Sariya 28:48 - ALA KA KUMA

⁴⁸ o la, Masaba bena aw jugu minw bila ka na aw kama, aw bena baara kɛ olu ye. Kɔngɔ ni minnɔgɔ bena kɛ aw la, aw farilakolon bena to, aw bena dɛsɛ haali. A bena sigɛnba la aw kan fɔɔ k'aw faga.

Jula NT of Côte d’Ivoire

⁴⁸ O kosɔn Matigi Ala bɛna aw jugu minw lana aw kama, aw kɔngɔtɔ, ani aw minlɔgɔtɔ, ani aw fari lakolon, ani aw borolakolon bɛna baara kɛ olugu ye. A bɛna jagboyabaara gbɛlɛnmanw le la aw kan, fɔ ka taga aw halaki.

Sariya 28:48 Iomraidhean Croise

Mas fɔlɔ 8:33

«N'a kɛra ko i ka jama Isirayɛli juguw sera u kɔrɔ kɛlɛ la, bari u y'i hakɛ ta, n'u nimisara ka kɔsegi e ma ka boɲa la i tɔgɔ kan, k'i daali kosɔbɛ soo nin kɔnɔ,

Lok 2nan 12:8

O bɛɛ n'a ta, Sisaki bena to u kunna. O la, faranfasi min be ne ka baara, ni jamana wɛrɛ masaw ta cɛ, u ben'o lɔn.»

Ezayi 47:6

Ne tun dimina n ka jama kɔrɔ. Minw kɛra ne taw ye, ne tun y'u dɔgɔya, k'u don i bolo. Nga i ma makari u la fewu, i ye tɔɔrɔ la cɛkɔrɔbaw kan kosɔbɛ.

Yeremi 17:4

Ne tun ye niyɔrɔ min di aw ma, aw bena o labila aw yɛrɛ ma. Ne bena aw kɛ aw juguw ka jɔɔnw ye jamana kɔnɔ aw te min lɔn. Bari aw ye ne dusu dimi kosɔbɛ, o dimi bena to kudayi.»

Yeremi 44:22

Aw ka kɛwalijuguw n'aw ka kokolonw kosɔn, Masaba ma se ka muɲu tugu. O kama le aw ka jamana kɛra dangafɛn, ni tomo ye, dusukasiyɔrɔ. A kɛra yɔrɔlakolon ye, mɔgɔ te yen, i n'a fɔ a be cogo min na bii.

Yeremi 44:27

Ne b'u kɔlɔsira, bɔnɛ kama lo, u ka ɲa kama tɛ. Zuwifu minw bɛɛ siginin be Ezipiti jamana la, olu bɛɛ bena halaki pewu ni murujan, ni kɔngo ye.

Yeremi 5:19

N'o ye ɲinigali kɛ tuma min na ko: ‹Mun na Masaba an ka Ala ye nin bɛɛ kɛ anw na ten?› E k'u jaabi ko: ‹Aw banna aw ka Ala la ka siya wɛrɛw ka joow sɔn aw yɛrɛ ka jamana kɔnɔ cogo min na, o cogo kelen na, aw bena baara kɛ siya wɛrɛw ye jamana wɛrɛ la min t'aw ta ye.›

Kasikan 1:14

A ɲaa be an ka kojuguw la. U kɛra i ko juru kurunin, a bolo. A y'u dulon an kaan na, a ye an barika ban. Matigi ye an don bolo la, an te se ka tila min na.

Kasikan 1:3

Zuda mara mɔgɔw minɛna ka taga jɔnya la. U sigɛnnin be haali. U be siya wɛrɛw cɛma, u t'a lɔn u be sigi yɔrɔ min na. U tɔɔrɔbagaw bɛɛ y'u sɔrɔ, u y'u dɛrɛ, bɔyɔrɔ t'u fɛ.

Kasikan 4:4

Sinmindenw nɛɛn be nɔrɔ u naganaga la minnɔgɔ fɛ. Denmisɛnw be dumuni daali, nga mɔgɔ si te foyi d'u ma.

Ezekiyɛli 17:12

«A fɔ soo murutinin nin ye ko: ‹Yala aw ma talen nin kɔrɔ lɔn wa?› «A fɔ ko Babilɔni masacɛ tagara Zeruzalɛmu, k'a masacɛ n'a ka kuntigiw minɛ ka taga n'u ye Babilɔni.

Ezekiyɛli 17:3

A fɔ u ye ko ne Matigi, Masaba ko: Sɛgɛn belebeleba ɲɛgɛɲɛgɛnin dɔ tagara fɔɔ Liban kuluw yɔrɔ la ka sɛdiriyiriba dɔ kuncɛ bolo kari. A gaman ka jan, a sii ka ca.

Ezekiyɛli 17:7

«Nga sɛgɛnba wɛrɛ tun be yen. A gamansi tun ka jan, a sii tun ka ca. Yirisun nin y'a liliw woyo ka sin a ma jiko kama, k'a bolow bɔ k'o sin a ma, ka bɔ a tutuyɔrɔ la.

Ezekiyɛli 23:29

U bena i kɔnɔ mɔgɔw minɛ ni kɔnɔnajuguya ye. U ye baara kɛ ka bololafɛn minw sɔrɔ, u bena o bɛɛ cɛ, k'i walaka k'i fari lakolon to. I ka kakalaya maloya bena bɔ kɛnɛ kan, an'i ka nigɛjugu, n'i ka kakalaya.

Mise 2:3

O kama, Masaba ko: «Ne bena bɔnɛ la mɔgɔ nunu kan. Aw tena se k'aw kuun bɔ min kɔrɔ, aw tena se fana k'aw kuun kɔrɔta. Bari a bena kɛ bɔnɛ waati ye.

Matiyu 11:29

Aw ka kɛ ne ka kalandenw ye, bari ne sabalinin lo, n te mɔgɔ si dɔgɔya fana. N'aw sɔnna ne ka kuma ma, aw bena lafiya sɔrɔ,

Sariya 32:24

U barika bena dɛsɛ kɔngɔ bolo, farigwan ni fɔɲɔbana ben'u fasa. N bena sogojuguw ci u ma, n bena sajuguw ci u ma.