Sariya 28:30 - ALA KA KUMA

³⁰ «Ni aw dɔ ye muso dɔ maminɛ, mɔgɔ wɛrɛ bena jɛn n'a ye. N'i ye soo lɔ, i tena se ka sigi a kɔnɔ. N'i fana ye *ɛrɛzɛnforo bɔ, i tena se k'a deen fɔlɔw tigɛ yɛrɛ.

Jula NT of Côte d’Ivoire

³⁰ Aw bɛna muso dɔ mamina, nka cɛ wɛrɛ bɛna jɛn ni a ye. Aw bɛna bonkura lɔ, nka aw tɛna si a kɔnɔ. Aw bɛna rɛzɛnforo sɛnɛ, nka aw tɛna a den diyabɔ.

Sariya 28:30 Iomraidhean Croise

Sam 2nan 12:11

Masaba y'a fɔ ko ale ben'a to i be sigɛn sɔrɔ ka bɔ i yɛrɛ ka somɔgɔw fɛ. Ko ale bena i ka musow ta k'u di mɔgɔ wɛrɛ ma i yɛrɛ ɲana, ale be la n'u ye, dogo te sɔrɔ a la.

Ayuba 20:18

A ye nafolo min sɔrɔ, a bena segi k'o di, a tena se k'a dumu. A ye tɔnɔ min sɔrɔ a ka jago la, a tena se k'o diya bɔ.

Ayuba 3:18

Kasodenw b'u yɛrɛ sɔrɔ o yɔrɔ la ɲasuma na, u t'u kɔlɔsibaga pɛrɛnkan mɛn yen tugu.

Ayuba 31:10

ne ka muso ka taga sinni kɛ mɔgɔ wɛrɛ ye, mɔgɔ wɛrɛ ka la n'a ye fana.

Ezayi 62:8

Masaba kalila ko: «Ne ka setigiya kosɔn, ne ten'a to aw juguw b'aw ka suman dumu tugu. Lonanw tena aw ka duvɛnkɛnɛ min tugu, aw sigɛnna minw baara la.

Yeremi 12:13

U bena suman seri, nga u bena biin le kan. U bena sɛgɛn gwansan. U ka suman sɔrɔnin bena maloya bila u la, ne Masaba dimikojugu kosɔn.»

Yeremi 6:12

U ka soow, u ka forow n'u ka musow bena kɛ mɔgɔ wɛrɛw ta ye, tuma min na n bena n bolo wili jamanadenw kama. Ne Masaba le ko ten.

Yeremi 8:10

«O kama, ne bena u ka musow di mɔgɔ wɛrɛw ma, k'u ka forow di tigi wɛrɛw ma. Bari, denmisɛn fara mɔgɔkɔrɔba kan, u bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Kasikan 5:11

U be fanga la musow kan ka la n'u ye *Siyɔn kɔnɔ. U be sunguruninw fana kɛ ten Zuda duguw la.

Kasikan 5:2

An niyɔrɔ dira lonanw ma. Mɔgɔ minw siya te lɔn, an ka soow kɛra olu ta ye.

Oze ta kitabu 4:2

U be ɲɔgɔn danga, u be galonw tigɛ, ka ɲɔgɔn faga, soɲali ni ɲamɔgɔya be kɛ. O be caya, mɔgɔw be faga ka tugu ɲɔgɔn na.

Amɔsi 5:11

Ayiwa, aw be dɛsɛbagatɔw sigɛn minkɛ, k'aw niyɔrɔ bɔ u ka suman na, aw ye kabakuruso minw lɔ, aw tena si u kɔnɔ. Aw ye *ɛrɛzɛnforo ɲanaman minw bɔ, aw ten'o duvɛn sɔrɔ k'a min.

Mise 6:15

Aw bena danni kɛ, nga aw tena foyi tigɛ. Aw bena olivutulu bɔ, nga aw tena sɔrɔ k'aw mako ɲa n'a ye. Aw bena *ɛrɛzɛnji bɔ, nga aw tena sɔrɔ k'o duvɛn min.

Habakuki 3:17

Hali ni toro te deen kɛ, ni foyi te sɔrɔ *ɛrɛzɛnsunw kan, hali ni olivuyiriw te ɲa. Ni balofɛn te sɔrɔ forow kɔnɔ, hali ni sagaw be tunu ka bɔ wɛɛrɛw kɔnɔ, ni misiw be tunu ka bɔ wɛɛrɛw kɔnɔ,

Sofoni 1:13

Ayiwa, u ka nafolow bena bɔsi u la, u ka soow bena ci. U bena soow lɔ, nga u tena sigi u kɔnɔ, u bena *ɛrɛzɛnforow bɔ, nga u tena o duvɛn min.

Sariya 28:31

U bena i ka misi faga i ɲana, nga i ten'a sogo dumu. I ka fali bena bɔsi i la, i tena se k'a sɔrɔ tugu. I juguw bena i ka sagaw minɛ, mɔgɔ si tena na i dɛmɛ.