Sariya 28:64 - ALA KA KUMA

⁶⁴ «Masaba bena aw yɛrɛkɛ siyaw bɛɛ cɛma, k'a ta dugukolo faan dɔ fɛ ka ta'a bila faan wɛrɛ fɛ. O yɔrɔ la, aw bena fɛɛn wɛrɛw bato, joo yirilamanw ani kabakurulamanw, aw ni aw bɛmaw tun te minw lɔn.

Jula NT of Côte d’Ivoire

⁶⁴ Matigi Ala bɛna aw janjan ka taga ni aw ye siyaw bɛɛ cɛ ra, dunuɲa fan bɛɛ ra. Ka aw to o yɔrɔw ra, aw bɛna ala wɛrɛw bato, ala minw yiriraman lo, ani o kabakururaman, aw ni aw bɛmaw si tun ma ala minw lɔn kakɔrɔ.

Sariya 28:64 Iomraidhean Croise

Damina 4:14

I ye ne gwɛn ka bɔ nin yɔrɔ la bii, ne bena dogo i la. Ne bena kɛ yaalabaga ye dugukolo kan tuma bɛɛ, sigiyɔrɔ tena kɛ n fɛ. Ni mɔgɔ o mɔgɔ ye ne ye, a bena ne faga.»

Mas 2nan 17:6

Oze ka masaya saan kɔnɔntɔnnan na, Asiri masacɛ ye Samari minɛ, ka Isirayɛli mara mɔgɔw minɛ ka taga n'u ye Asiri jamana na, ka taga u bila Hala ni Gozan mara la, Abɔri baa daa la, ani mɛdiw ka duguw kɔnɔ.

Mas 2nan 25:21

Masacɛ y'u faga Iribila, Amati mara la. Zuda mara mɔgɔw cɛra ten ka bɔ u ka jamana na ka taga yɔrɔjan na.

Nehemi 1:8

E k'i hakili to kuma nin na, e tun ye min fɔ i ka baarakɛla Musa ye ko a k'a fɔ i tɔgɔ la. I tun ko: ‹N'aw ma tilen, ne b'aw jɛnsɛn siya wɛrɛw cɛma.

Zaburu 44:11

E y'a kɛ an be bolila an juguw ɲa, an kɛlɛbagaw b'an ka minanw cɛra.

Ezayi 6:12

Masaba bena mɔgɔw bila ka taga yɔrɔjan. Yɔrɔ caaman lakolon bena to jamana kɔnɔ.

Yeremi 15:14

Ne bena i kɛ i juguw ka jɔɔn ye jamana kɔnɔ, i te min lɔn. Bari, ne dusu gwanna aw kɔrɔ, a do be jɛnina i ko tasuma aw kama.»

Yeremi 16:13

O la, ne bena aw gwɛn ka bɔ jamana nin kɔnɔ k'aw bila ka taga yɔrɔ la aw te min lɔn, aw faaw ma min lɔn fana. Aw bena batofɛn wɛrɛw sɔn o yɔrɔ la suu ni tile. Bari ne tena makari aw la tugu.»

Yeremi 50:17

Isirayɛlidenw be i ko saga tununinw, jaraw y'u gwɛn. Asiri masacɛ le kɔnna k'u minɛ, o kɔ, Babilɔni masacɛ Nabukodonozɔri y'u halaki fɔɔ k'u kolo ci.»

Yeremi 9:16

Masaba, Setigi ko: «Aw ka miiri! Ka cii sama muso sangakasilaw ma, k'u ka na. Minw daa ka di, aw ka mɔgɔw bila ka taga olu kɔ, u ka se yan.

Kasikan 1:3

Zuda mara mɔgɔw minɛna ka taga jɔnya la. U sigɛnnin be haali. U be siya wɛrɛw cɛma, u t'a lɔn u be sigi yɔrɔ min na. U tɔɔrɔbagaw bɛɛ y'u sɔrɔ, u y'u dɛrɛ, bɔyɔrɔ t'u fɛ.

Ezekiyɛli 20:23

Ne y'a fɔ u ye tiɲɛ na kongokolon kɔnɔ ko ne bena u jɛnsɛn siya wɛrɛw cɛma k'u yɛrɛkɛ jamana wɛrɛw la,

Ezekiyɛli 36:19

Ne y'u jɛnsɛn siya wɛrɛw cɛma, u yɛrɛkɛnin tun be jamana wɛrɛw kɔnɔ. Ne y'u kiti ka kɛɲɛ n'u taamacogo n'u ka kɛwaliw ye.

Sarakalasebagaw 26:33

Ne bena aw jɛnsɛn siyaw cɛma ka murujan bila aw nɔɔ fɛ. Aw ka jamana bena cɛn, aw ka dugubabaw bena kɛ yɔrɔlakolon ye.

Amɔsi 9:9

«Ne bena sira di ka Isirayɛlidenw yɛlɛmayɛlɛma siyaw bɛɛ cɛma i n'a fɔ mɔgɔ be suman bugubugu cogo min na k'a bɛrɛmisɛnw bɛɛ bɔ, kisɛ si kana ben.

Jakariya 2:10

«Aw ye bɔ! Aw ye bɔ! Aw ye boli ka bɔ kɔgɔdugu ɲafan jamanaw kɔnɔ!» Masaba le ko ten. «Bari, ne le tun y'aw yɛrɛkɛ ka taga dugukolo faan bɛɛ la.» Masaba le ko ten.

Jakariya 7:14

Ne y'u yɛrɛkɛ siya tɔw bɛɛ cɛma u ma deli ka minw lɔn. Jamana halakira u kɔfɛ, fɔɔ mɔgɔ te bɔ yen, mɔgɔ te tɛmɛ yen. U ye dugukoloɲuman nin kɛ dugukolo kuntan ye.»

Luka 21:24

U bena dɔw faga ni murujanjan ye, ka dɔw minɛ ka taga u kɛ jɔɔnw ye siya wɛrɛw cɛma. Siya minw te siran Ala ɲa, olu bena Zeruzalɛmu halaki pewu fɔɔ sarati min tun dira u ma, o ka dafa.

Sariya 13:8

minw ye aw lamini siyaw ka batofɛnw ye, minw yɔrɔ ka surun, walima minw yɔrɔ ka jan aw la, fɔɔ jamana daan na,

Sariya 28:36

«Masaba bena aw gwɛn ka taga jamana wɛrɛ la, aw n'aw bɛmaw ma min lɔn, aw n'aw ka masacɛ, aw ye min sigi aw kunna. O yɔrɔ la, aw bena joo yirilamanw, ni kabakurulamanw sɔn.

Sariya 29:26

O kosɔn, Masaba dimina jamana nin kɔrɔ kosɔbɛ. Danga minw koo fɔra sɛbɛ nin kɔnɔ, a y'o bɛɛ lase jamana nin ma.

Sariya 30:1

«Ne ye duba ni danga minw bɛɛ fɔ aw ye, n'o koow bɛɛ kɛra aw la tuma min na, Masaba aw ka Ala y'aw yɛrɛkɛ siya wɛrɛw cɛma yɔrɔ min na, aw bena miiri o la.

Sariya 32:17

U ye sarakaw bɔ jinaw ye, minw te Ala ye, u tun te batofɛn minw lɔn. Fɛɛn natɔ kuraw lo, aw bɛmaw yɛrɛ tun ma siran minw ɲa.

Sariya 32:26

Ne tun ko n bena u bɛɛ halaki pewu, k'u tɔgɔ tunu ka bɔ mɔgɔw hakili la.

Sariya 4:32

«Waati minw tɛmɛna fɔlɔfɔlɔ, kabini Ala ye adamaden dan dugukolo kan, loon minw tɛmɛna, aw ka miiri olu la. Aw ka sɛgɛsɛgɛli kɛ diɲɛ faan bɛɛ la. Koba min kɛra, o ɲɔgɔn delila ka kɛ wa? Walima nin kuma nin ɲɔgɔn mɛnna ka ye wa?