Sariya 28:20 - ALA KA KUMA

²⁰ «Aw bena koo o koo daminɛ, Masaba bena danga ni hakiliɲagami ni kɔrɔfɔli lase aw ma, fɔɔ aw ka halaki, ka tunu teliya la, bari aw bann'a la, o do ye kojugu ye.

Jula NT of Côte d’Ivoire

²⁰ Matigi Ala bɛna danga ben aw kan, ka kɔnɔnɔfiri ni gbɛlɛyabaw la aw kan aw ta kokɛtaw bɛɛ ra, fɔ ka taga aw halaki, ka aw bɛɛ ban yɔrɔnin kelen na, sabu aw ta kɛwalejuguw kosɔn, aw bɔra Matigi Ala kɔ.

Sariya 28:20 Iomraidhean Croise

Ayuba 24:18

Nga aw fɛ, jii be taga ni mɔgɔjugu le ye joona joona, u ka sigiyɔrɔ be kɛ yɔrɔ danganin ye, o la, u tena taga ɛrɛzɛnforo la tugu.

Zaburu 7:11

Ne tangabaga ye ele Ala le ye. I be mɔgɔtilennin kisi.

Ezayi 28:19

A tɛmɛko kelen kelen bɛɛ, a bena se aw ma. Bari, a bena to ka tɛmɛ sɔgɔma o sɔgɔma, suu ni tile. O kibaruya mɛnko bena kɛ siranyakojugu ye.

Ezayi 30:17

Aw mɔgɔ waa kelen bena boli jugu kelen ɲafɛ, jugu mɔgɔ duuru mana aw bagabaga, aw bɛɛ bena boli. Fɔɔ aw tɔɔ bena to i ko yiri kelen min tora kulu kan, i ko taamasiɲɛ, tintin sanfɛ.»

Ezayi 51:20

I deenw nagasinin be ka la dugu kɔnɔ sira faranyɔrɔw bɛɛ la. U be i ko mankalanin, jaan kɔnɔ. O be kɛra Masaba ka dimi n'a ka jalakili kosɔn.

Ezayi 66:15

Jaati! Masaba filɛ nin ye. A be nana tasuma kɔnɔ, a ka kɛlɛkɛwotorow ka teli i ko funufunu. A ben'a dimi bɔ ni fariya ye, a ben'a ɲaa gwan ni tasuma ye.

Yeremi 1:16

«Ne bena u ɲaa gwan u ka kɛwalijuguw bɛɛ kosɔn, bari u banna ne la, ka to ka joow sɔn. Olu yɛrɛ bolo ye fɛɛn min dilan, u b'o le bato.

Yeremi 19:4

Bari u banna ne la, u ye yɔrɔ nin kɛ cogo dɔ la fɔɔ mɔgɔ be fili a ma. U ye siya wɛrɛw ka joow sɔn yen, olu n'u faaw ani Zuda mara masacɛw ma minw lɔn. U ye yɔrɔ nin fa ni mɔgɔ jalakibaliw joli ye.

Sarakalasebagaw 26:38

Aw bena halaki siya wɛrɛw cɛma, aw bena sa aw juguw ka jamana na.

Malaki 2:2

N'aw ma mɛnni kɛ, ka boɲa la n tɔgɔ kan ni sɔbɛ ye, n bena aw danga, aw ka duba tena minɛ. Ne Masaba, Setigi le ko ten. Tiɲɛ na, ne bena aw danga, bari aw si te koo ta sɔbɛ la.

Yuhana 3:36

Ni mɔgɔ min y'a jigi la Ala Deen kan, o tigi ye nii banbali sɔrɔ ka ban. Nga ni mɔgɔ min ma sɔn k'a jigi la a Deen kan, o tigi tena nii banbali sɔrɔ, Ala ben'a tɔɔrɔ kosɔbɛ.»

Sariya 28:8

«Masaba bena aw ka bondow fa, k'aw ka kokɛtaw bɛɛ ɲa. Masaba aw ka Ala be jamana min dira aw ma, a bena hɛrɛ kɛ aw ye o yɔrɔ la.

Sariya 4:26

ne be sankolo ni dugukolo kɛ n seerew ye bii aw kama, aw bena Zurudɛn baji tigɛ ka jamana min minɛ k'a kɛ aw ta ye, aw bena sa ka tunu joona joona ka bɔ o kɔnɔ. Aw tena sijan sɔrɔ, aw bena halaki pewu ka bɔ o yɔrɔ la.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»

Kititigɛbagaw 2:15

U tun mana taga kɛlɛ la yɔrɔ o yɔrɔ, Masaba bolo tun b'u kan ka kojugu kɛ u la, ka kɛɲɛ a ye min fɔ ka gwɛlɛya u ye. O kama, sigɛnba y'u sɔrɔ.

Sam fɔlɔ 14:20

O kɔ, Sayuli n'a ka jama bɛɛ ye ɲɔgɔn lajɛn ka taga kɛlɛkɛyɔrɔ la. O y'a sɔrɔ filisiw tun yɛlɛmana ɲɔgɔn kama ni murujanjanw ye, fɔɔ ɲagami nin boɲana kosɔbɛ.