Sariya 28:37 - ALA KA KUMA

³⁷ Masaba bena aw gwɛn ka taga siya minw bɛɛ cɛma, aw bena kɛ kabakofɛn ye olu fɛ. U bena yɛlɛko aw la, k'aw lɔgɔbɔ.

Jula NT of Côte d’Ivoire

³⁷ Matigi Ala bɛna aw lataga siya minw bɛɛ ta jamana ra, olugu bɛna kaba aw ra; o bɛna aw tɔgɔ don o ta zanaw ra, ka yɛrɛko aw ma.

Sariya 28:37 Iomraidhean Croise

Lok 2nan 7:20

ne bena Isirayɛlidenw gwɛn ka bɔ n ka jamana kɔnɔ, n ye min d'u ma. N ye soo min kɛ n yɛrɛ ta ye, n bena ban o la fana, k'a kɛ siyaw bɛɛ be yɛlɛ u ma.

Yeremi 19:8

Ne bena duguba nin kɛ siranyayɔrɔ ni lɔgɔbɔyɔrɔ ye. Fɛɛn o fɛɛn mana tɛmɛ a kɔrɔ k'o cɛnni ye, o tigi dabari be ban.

Yeremi 24:9

Ne mana u gwɛn ka taga jamana o jamana la, ne bena u kɛ siranyafɛnw ye, maloyafɛnw, yɛlɛbɔfɛnw, lɔgɔbɔfɛnw ani dangafɛnw ye.

Yeremi 25:9

ne ben'a to kɔgɔdugu ɲafan siyaw bɛɛ k'u lajɛn Babilɔni masacɛ Nabukodonozɔri, ne ka baarakɛla kɔ, ka wili jamana nin, n'a kɔnɔ mɔgɔw ani a gɛrɛfɛsiyaw bɛɛ kama. Ne bena u halaki pepewu ka yɔrɔ nin kɛ dusukasi ni kaba ani lɔgɔbɔyɔrɔ ye. A bena kɛ tomo ye tuma bɛɛ. Ne Masaba le ko ten!

Yeremi 29:18

Ne bena tugu u kɔ ni murujan ye, ni kɔngo ani fɔɲɔbana ye. Ne bena u kɛ siranyafɛnw ye dugukolo kan jamanaw bɛɛ fɛ. Ne bena u kɛ dangafɛnw, ni kabafɛnw, ani yɛlɛfɛnw ni lɔgɔbɔfɛnw ye siyaw bɛɛ cɛma, ne bena u gwɛn ka taga yɔrɔ minw na.

Kasikan 3:45

I y'an kɛ fɛnkolon ye, i y'an kɛ ɲamaɲama ye siyaw cɛma.

Ezekiyɛli 5:15

Ni ne dimininba y'aw ɲaa gwan k'aw sɔngɔ kosɔbɛ tuma min na, aw ka yɔrɔ bena kɛ maloyafɛn ni nɛnifɛn ye aw lamini siyaw fɛ. A bena kɛ sababu ye u be kabakoya ani ka hakili sɔrɔ. Ne Masaba le ko ten.

Yowɛli 2:17

Sarakalasebagaw ka kasi sarakabɔyɔrɔ ni bulon cɛ, olu minw be baara kɛ Masaba ye. U k'a fɔ ko: «Makari i ka mɔgɔw la, Masaba! E kana i ka mɔgɔw di maloya ma, siya wɛrɛw k'u lɔgɔbɔ! Siya wɛrɛw k'a fɔ ko: ‹U ka Ala be min?› Mun na o bena fɔ?»

Jakariya 8:13

Ayiwa, aw kɛra siya tɔw cɛma mɔgɔdanganinw ye cogo min na, aw, Zuda ni Isirayɛli mara mɔgɔw, o cogo kelen na, ne bena aw kisi, aw bena kɛ dubadenw ye. Aw kana siran, aw y'aw jaa gwɛlɛya.»

Sariya 28:28

A bena fatɔya, ni fiɲɛntɔya, ani hakiliɲagami bila aw la.