Sariya 28:45 - ALA KA KUMA

⁴⁵ «N'aw ma Masaba aw ka Ala sago kɛ, n'aw m'a ka fɔtaw n'a ka sariyaw mara a ye minw fɔ aw ye, o danga nunu bɛɛ bena se aw ma, u bena tugu aw kɔ, fɔɔ k'aw sɔrɔ ani k'aw halaki.

Jula NT of Côte d’Ivoire

⁴⁵ O dangaw bɛɛ bɛna se aw ma ka tugu aw kɔ yɔrɔ bɛɛ, ka aw mina, ka aw halaki; sabu aw ma Matigi Ala, aw ta Ala kan mina, ani a ka kumaw, ani sariya minw fɔ aw ye, aw ma o sira tagama.

Sariya 28:45 Iomraidhean Croise

Damina 19:13

An bena dugu nin halaki, bari yankaw ka kojugu mankan boɲana kosɔbɛ Masaba ɲakɔrɔ fɔɔ a y'an ci ka n'a halaki.»

Mas 2nan 17:20

O la, Masaba ye Isirayɛlidenw bɛɛ bila. A y'u majigi, k'u don benkannikɛlaw bolo, fɔɔ a laban, a y'u gwɛn ka bɔ a ɲakɔrɔ.

Zaburu 119:21

I ye dangatɔ yɛrɛboɲala nunu bagabaga, olu minw y'i ka fɔta bila.

Zanaw 13:21

Juguman le be kojugukɛla kɔ. Nga hɛrɛ ye mɔgɔtilennin ka sara ye.

Ezayi 1:20

Nga n'aw banna, n'aw murutira, murujan le ben'aw ban.» Masaba le ko ten!

Ezekiyɛli 14:21

Ayiwa, ne Matigi, Masaba be min fɔ, o filɛ nin ye: «Hali ni ne ye tɔɔrɔko naani nunu lase Zeruzalɛmu ma: murujan, ni kɔngɔ, ni warajuguw, ani fɔɲɔbana, k'a kɔnɔ mɔgɔw ni begɛnw faga,

Ezekiyɛli 7:15

«Murujan be cɛnni kɛ dugu kɔɔ kan, fɔɲɔbana ni kɔngɔ be fagali kɛ dugu kɔnɔ. Mɔgɔ min be kongo kɔnɔ, ale bena faga ni murujan ye. Min be dugu kɔnɔ, kɔngɔ ni fɔɲɔbana bena ale faga.

Sarakalasebagaw 26:28

o tuma na, ne diminin bena ban aw la. Ne yɛrɛ le bena aw ka tɔɔrɔ ɲɔgɔn wolonwula la aw kan tugu aw ka hakɛ kama.

Sariya 28:15

«Ne be Masaba aw ka Ala ka kuma n'a ka sariya minw bɛɛ fɔra aw ye bii, n'aw m'o mara ka ɲa, n'aw ma sɔn a ta ma, a bena kojugu minw lase aw ma, o filɛ nin ye:

Sariya 28:5

Aw ka sinsinw n'aw ka sokɔnɔ bondow bena fa suman na.

Sariya 4:25

«N'aw sigira ka mɛn jamana nin kɔnɔ, ka deenw sɔrɔ ani mamadenw, n'aw y'aw yɛrɛ nigɛ, ka joo dilan fɛɛn o fɛɛn jaa la, ka kojugu kɛ Masaba aw ka Ala ɲakɔrɔ, k'a kɛ a be dimi,

Sariya 4:26

ne be sankolo ni dugukolo kɛ n seerew ye bii aw kama, aw bena Zurudɛn baji tigɛ ka jamana min minɛ k'a kɛ aw ta ye, aw bena sa ka tunu joona joona ka bɔ o kɔnɔ. Aw tena sijan sɔrɔ, aw bena halaki pewu ka bɔ o yɔrɔ la.