Sariya 28:32 - ALA KA KUMA

³² I dencɛw n'i denmusow bena don siya wɛrɛ bolo i ɲana. I bena sira filɛ ka dɛsɛ tile kuturu bɛɛ kɔnɔ fɔɔ k'i ɲaa ja, nga i tena se ka foyi kɛ.

Jula NT of Côte d’Ivoire

³² O bɛna aw dencɛw ni aw denmusow mina ka taga o di jamana wɛrɛ mɔgɔw ma. Aw bɛna to ka o ɲanaflɛ lon o lon, fɔ ka taga aw ɲadenw sɛgɛ flɛri ra, nka se tɛna kɛ aw ye ka foyi kɛ.

Sariya 28:32 Iomraidhean Croise

Lok 2nan 29:9

O le kosɔn, an faaw fagara ni murujan ye, an dencɛw n'an denmusow, ani an ka musow minɛna ka taga jɔnya la.

Ayuba 11:20

Nga mɔgɔjugu kɔni bena dɛmɛ ɲini fɔɔ a ɲaa be ja, a tena dɛmɛbaga sɔrɔ, a jigi te foyi kan tugu ni saya tɛ.»

Ayuba 17:5

A kɛra i ko mɔgɔ min y'a teriw wele dumuni na, k'a sɔrɔ a yɛrɛ deenw be u niyɔrɔ kɔnɔna ka dɛsɛ.

Ayuba 31:8

ne ka suman dannin ka kɛ mɔgɔ wɛrɛ ta ye, n ka suman wilitɔ ka bɔn.

Zaburu 119:123

E tun ye dɛmɛ ni kisili layidu min ta, ne ɲaa sigɛnna o ɲanafilɛ la.

Zaburu 119:82

Ne ɲaa sigɛnna i ka layidu ɲanafilɛ la. Ne ko: «E bena ne jigi tugu tuma jumɛn?»

Zaburu 69:3

Ne be jigira bɔgɔ kɔnɔ, lɔyɔrɔ te n fɛ. Ne be jigira jiba kɔnɔ, a be tagara ni n ye.

Ezayi 38:14

Ne tun be kasi i ko naganaganin, ka kasi i ko tuganin. Ne tora ka filɛli kɛ sanfɛ fɔɔ n ɲaa dibira. Matigi, ne dɛsɛnin lo kojugu, na ne dɛmɛ!

Kasikan 1:18

«Masaba tilennin lo. Bari an le bann'a ka fɔta la. Siyaw bɛɛ, aw k'aw tulo malɔ k'an ka tɔɔrɔko filɛ. An ka sunguruw ni kanbelenw tagara, u y'u minɛ ka taga n'u ye jɔnya la.

Kasikan 2:11

Ne ɲaden misɛnyara kasi bolo, ne kɔnɔ gwannin be. Ne fanga banna pewu. Bari, ne ka siya halakira. Denmisɛnw ni sinmindenw be nagasira dugu bɔlɔnw kɔnɔ.

Kasikan 4:17

An ɲaa jara sira filɛli la halibi, an be dɛmɛ makɔnɔna halibi. An tora an ka kɔlɔsili kɛyɔrɔw la, ka to ka siya dɔ kɔnɔ, minw tun tena se k'an bɔ bolo la.

Kasikan 5:17

N'aw y'a ye an dusu kasira ten, ni ɲaji fara an ɲaa na ten,

Ezekiyɛli 24:25

Adamaden, ni ne y'u ka yɔrɔ barikaman, n'u ka nisɔndiya sababu, n'u ka nɔɔrɔ, n'u diyanafɛn bɔsi u la, o min koo b'u dusu la, ani k'u dencɛw n'u denmusow bɔsi u la loon min na,

Amɔsi 5:27

Ne ben'a kɛ u b'aw minɛ ka taga n'aw ye fɔɔ Damasi kɔfɛ.» Masaba le ko ten! A tɔgɔ ko Setigi Ala.

Mise 2:1

Mɔgɔ minw be kojugu miiri, minw be baarajugu dɔ ŋaniya ta u ka ladilan kan, dugu mana gwɛ dɔrɔn, n'u ye sababu sɔrɔ, u b'o kɛ. Bɔnɛ ye olu ta ye!

Mise 4:10

Aw *Siyɔnkaw, aw ka tɔɔrɔ kosɔbɛ, aw ka kule i ko muso min be tiin na. Bari sisan, aw bena bɔ dugu kɔnɔ ka taga sigi kongo kɔnɔ. Aw bena taga fɔɔ Babilɔni. O yɔrɔ la, aw bena kisi. Masaba bena aw bɔsi aw juguw la yen le.

Jateri 21:29

Bɔnɛ b'aw ye, Mowabuw! *Kemɔsi sɔnbagaw, aw halakira! A sɔnbaga cɛmanw kɛra bolibagatɔw ye, amoriw ka masacɛ Siŋɔn ye musomanw minɛ.

Sariya 28:18

Aw bena danga sɔrɔ, aw tena deen caaman sɔrɔ. Aw ka suman, n'aw ka misiw, n'aw ka sagaw tena caya.

Sariya 28:31

U bena i ka misi faga i ɲana, nga i ten'a sogo dumu. I ka fali bena bɔsi i la, i tena se k'a sɔrɔ tugu. I juguw bena i ka sagaw minɛ, mɔgɔ si tena na i dɛmɛ.

Sariya 28:41

Aw bena dencɛ ni denmusow wolo, nga u tena kɛ aw ta ye, bari, u bena taga jɔnya la.

Sariya 28:65

Siya nunu cɛma, aw ɲaa tena suma, seen layɔrɔ tena sɔrɔ aw fɛ. Masaba bena aw jaa wili, aw tena yeli kɛ tugu, ani aw fari bena faga.