Sariya 28:38 - ALA KA KUMA

³⁸ «Aw bena suman caaman dan aw ka foro la, nga aw bena suman fitini le tigɛ, bari tɔɔnw ben'a cɛn.

Jula NT of Côte d’Ivoire

³⁸ Aw bɛna siman caman dan aw ta foro ra, nka aw bɛna siman fitini dɔrɔn le sɔrɔ ka o tigɛ, sabu tɔnw bɛna a domu.

Sariya 28:38 Iomraidhean Croise

Mas fɔlɔ 8:37

«Ni kɔngɔ, walima banajugu, walima sigɛn, walima sumancɛnbana, walima tɔɔnw, mana don jamana nin kɔnɔ, n'u juguw nana ko u b'u kɛlɛ jamana kɔnɔ, u ka duguw la, ni banajuguw, walima balawu, nana ben u kan,

Bɔri 10:4

Ko n'i ma sɔn o la, sini, ko ale bena tɔɔnw ci i ka jamana kɔnɔ.

Ezayi 5:10

*Ɛrɛzɛnforo ɛkitari saba bena duvɛn daga kelen dɔrɔn le fa! Sumansi sinsin ɲaa tan dannin foro kɔnɔ, o tigɛnin bena kɛ sinsin ɲaa kelen ye.»

Yeremi 12:13

U bena suman seri, nga u bena biin le kan. U bena sɛgɛn gwansan. U ka suman sɔrɔnin bena maloya bila u la, ne Masaba dimikojugu kosɔn.»

Yowɛli 1:4

Tumu tagara ka min to, burunburun y'o ɲimi. Burunburun tagara ka min to, tɔnmisɛnw y'o cɛn. Tɔnmisɛnw tagara ka min to, tɔnwulenw y'o halaki.

Yowɛli 2:25

«Ne tun ye n ka cɛnnikɛfɛn minw ci aw kama, olu ye cɛnni min kɛ aw fɛ saan damani kɔnɔ, ne bena o ɲɔgɔn segi aw ma. Tumuw ni burunburun, ani tɔnmisɛnw ni tɔnwulenw ye fɛɛn minw cɛn.

Yowɛli 2:3

U ɲafɛ, tasuma le be cɛnni kɛra, u kɔfɛ, tasuma le be manana. Jamana b'u ɲafɛ i ko Edɛn yɔrɔɲuman, u tɛmɛnin kɔ, yɔrɔ kɛra lakolon ye, foyi ma to u kɔ.

Amɔsi 4:9

«Ne y'a kɛ sigɛn y'aw ka sumanw jɛni, k'a kɛ u tolila. Ne y'a to aw ka nankɔw, n'aw ka *ɛrɛzɛnsunw cɛnna. Tɔɔnw y'aw ka torosunw, n'aw ka olivuyiriw ɲimi. Nga aw ma sɔn ka kɔsegi ne ma.» Masaba le ko ten.

Mise 6:15

Aw bena danni kɛ, nga aw tena foyi tigɛ. Aw bena olivutulu bɔ, nga aw tena sɔrɔ k'aw mako ɲa n'a ye. Aw bena *ɛrɛzɛnji bɔ, nga aw tena sɔrɔ k'o duvɛn min.

Hagize 1:6

Aw ye suman caaman dan, nga aw ye fitini dama tigɛ. Aw be dumuni kɛ, nga aw te fa. Aw be minni kɛ, k'a sɔrɔ aw nisɔn te diya. Aw be faniw don, nga nɛnɛ te bɔ aw la. Sara tabagaw ka sara kɛra i n'a fɔ u y'u don bɔɔrɔ jusɔgɔninw kɔnɔ.»

Hagize 1:9

Aw be fɛɛn caaman koo miiri, nga aw be fitini dama le sɔrɔ. Aw ye min sɔrɔ fana ka don n'a ye, ne y'o fiyɛ. O kuun ye mun ye? Ne Masaba, Setigi le ko ten. Bari ne ka soo kɛnin be bonkolon ye, k'a sɔrɔ aw kelen kelen bɛɛ cɛɛ sirinin b'aw taw la.

Malaki 2:3

Ayiwa, ne bena wili aw n'aw deenw kama, ka begɛnbo bɔn aw ɲaa na. Aw be minw faga aw ka ɲanagwɛba loonw na. Aw n'o boo nin bɛɛ bena cɛ ɲɔgɔn fɛ.

Sariya 28:42

Tɔɔnw bena aw ka yiriw n'aw ka sumanw bɛɛ kɛ u ta ye.