Sariya 28:33 - ALA KA KUMA

³³ I te siya min lɔn, i ka sumanw, n'i ka baara tɔnɔ bɛɛ bena kɛ olu balofɛn ye. U bena aw tɔɲɔ, k'u fanga digi aw kan tuma bɛɛ.

Jula NT of Côte d’Ivoire

³³ Aw ma siya minw lɔn, olugu le bɛna aw ta dugukolo siman domu, ka aw ta baara tɔnɔ domu. O bɛna aw tɔɲɔ le lon o lon, ka aw minako juguya kosɛbɛ.

Sariya 28:33 Iomraidhean Croise

Ayuba 20:18

A ye nafolo min sɔrɔ, a bena segi k'o di, a tena se k'a dumu. A ye tɔnɔ min sɔrɔ a ka jago la, a tena se k'o diya bɔ.

Ezayi 1:7

Aw ka jamana halakira, aw ka duguw jɛnina. Aw yɛrɛw ɲana, lonanw b'aw ka forow fonna. U cɛnnin lo, i ko siya wɛrɛw y'a ɲagami.

Ezayi 42:22

Nga u benna siya nin kan, k'u bololafɛnw bɔsi. U bɛɛ minɛnin lo ka don kaso la, u minɛna ka datugu kasobonw kɔnɔ. U be ben u kan, bɔsibaga t'u la. U labilara benkannikɛlaw ye, hali mɔgɔ te yen min b'a fɔ ko: «Aw ye u segi ka di ne ma.»

Ezayi 62:8

Masaba kalila ko: «Ne ka setigiya kosɔn, ne ten'a to aw juguw b'aw ka suman dumu tugu. Lonanw tena aw ka duvɛnkɛnɛ min tugu, aw sigɛnna minw baara la.

Yeremi 4:17

U ye Zeruzalɛmu lamini i ko forokɔlɔsibagaw b'a kɛ cogo min na. Bari, a murutira ne ma. Ne Masaba le ko ten.

Yeremi 5:15

Ne bena siya dɔ bila ka bɔ fɔɔ yɔrɔjan ka na aw Isirayɛlidenw kama. Ne Masaba le ko ten. Siya min lo, a fanga te ban, a buruju bɔyɔrɔ ka jan. Aw t'u ka kaan mɛn, u be min fɔ, aw t'o faamu.

Yeremi 5:17

U bena aw ka sumanw, n'aw ka dumuni bɛɛ dumu, k'aw deenw n'aw ka begɛnw bɛɛ halaki, k'aw ka ɛrɛzɛnsunw, ni toroyiriw bɛɛ cɛn. Aw jigi be aw ka dugu barikama minw kan, u bena o halaki ni murujan ye.

Yeremi 8:16

U ka soow mankan be mɛnna Dan mara faan fɛ. U ka soo cɛmanw kasikan fɛ, dugukolo bɛɛ be yɛrɛyɛrɛla. U be nana jamana halakiyɔrɔ, n'a kɔnɔfɛnw bɛɛ, ni dugu n'a kɔnɔ mɔgɔw bɛɛ.»

Ezekiyɛli 25:4

O le kosɔn, ne bena aw don kɔrɔn fɛ mɔgɔw bolo k'aw kɛ u ta ye. Olu bena u ka fanibuguw lɔ aw ka yɔrɔ la ka kɛ u sigiyɔrɔw ye. U bena aw ka yiridenw dumu k'aw ka nɔnɔ min.

Oze ta kitabu 5:11

Efarayimu kɔmɔgɔw be tɔɔrɔla, kiti y'u ta cɛn. Bari u tora ka tugu fɛɛn fufafu kɔ.

Oze ta kitabu 8:7

U ye baarafu kɛ, u fana bena fufafu le sɔrɔ. An b'a lɔn ko ni suman ma kuun sɔrɔ, kisɛ fana te sɔrɔ. Min mana sɔrɔ, lonanw le bena taga n'o ye.

Sarakalasebagaw 26:16

ne bena min kɛ aw la, o filɛ nin ye. Ne bena jatigɛkobabaw lase aw ma, mɔgɔfasabana ni farigwan bena aw ɲaa cɛn, k'aw barika ban dɔɔni dɔɔni. Aw bena danni kɛ fu, bari aw juguw bena o suman dumu.

Sariya 28:34

Aw bena min ye aw ɲakɔrɔ, o bena fatɔya bila aw la.

Sariya 28:51

U bena aw ka begɛnw deenw n'aw ka sumanw dumu, fɔɔ aw bɛɛ ka halaki. U tena suman foyi to aw fɛ, walima duvɛnkɛnɛ, walima tulu, walima aw ka misiw n'aw ka sagaw deenw, fɔɔ aw bɛɛ ka tunu.

Kititigɛbagaw 6:3

Ni Isirayɛlidenw tun y'u ka sumanw dan, madiyanw ni amalɛkiw ani kɔrɔn fɛ siyaw tun be wili ka na u kama.

Kititigɛbagaw 6:5

U tun be to ka na n'u ka begɛn n'u ka fanibuguw ye caaman i n'a fɔ tɔɔnw. U daa tun te se ka lɔn, olu n'u ɲɔgɔmɛw. U tun be to ka na jamana nin kɔnɔ janko k'a cɛn.