Sariya 29:1 - ALA KA KUMA

¹ Musa ye Isirayɛlidenw bɛɛ wele k'a fɔ u ye ko: «Aw tun be Ezipiti tuma min na, aw ɲaa y'a ye Masaba ye Ezipiti masacɛ n'a ka baarakɛlaw bɛɛ, n'a ka jamana bɛɛ kɛ cogo min na.

Jula NT of Côte d’Ivoire

¹ O ra, Musa ka Izirayɛlimɔgɔw bɛɛ lajɛnnin wele k’a fɔ o ye ko: Matigi Ala ka fɛn minw bɛɛ kɛ Farawona ni a ta jamana ɲamɔgɔw ni a ta jamana bɛɛ ra aw yɛrɛ ɲa na Misiran jamana ra, aw ka o bɛɛ ye.

Sariya 29:1 Iomraidhean Croise

Mas 2nan 23:3

Masacɛ lɔra tutunan gɛrɛfɛ min be Masaba ka soo daa la ka layidu ta Masaba ɲakɔrɔ, ko ale bena tugu Masaba kɔ, k'a ka fɔta, n'a ka sariya, n'a ka koo latigɛninw bato n'a dusu bɛɛ ye, ani ko a b'a yɛrɛ bɛɛ d'a ma, ka kitabu nin kɔnɔnakuma bato. Jama bɛɛ fana y'u yɛrɛ niin don o layidu nin la.

Zaburu 105:27

U ye kobabaw ni kabakow kɛ Ezipiti.

Yeremi 11:2

«Aw ye bɛɛn nin kuma mɛn, k'o fɔ Zeruzalɛmukaw ni Zuda mara mɔgɔw ye.

Yeremi 11:6

Masaba y'a fɔ ne ye ko: «Taga o kuma nunu bɛɛ wango la Zeruzalɛmu bɔlɔnw la ani Zuda mara duguw tɔw kɔnɔ ko: ‹Aw ye mɛnni kɛ ne Masaba ka bɛɛn la, k'a sira taama.

Yeremi 31:32

O tena kɛ i ko ne ye bɛɛn min kɛ n'u faaw ye tuma min na ne y'u minɛ u bolo ma k'u bɔ Ezipiti jamana la. Olu tun ye o bɛɛn nin cɛn, k'a sɔrɔ ne tun ye u yɛrɛ tigi ye. Ne Masaba le ko ten.

Yeremi 34:18

Mɔgɔ minw ye bɛɛn kɛ ne ɲakɔrɔ ka tila k'a cɛn, n'u ma o bato, ne bena olu kɛ i n'a fɔ misi, u ye min cɛtigɛ fila ka tɛmɛ u cɛma.

Sarakalasebagaw 26:46

O le ye Masaba ka kuma ye, ni a ka ɲinitaw ani a ka sariyaw. A ye minw sigi ale yɛrɛ ni Isirayɛlidenw cɛ Musa sababu la Sinayi kulu kan.

Sarakalasebagaw 27:34

Masaba ye sariya minw fɔ Musa ye Sinayi kulu kan, waasa a k'u fɔ Isirayɛlidenw ye, olu lo ye nunu ye.

Kɛwalew 3:25

Aw ye kiraw ka deenw ye. Ala tun ye bɛɛn min kɛ n'aw faaw ye Ibrayima barika la, aw y'o deenw ye. A tun ko: ‹Gwasow bɛɛ bena duba sɔrɔ i kɔmɔgɔ barika la.›

Sariya 1:1

Musa ye kuma minw fɔ Isirayɛlidenw bɛɛ ye Zurudɛn baji kɔfɛ, Araba kongokolon kɔnɔ, Sufi gɛrɛfɛ, Paran ni Tofɛli furancɛ la, ni Laban, ni Aserɔti, ani Dizaabu, o ye nin ye.

Sariya 28:68

«Masaba ben'a kɛ aw be kɔsegi Ezipiti jamana na kurunbaw kɔnɔ. K'a sɔrɔ ne tun y'a fɔ ko aw tena o jamana nin ye tugu. O yɔrɔ la, aw bena jija k'aw yɛrɛ feere aw juguw ma i n'a fɔ jɔɔnw, cɛɛ fara musow kan, nga mɔgɔ si tena aw san.»

Sariya 29:12

janko k'aw kɛ a ka jama ye bii, ani ka kɛ aw ka Ala ye, i n'a fɔ a y'a daa di aw bɛma Ibrayima, ni Isiyaka, ani Yakuba ma cogo min na.

Sariya 29:2

A ye gwɛlɛya minw la u kan, aw yɛrɛ y'o taamasiɲɛw n'o kabakobabaw ye.

Sariya 29:21

«Cɛnni min bena kɛ, ani Masaba bena bana minw don aw ka jamana na, aw kɔmɔgɔw, ani lonan minw bɔra jamanajanw na ka na, n'u y'a ye tuma min na, u ben'a fɔ ko:

Sariya 29:25

U tagara fɛɛn wɛrɛw bato k'u kunbiri gwan u kɔrɔ, u tun te minw lɔn, Masaba do tun ma o sira di u ma.

Sariya 4:10

«Loon min na aw lɔra Masaba aw ka Ala ɲakɔrɔ *Orɛbu kulu kan, aw k'aw hakili to a la. A y'a fɔ ne ye ko ne ka jama lajɛn ale ɲakɔrɔ, ko ale bena kuma u fɛ janko u k'ale boɲako dege, u sii tile bɛɛ la dugukolo kan, ani k'u deenw dege o la.

Sariya 4:13

A y'a ka bɛnkuma fɔ aw ye, min ye a ka sariya tan ye. A y'a ɲini aw fɛ ko aw ka sɔn o ma. O kɔ, a y'o sɛbɛn walaka kabakurulaman fila kan.

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Heburuw 8:9

O ni kɔrɔman nin tena kɛ kelen ye, n y'e min sigi n'u faaw ye loon min na ne y'u minɛ ka bɔ n'u ye Ezipiti jamana na. Nga, u ma ne ka bɛɛn bato minkɛ, o la, ne fana ye n mako bɔ u la. Ne Matigi le ko ten.

Sam fɔlɔ 12:24

Aw ye siran Masaba ɲa ani k'a bato sɔbɛ la n'aw dusu bɛɛ ye. A ye sebagayako min kɛ aw ye, aw yɛrɛ ka miiri o la.