Sariya 28:51 - ALA KA KUMA

⁵¹ U bena aw ka begɛnw deenw n'aw ka sumanw dumu, fɔɔ aw bɛɛ ka halaki. U tena suman foyi to aw fɛ, walima duvɛnkɛnɛ, walima tulu, walima aw ka misiw n'aw ka sagaw deenw, fɔɔ aw bɛɛ ka tunu.

Jula NT of Côte d’Ivoire

⁵¹ O bɛna aw ta bɛganw ni aw ta sɛnɛfɛnw domu, fɔ ka taga aw halaki. O tɛna siman foyi to aw fɛ, o tɛna rɛzɛnji foyi to aw fɛ, o tɛna turu foyi to aw fɛ, o tɛna aw ta misiw ni aw ta sagaw ni aw ta baw si to yi; o bɛna aw ban le pewu.

Sariya 28:51 Iomraidhean Croise

Mas 2nan 25:10

A ka kɛlɛdenw ye Zeruzalɛmu laminikogo ci.

Ezayi 1:7

Aw ka jamana halakira, aw ka duguw jɛnina. Aw yɛrɛw ɲana, lonanw b'aw ka forow fonna. U cɛnnin lo, i ko siya wɛrɛw y'a ɲagami.

Ezayi 62:8

Masaba kalila ko: «Ne ka setigiya kosɔn, ne ten'a to aw juguw b'aw ka suman dumu tugu. Lonanw tena aw ka duvɛnkɛnɛ min tugu, aw sigɛnna minw baara la.

Yeremi 15:13

Ne ben'a to u b'i ka nafolo bɛɛ cɛ. O bena kɛ i ka kojugu bɛɛ sara ye, i ye minw kɛ jamana kɔnɔ.

Yeremi 17:3

ni kongo kɔnɔ kuluw kan. Zuda mara mɔgɔw, ne bena aw ka nafolo n'aw bololafɛnw bɛɛ, ani aw ka sɔnnikɛyɔrɔw don benkannikɛlaw bolo. Aw ye kojugu minw kɛ aw ka jamana bɛɛ kɔnɔ, olu sara lo.

Kasikan 4:9

Murujan ye minw faga, olu dagamuna ka tɛmɛ kɔngɔtɔw kan. Bari kɔngɔ b'u fanga ban k'u nagasi suman tanya fɛ.

Ezekiyɛli 12:19

A fɔ jamana kɔnɔ mɔgɔw ye ko Zeruzalɛmuka minw be Isirayɛli mara la, ne Matigi, Masaba be min fɔ olu koo la, o filɛ nin ye: Ko u hakili ɲagaminin bena dumuni kɛ, u jigi tigɛnin bena jii min, bari jamana kɔnɔ nafolo bɛɛ bena cɛn a kɔnɔ mɔgɔw ka fariyakow kosɔn.

Ezekiyɛli 25:4

O le kosɔn, ne bena aw don kɔrɔn fɛ mɔgɔw bolo k'aw kɛ u ta ye. Olu bena u ka fanibuguw lɔ aw ka yɔrɔ la ka kɛ u sigiyɔrɔw ye. U bena aw ka yiridenw dumu k'aw ka nɔnɔ min.

Sarakalasebagaw 26:26

Ni ne ye aw ka dumuni sɔrɔko gwɛlɛya tuma min na, muso tan bena se k'aw ka buru jɛni dibi kelen kɔnɔ. U bena dɔɔni min d'aw kelen kelen ma, o bena dɔgɔya fɔɔ aw bena dumuni min kɛ, o tena aw ka kɔngɔ nɔgɔya.

Sariya 28:33

I te siya min lɔn, i ka sumanw, n'i ka baara tɔnɔ bɛɛ bena kɛ olu balofɛn ye. U bena aw tɔɲɔ, k'u fanga digi aw kan tuma bɛɛ.

Sariya 28:50

U bena kɛ mɔgɔ ɲanagwɛlɛnw ye, u tena mɔgɔkɔrɔbaw boɲa, walima ka hinɛ denmisɛnw na.

Sariya 28:52

U bena aw datugu aw ka duguw bɛɛ la aw ka jamana kɔnɔ yɔrɔ bɛɛ, k'aw kɛlɛ, fɔɔ aw jigi lanin be kogojan barikaman minw kan, olu ka ben. Masaba aw ka Ala be jamana min dira aw ma, u bena o duguw bɛɛ datugu.