Sariya 29:5 - ALA KA KUMA

⁵ Aw ma buru dumu, walima duvɛn, walima dɔrɔ fariman wɛrɛ min. O kɛra janko aw k'a lɔn ko ale ye Masaba aw ka Ala ye.

Jula NT of Côte d’Ivoire

⁵ a ma aw baro ni buru le ye, walama duvɛn, walama minnifɛn fariman dɔ wɛrɛ; a ka o kɛ janko aw y’a lɔn ko ale le ye Matigi Ala, aw ta Ala ye.

Sariya 29:5 Iomraidhean Croise

Nehemi 9:21

I tora u fɛ saan bi naani kɔnɔ kongokolon kɔnɔ k'u mako ɲa. U tun ma dɛsɛ foyi la, u ka faniw ma faran, u seenw ma funu.

Zaburu 78:24

A y'a kɛ maanɛ jigira ka kɛ u ka dumuni ye. A ye dumuni di u ma ka bɔ sankolo la.

Bɔri 6:7

Ne bena aw kɛ ne ka mɔgɔw ye, ne bena kɛ aw ka Ala ye. Aw ben'a lɔn ko ne ye Masaba ye, aw ka Ala, ko ne le ye aw bɔ Ezipitikaw ka fanga kɔrɔ.

Bɔri 7:7

Musa ni Arɔn kumana masacɛ fɛ waati min na, Musa sii tun ye saan bi seegi ye, Arɔn sii tun ye saan bi seegi ni saba ye.

Jateri 14:33

Ko u deenw bena kɛ begɛnmaralaw ye kongokolon kɔnɔ yan saan bi naani kɔnɔ ka sɛgɛn u ka tilenbaliya kosɔn fɔɔ n'u bɛɛ sara kongokolon kɔnɔ tuma min na.

Matiyu 10:10

Aw kana dugutagaminan ta, aw kana deleke filanan ta, aw kana sanbara fila ta, aw kana bere ta, bari baarakɛla ka kan n'a ka dumuni ye.

Sariya 1:3

Masaba tun ye min bɛɛ fɔ Musa ye Isirayɛlidenw koo la, Musa y'o bɛɛ fɔ u ye, u saan bi naaninan kalo tan ni kelennan tile fɔlɔ loon na, u bɔnin kɔ Ezipiti.

Sariya 8:2

Aw k'aw hakili to taamajan nin na, Masaba aw ka Ala y'a kɛ aw ye min kɛ saan bi naani, kongokolon kɔnɔ. A y'o kɛ janko k'aw majigi k'a filɛ min b'aw kɔnɔ na, ni aw tun bena sɔn k'a ka kuma bato, walima n'aw tun tena sɔn.

Sariya 8:3

A y'aw majigi k'aw tɔɔrɔ ni kɔngɔ ye, ka sɔrɔ ka maanɛ di aw ma, aw n'aw bɛmaw tun te min lɔn. A y'a yira aw la ten ko mɔgɔ te balo ni dumunifɛn dama ye, nga a be balo ni Masaba dalakuma fana ye.

Sariya 8:4

Kabini saan bi naani kɔnɔ, aw ka faniw ma cɛn, aw seenw ma funu.

Yosuwe 9:13

An ka duvɛnforoko minw tun ye kuraw ye, n'an ye u fa duvɛn na, olu faranfarannin filɛ, an ka faniw, n'an ka sanbaraw bɛɛ cɛnna taamajan kosɔn.»

Yosuwe 9:5

U ye sanbarakɔrɔw don minw tun tigɛtigɛra ka kalan, ka fanikɔrɔw don u kaan na. U ka buru bɛɛ janin tun lo kakaka fɔɔ o bɛɛ karikarila.