Sariya 28:13 - ALA KA KUMA

¹³ Masaba bena aw bila siyaw bɛɛ ɲafɛ, aw tena to kɔfɛ. Ne be kuma min fɔra aw ye bii ka bɔ Masaba aw ka Ala fɛ, n'aw y'aw janto o la k'o mara ka ɲa, aw bena to mɔgɔw kunna tuma bɛɛ, aw tena jigi ka ye.

Jula NT of Côte d’Ivoire

¹³ Matigi Ala bɛna aw le bla siya tɔw ɲa fɛ; aw tɛna kɛ kɔ fɛ ka ye. Aw bɛna kɛ tɔw kunna tuma bɛɛ, aw tɛna kɛ o jukɔrɔ fiyewu. Nka ne bɛ Matigi Ala, aw ta Ala ta kuma minw fɔ aw ye bi, aw ka kan ka o lamɛn, ka o sira tagama ka ɲa kosɛbɛ.

Sariya 28:13 Iomraidhean Croise

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Yeremi 31:7

Masaba be min fɔra, o filɛ: «Aw ka pɛrɛn nisɔndiya fɛ Yakuba ye. Aw ka siyaw ka ɲamɔgɔ kunbɛn ni nisɔndiyapɛrɛn kan ye, k'a tanu k'a fɔ ko: ‹Masaba, i ka mɔgɔw, Isirayɛlidenw tɔɔ, kisi.›

Sariya 15:6

Masaba aw ka Ala bena aw ta ɲa i n'a fɔ a y'a layidu ta aw ye cogo min na. Aw cɛma, mɔgɔ si tena juru ta siya wɛrɛ fɛ, aw le bena juru don u caaman na. Aw bena sigi siya caaman kunna, u si tena sigi aw kunna.

Sariya 26:19

a ye siya minw dan, a bena ɲafɛla di aw ma olu bɛɛ kunna, boɲa ni nɔɔrɔ kɔnɔ, k'aw tɔgɔ bɔ ka tɛmɛ olu kan, ko aw ka kɛ jama saniyanin ye Masaba aw ka Ala ɲakɔrɔ ka kɛɲɛ n'a ka layidu ye.»

Sariya 28:1

«N'aw be sɔn Masaba aw ka Ala ka fɔta ma sɔbɛ la, k'a ka kuma bɛɛ mara ka ɲa, ne be minw fɔra aw ye bii, Masaba aw ka Ala bena ɲafɛla di aw ma dugukolo kan siyaw bɛɛ kunna.

Sariya 28:43

«Lonan minw bena kɛ aw cɛma, olu bena kɛ aw kunna, aw bena to ka nagasi ka taga.

Sariya 28:44

Olu bena juru don aw la, nga aw tena juru don u la. Olu bena bila aw ɲafɛ, aw bena to kɔfɛ.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusu kelen ye kibaru diman kosɔn aw y'aw jigi la min kan.