ta ye. Ani Golan, *Basan mara la, o ka kɛ Manase kɔmɔgɔw ta ye.

Sariya 4:49

ani Araba mara bɛɛ Zurudɛn baji kɔfɛ kɔrɔn fɛ, fɔɔ ka taga se *Kɔgɔji Fariman ma, Pisiga kulu jigijigiyɔrɔ la.

Yosuwe 13:16

U tun ye yɔrɔ min sɔrɔ, o tun be daminɛ Arowɛri min be Arinɔn kɔɔ daa la, ni dugu wɛrɛ min be kɔɔ nin kɛnɛ cɛmancɛ la, ani Madaba kɔkɛnɛ,

Yosuwe 13:30

U ye yɔrɔ min sɔrɔ, o be daminɛ Maanayimu, ka Basan mara bɛɛ fara o kan, ni Basan masacɛ Ɔgi ka mara bɛɛ, ani Yayiri ye dugudennin bi wɔɔrɔ minw minɛ o mara la.

Yosuwe 13:31

Galaadi mara tilan kelen, ni Asitarɔti ni Edirɛyi, min ye Ɔgi ka mara kɔnɔ dugubabaw ye Basan mara la, olu dira Manase dencɛ Makiri kɔmɔgɔw ma ka kɛɲɛ n'u ka fadenyabolow ye.