Sariya 28:9 - ALA KA KUMA

⁹ N'aw ye Masaba aw ka Ala ka fɔtaw mara, k'a ka siraw taama, a bena aw kɛ a yɛrɛ tɔgɔla jama ye ka kɛɲɛ n'a ka layidu ye aw ye.

Jula NT of Côte d’Ivoire

⁹ Ni aw ka Matigi Ala, aw ta Ala ta kumaw lamɛn, ani a ka sira min yira aw ra, ni aw ka o sira tagama, a bɛna aw kɛ a ta siya saninman ye, i n’a fɔ a karira aw ye cogo min na.

Sariya 28:9 Iomraidhean Croise

Damina 17:7

Ne bena bɛn n'i ye, an'i kɔmɔgɔw. O bɛɛn tena cɛn abada, ne be kɛ i ka Ala ye, n'i kɔmɔgɔw ta.

Zaburu 87:5

Nga a be fɔ Siyɔn kosɔn ko: «Mɔgɔ bɛɛ wolola Siyɔn kɔnɔ, Fɛɛn bɛɛ kuntigi le b'u sigi ka ɲa.»

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Ezayi 1:26

Ne bena aw ka kititigɛlaw yɛlɛma k'u kɛ i ko fɔlɔfɔlɔ kititigɛlaw, k'aw ka ladilikɛbagaw kɛ i ko fɔlɔfɔlɔtaw. O kɔ, aw ka dugu bena sɔrɔ ka wele ko Duguɲuman, tilenninyadugu.»

Ezayi 62:12

U bena u wele ko Siya senuman, Masaba ye minw kunmabɔ. U bena i wele ko Madiyadugu, Dugu min labilanin tɛ.

Yeremi 11:5

O la, ne bena ne ka layidu dafa, n tun ye min ta u faaw ye ko ne bena jamana diman d'u ma, nɔnɔ ni lii ka ca min la kosɔbɛ, min kɛra u ta ye bii.» Ne y'a jaabi ko: «Amiina, Masaba!»

Sariya 13:17

Aw k'o dugu nafolo bɛɛ cɛ k'o kɛ ɲɔgɔn kan forobayɔrɔ la k'a jɛni pepewu, ka dugu nin fana jɛni Masaba aw ka Ala ye. O yɔrɔ bena kɛ tomo ye, dugu nin tena sigi tugu abada.

Sariya 7:6

Bari aw ye Masaba aw ka Ala ka jama ye. Masaba aw ka Ala y'aw woloma siya tɔw bɛɛ cɛma dugukolo kan janko aw ka kɛ a yɛrɛ tɔgɔlataw ye.

Sariya 7:8

Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.

Tes 2nan 3:3

Nga Matigi ye kantigi ye, a bena jagwɛlɛya d'aw ma ani k'aw tanga juguman ma.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nɛɛmatigi Ala min y'aw wele waasa aw k'ale ka nɔɔrɔ banbali ɲɔgɔn sɔrɔ Krista barika la, ale lo bena barika don aw la, ka fanga di aw ma, k'aw lɔ ka ɲa.