Sariya 29:9 - ALA KA KUMA

⁹ «Aw bɛɛ lɔnin filɛ nin ye ɲɔgɔn fɛ bii Masaba aw ka Ala ɲakɔrɔ: aw kuntigiw, aw ɲamɔgɔw, aw ka cɛkɔrɔbaw, ani aw ka kɛlɛdenw ɲamɔgɔw, ni Isirayɛli cɛɛ tɔw bɛɛ,

Jula NT of Côte d’Ivoire

⁹ Ayiwa, aw bɛɛ nana lɔ Matigi Ala, aw ta Ala ɲa kɔrɔ bi, aw ni aw ta kuntigiw, ani aw ta cɛkɔrɔbaw, ani aw ta jamana ɲamɔgɔw, ani Izirayɛli cɛ tɔw bɛɛ,

Sariya 29:9 Iomraidhean Croise

Mas fɔlɔ 2:3

Banba ka tilen Masaba i ka Ala ye, ka mɛnni kɛ a fɛ, k'a ka sariyaw bato, ka taama ka kɛɲɛ n'a ka fɔta bɛɛ ye, k'a ka koo latigɛninw bato, ka sɔn a sago ma, ka kɛɲɛ ni Musa ka sariyasɛbɛ kɔnɔnakuma ye. O la, i bena see sɔrɔ i ka kokɛtaw bɛɛ la, an'i taayɔrɔw bɛɛ la.

Lok 2nan 20:13

Zuda mara mɔgɔw bɛɛ tun lɔnin be Masaba ɲakɔrɔ n'u ka somɔgɔw, musow fara denmisɛnw kan.

Lok 2nan 31:21

A ye baara minw bɛɛ daminɛ Ala ka soo la, ni Ala ka sariya batoli faan fɛ, a y'a ka Ala yɔrɔ ɲini o bɛɛ la n'a dusu bɛɛ ye. A ka koow fana yiriwara.

Zaburu 25:10

Masaba ka siraw ye ɲumanya ni tilenninya ye a ka bɛɛn n'a ka fɔtaw batobagaw fɛ.

Yeremi 50:5

U bena *Siyɔn sira koo ɲininga, k'u ɲaa sin yen. U bena na ka bɛɛn cɛnbali kɛ ni ne Masaba ye, u tena ɲinɛ min kɔ ka ye.

Luka 11:28

Nga Yezu y'a jaabi ko: «Mɔgɔ min be Ala ka kuma lamɛn, k'a bato, o le dagamunin lo.»

Sariya 29:1

Musa ye Isirayɛlidenw bɛɛ wele k'a fɔ u ye ko: «Aw tun be Ezipiti tuma min na, aw ɲaa y'a ye Masaba ye Ezipiti masacɛ n'a ka baarakɛlaw bɛɛ, n'a ka jamana bɛɛ kɛ cogo min na.

Sariya 29:10

ka fara aw deenw n'aw musow kan, ani lonan minw siginin be aw cɛma, janko ka lɔgɔ tigɛ, ani ka jii bɔ aw ye.

Sariya 31:12

I bena mɔgɔw bɛɛ lajɛn, cɛɛ fara musow kan, ni denmisɛnw, ani lonan minw bɛɛ siginin be aw ka duguw kɔnɔ, waasa u ka se ka kuma nin mɛn, k'a lɔn ka siran Masaba aw ka Ala ɲa, k'a ka sariya nin kɔnɔnakuma bɛɛ bato.

Sariya 4:6

Aw k'a bato ka ɲa, bari siya wɛrɛ minw bena sariya nunu koo mɛn, olu ben'a lɔn o la ko aw ye lɔnnikɛlaw ni hakilitigiw ye. U ben'a fɔ ko: ‹Lɔnniya be siya barikaman nin fɛ, hakilitigiw lo.›

Sariya 5:3

A ma o bɛɛn kɛ n'an bɛmaw ye do, nga a y'a kɛ n'anw le ye, an minw bɛɛ be yan bii.

Yosuwe 1:7

I ka barika don i yɛrɛ la k'i jaa gwɛlɛya kosɔbɛ. Ne ka baarakɛla Musa tun ye sariya min bɛɛ d'i ma, e k'i ka koow kɛ ka kɛɲɛ ni o ye. I kana jɛngɛ ka taga kinibolo walima numanbolo fɛ, janko i ka koo kɛtaw ka se ka ɲa i bolo i taayɔrɔw bɛɛ la.

Yosuwe 1:8

I kana sariyasɛbɛ nin kalan dabila abada, i ka to ka miiri a kɔnɔnako la suu fara tile kan, janko i ka se ka taama ka kɛɲɛ ni sɛbɛ nin kɔnɔnakuma bɛɛ ye. Bari i bena see sɔrɔ o le barika la, i ka koo kɛtaw ka ɲa.

Yosuwe 24:1

Zozuwe ye Isirayɛli ka deenw kɔmɔgɔw bɛɛ lajɛn Sisɛmu, k'u ka cɛkɔrɔbaw ni ɲamɔgɔw ani kititigɛlaw ni kɛlɛdenw ɲamɔgɔw wele. U nana lɔ Ala ɲakɔrɔ.

Yosuwe 8:35

Musa tun ye fɛɛn minw bɛɛ sɛbɛn, Zozuwe y'o bɛɛ kalan Isirayɛli jama bɛɛ ɲana, a ma foyi to. Musow tun be yen, ni denmisɛnw ani lonan minw tun be u cɛma.