Sariya 29:21 - ALA KA KUMA

²¹ «Cɛnni min bena kɛ, ani Masaba bena bana minw don aw ka jamana na, aw kɔmɔgɔw, ani lonan minw bɔra jamanajanw na ka na, n'u y'a ye tuma min na, u ben'a fɔ ko:

Jula NT of Côte d’Ivoire

²¹ Aw ta den minw bɛna woro aw kɔ fɛ, aw ta duruja nataw, ani lonan minw bɛna bɔ fɔ jamanajanw na ka na, o halakiri minw kɛra jamana kɔnɔ, ani Matigi Ala ka o bana minw lase jamana mɔgɔw ma, olugu bɛna o bɛɛ ye.

Sariya 29:21 Iomraidhean Croise

Yeremi 42:18

Bari ne Masaba, Setigi, Isirayɛli ka Ala ko ne bena n ka dimi ni n ka fariya yira aw la i ko Zeruzalɛmukaw ta, n'aw tagara Ezipiti jamana la. Aw bena kɛ dusukasifɛnw, ni dangafɛnw, ani nɛnifɛnw ye. Aw ɲaa tena la yan yɔrɔ kan tugu.

Ezekiyɛli 13:9

Kira minw be yelifɛnkolonw ye ka galonkiraya kɛ, ne bena wili olu kama. U tena sɔrɔ ne ka mɔgɔw ka ɲɔgɔnyew la, u tɔgɔ tena sɛbɛn Isirayɛlidenw ka buruju sɛbɛ kɔnɔ, u tena don Isirayɛli jamana kɔnɔ tugu. O tuma na, aw ben'a lɔn ko ne ye Matigi, Masaba le ye.›

Malaki 3:18

O la, faranfasi min be mɔgɔtilennin ani mɔgɔjugu cɛ, aw bena o lɔn. Min be baara kɛ ne Ala ye, ani min te baara kɛ ne ye, faranfasi min b'u cɛ, aw bena o lɔn.

Matiyu 24:51

A bena o baaraden nin bɔ yen k'a tɔɔrɔ namaramɔgɔw tɔɔrɔcogo la. A bena kasi ka kule yen.

Matiyu 25:32

Siyaw bɛɛ bena lajɛn a ɲafɛ, a bena mɔgɔw faran k'u bɔ ɲɔgɔn na i n'a fɔ sagadɛndɛbaga be sagaw faran ka bɔ baaw la cogo min na.

Matiyu 25:41

O kɔ, a ben'a fɔ a numanbolo la mɔgɔw ye ko: ‹Aw ye taga ka bɔ ne kɔrɔ, mɔgɔjuguw. Aw ye taga jahanama na, min labɛnna Sutana n'a kɔmɔgɔw ye,

Matiyu 25:46

Yezu y'o kuma laban ko: «O mɔgɔjugu nunu bena taga tɔɔrɔ banbali yɔrɔ la, mɔgɔtilenninw bena don Ala ka hɛrɛ banbali yɔrɔ la.»

Sariya 28:59

Masaba bena bana kabakomanw lase aw, n'aw kɔmɔgɔw ma. A bena jolijugu ni banajuguw bila aw la, minw ban man di.

Sariya 28:61

Hali bana ni jolijugu minw bɛɛ koo ma fɔ sariyasɛbɛ nin kɔnɔ, Masaba bena olu bila aw la fɔɔ aw bɛɛ ka halaki.

Sariya 30:10

ni aw sɔnna ka kɔsegi a ma n'aw dusu, n'aw yɛrɛ bɛɛ ye, k'a sago kɛ k'a ka kumaw n'a ka fɔtaw bato, minw bɛɛ koo fɔra sariyasɛbɛ nin kɔnɔ.

Sariya 32:23

N bena kojugu caaman lase u ma, n bena n ka biɲɛw kɛ k'u bon.