Sariya 28:17 - ALA KA KUMA

¹⁷ Aw bena danga sɔrɔ, suman tena sɔrɔ aw ka sinsinw n'aw ka soo kɔnɔ bondow kɔnɔ.

Jula NT of Côte d’Ivoire

¹⁷ A bɛna aw danga, ka aw ta segiw lakolon to, ka aw domunintanya.

Sariya 28:17 Iomraidhean Croise

Zaburu 69:22

U ye baga don ne ka dumuni na. Minnɔgɔ tun be n na, u ye vinɛgiri le di n ma.

Zanaw 1:32

Kolɔnbali ka sirajugu le b'a faga, miiribaliya le b'a kɛ naloman be tunu.

Hagize 1:6

Aw ye suman caaman dan, nga aw ye fitini dama tigɛ. Aw be dumuni kɛ, nga aw te fa. Aw be minni kɛ, k'a sɔrɔ aw nisɔn te diya. Aw be faniw don, nga nɛnɛ te bɔ aw la. Sara tabagaw ka sara kɛra i n'a fɔ u y'u don bɔɔrɔ jusɔgɔninw kɔnɔ.»

Malaki 2:2

N'aw ma mɛnni kɛ, ka boɲa la n tɔgɔ kan ni sɔbɛ ye, n bena aw danga, aw ka duba tena minɛ. Ne Masaba, Setigi le ko ten. Tiɲɛ na, ne bena aw danga, bari aw si te koo ta sɔbɛ la.

Luka 16:25

«Nga Ibrayima y'a fɔ a ye ko: ‹N deen, e yɛrɛ y'a lɔn ko k'i to diɲɛ na, i tun be ɲasuma na, ni Lazari be sigɛn na. Sisan, Lazari fana be ɲasuma na, e be sigɛn na.

Sariya 28:18

Aw bena danga sɔrɔ, aw tena deen caaman sɔrɔ. Aw ka suman, n'aw ka misiw, n'aw ka sagaw tena caya.

Sariya 28:5

Aw ka sinsinw n'aw ka sokɔnɔ bondow bena fa suman na.