Sariya 28:53 - ALA KA KUMA

⁵³ «Aw juguw bena tɔɔrɔ minw lase aw ma k'aw datugunin to u fɛ, Masaba aw ka Ala ye dencɛ ni denmuso minw di aw ma, aw bena olu dumu o tɔɔrɔ nunu kosɔn.

Jula NT of Côte d’Ivoire

⁵³ Aw juguw bɛna aw ta duguw bɛɛ lamini ka sɛgɛba min la aw kan, o sɛgɛ bonyakojugu fɛ, hali aw yɛrɛ worodenw, aw bɛna o sogo domu; Matigi Ala ka dencɛw ni denmuso minw di aw ma, aw bɛna olugu sogo domu.

Sariya 28:53 Iomraidhean Croise

Yeremi 19:9

Ne ben'a to olu b'u deen cɛmanw ni musomanw sogo ɲimi, olu bena to ka ɲɔgɔn ɲimi, k'o sababu kɛ bɔnɛ ni dusukasi ye, u juguw ye min la u kan. Olu minw b'u ka saya fɛ.

Kasikan 2:20

Ee! Masaba, a filɛ kɛ: E be jɔn le tɔɔrɔla ten? Muso be se k'a yɛrɛ deenw balo ka tila k'o ɲimi wa? Sarakalasebagaw ni kiraw ka kan ka faga i ka sigiyɔrɔ la wa?

Kasikan 4:10

Denbaɲumanw y'u deenw tobi. U kɛra dumuni ye u fɛ ne ka jama halakiwaati la.

Ezekiyɛli 5:10

O senfɛ, faaw bena u deenw ɲimi dugu nin kɔnɔ, deenw fana bena u faaw ɲimi. Ne bena aw ɲaa gwan. Aw tɔɔ min bena to, ne bena o yɛrɛkɛ faan bɛɛ.

Sarakalasebagaw 26:29

Aw bena aw dencɛw n'aw denmusow le dumu.

Matiyu 24:19

O waati la, musokɔnɔmanw ani minw deen be siin min, olu bena tɔɔrɔ kosɔbɛ.

Sariya 28:18

Aw bena danga sɔrɔ, aw tena deen caaman sɔrɔ. Aw ka suman, n'aw ka misiw, n'aw ka sagaw tena caya.

Sariya 28:54

Cɛɛ min ka ɲi n'aw bɛɛ ye, ni nigwɛlɛya man d'a ye, a muso min koo ka d'a ye, n'a deen minw tora, a bena olu n'a badenw filɛ n'a ɲajugu ye.

Sariya 28:55

A b'a ka deen minw dumuna, a tena sɔn k'o sogo dɔ di olu ma, bari o dumuni nin dɔrɔn le b'a bolo. Aw juguw bena sigi k'aw ka duguw bɛɛ datugu k'aw tɔɔrɔ tuma min na, o waati lo.

Sariya 28:57

Hali a ye deen min wolo sisan sisan, ani donso min bɔr'a seen fila cɛ, a bena dogo k'o kɛ dumuni ye gwɛlɛya kosɔn, aw juguw bena min lase aw ma aw ka duguw kɔnɔ.