Sariya 28:31 - ALA KA KUMA

³¹ U bena i ka misi faga i ɲana, nga i ten'a sogo dumu. I ka fali bena bɔsi i la, i tena se k'a sɔrɔ tugu. I juguw bena i ka sagaw minɛ, mɔgɔ si tena na i dɛmɛ.

Jula NT of Côte d’Ivoire

³¹ O bɛna aw ta misiw mina ka o kannatigɛ aw yɛrɛ ɲa na, nka aw tɛna a sogo dɔ sɔrɔ k’a domu. O bɛna aw ta faliw mina aw yɛrɛ ɲa na ka taga ni o ye, o fana tɛna o sekɔ aw ma tuun. Aw ta sagaw bɛna mina ka di aw juguw ma; mɔgɔ si tɛna sɔrɔ ka o bɔ o boro.

Sariya 28:31 Iomraidhean Croise

Ayuba 20:28

A ka sokɔnɔfɛnw bena woyo ka taga i ko jii, Ala ka dimi loon na.

Ezayi 62:8

Masaba kalila ko: «Ne ka setigiya kosɔn, ne ten'a to aw juguw b'aw ka suman dumu tugu. Lonanw tena aw ka duvɛnkɛnɛ min tugu, aw sigɛnna minw baara la.

Yeremi 5:17

U bena aw ka sumanw, n'aw ka dumuni bɛɛ dumu, k'aw deenw n'aw ka begɛnw bɛɛ halaki, k'aw ka ɛrɛzɛnsunw, ni toroyiriw bɛɛ cɛn. Aw jigi be aw ka dugu barikama minw kan, u bena o halaki ni murujan ye.

Sariya 28:30

«Ni aw dɔ ye muso dɔ maminɛ, mɔgɔ wɛrɛ bena jɛn n'a ye. N'i ye soo lɔ, i tena se ka sigi a kɔnɔ. N'i fana ye *ɛrɛzɛnforo bɔ, i tena se k'a deen fɔlɔw tigɛ yɛrɛ.

Sariya 28:32

I dencɛw n'i denmusow bena don siya wɛrɛ bolo i ɲana. I bena sira filɛ ka dɛsɛ tile kuturu bɛɛ kɔnɔ fɔɔ k'i ɲaa ja, nga i tena se ka foyi kɛ.

Kititigɛbagaw 6:1

Isirayɛlidenw ye kojugu kɛ Masaba ɲakɔrɔ. A y'u don madiyanw bolo saan wolonwula kɔnɔ.

Kititigɛbagaw 6:4

Olu tun be to ka na sigi u ka mara la k'u ka suman cɛn jamana kɔnɔ fɔɔ ka taga se Gaza mara la. U tun te foyi to yen Isirayɛlidenw ka jamana kɔnɔ, dumuni, sagaw, misiw, ni faliw.