Sariya 28:54 - ALA KA KUMA

⁵⁴ Cɛɛ min ka ɲi n'aw bɛɛ ye, ni nigwɛlɛya man d'a ye, a muso min koo ka d'a ye, n'a deen minw tora, a bena olu n'a badenw filɛ n'a ɲajugu ye.

Jula NT of Côte d’Ivoire

⁵⁴ Hali cɛ min tun ye aw ta cɛw bɛɛ ra mɔgɔɲuman ye, ani fɛntigi ye, o tɛna sɔn ka makari a yɛrɛ balemacɛ ra, walama a muso min ko ka di a ye, walama a ta den minw ɲanaman tora.

Sariya 28:54 Iomraidhean Croise

Sam 2nan 12:3

Foyi tun te fantan nin fɛ fɔɔ sagaden kelen, a tun ye min san, n'a b'a balola. A tun be boɲan'a fɛ n'a deenw ye. A tun be to k'a ka dumuni dɔ le di sagaden nin ma, n'a yɛrɛ ka minji dɔ, a ka filen kɔnɔ. Sagaden nin tun be to ka la n'a ye. Cɛɛ nin tun y'a kɛ i n'a fɔ a denmuso.

Zaburu 103:13

Faa be hinɛ a deenw na cogo min na, o cogo kelen na, Masaba be hinɛ a ɲasiranbagaw la.

Zanaw 23:6

Kana mɔgɔjugu ka dumuni dumu, kana i ɲaa bɔ a ka dumuni diman fɛ.

Zanaw 28:22

Wasabali be boli nafolo kɔ. A t'a lɔn ko dɛsɛ bena se a ma.

Ezayi 49:15

Nga Masaba b'a jaabi ko: «Muso be ɲinɛ a ka denɲɛnin kɔ wa? A te makari a yɛrɛ woloden na wa? Hali ni muso be ɲinɛ a deenw kɔ, ne te ɲinɛ i kɔ.

Mise 7:5

Kana la i ka mɔgɔw si la, kana la i teriw si la. Kana sɔn ka dɔ fɔ i ka muso yɛrɛ ɲana.

Matiyu 11:8

Aw tagara mun le filɛ? Dakamana fanitigi wa? Nga mɔgɔ minw be dakamana faniw don, olu be sɔrɔ masaluw le kɔnɔ.

Matiyu 20:15

O tuma na, ne man kan ka n sago kɛ ni n ka wari ye wa, walima ne ye koɲuman min kɛ, o ɲagoya le b'i la?› »

Sariya 13:6

O kira, walima o yelikɛla nin ka kan ka faga, bari a tun b'a fɔra ko aw ka muruti Masaba aw ka Ala ma. Ale min y'aw bɔ Ezipiti jamana na jɔnya la. A b'a fɛ k'aw faran ka bɔ Masaba aw ka Ala ka sira la. Masaba ko aw ka min taama. Aw ka kan ka kojugu bɔ aw cɛma.

Sariya 15:9

Aw kana miiriyajugu ta k'a fɔ ko juru yafasan sera ka ban, min ye saan wolonwulanan ye, o kama, aw b'aw dusu gwɛlɛya aw balima fantanw faan fɛ ka ban k'a d'u ma. N'o kɛra, u bena aw jalaki Masaba ɲakɔrɔ, a bena kɛ hakɛ ye aw fɛ.

Sariya 28:53

«Aw juguw bena tɔɔrɔ minw lase aw ma k'aw datugunin to u fɛ, Masaba aw ka Ala ye dencɛ ni denmuso minw di aw ma, aw bena olu dumu o tɔɔrɔ nunu kosɔn.

Sariya 28:55

A b'a ka deen minw dumuna, a tena sɔn k'o sogo dɔ di olu ma, bari o dumuni nin dɔrɔn le b'a bolo. Aw juguw bena sigi k'aw ka duguw bɛɛ datugu k'aw tɔɔrɔ tuma min na, o waati lo.