Sariya 28:1 - ALA KA KUMA

¹ «N'aw be sɔn Masaba aw ka Ala ka fɔta ma sɔbɛ la, k'a ka kuma bɛɛ mara ka ɲa, ne be minw fɔra aw ye bii, Masaba aw ka Ala bena ɲafɛla di aw ma dugukolo kan siyaw bɛɛ kunna.

Jula NT of Côte d’Ivoire

¹ Ayiwa, ni aw ka Matigi Ala, aw ta Ala kan mina kosɛbɛ, ani ne bɛ a ta kuma minw fɔra aw ye bi, ni aw ka o bɛɛ sira tagama ka ɲa, o tuma Matigi Ala, aw ta Ala bɛna aw ta siya kɔrɔta ka tɛmɛ dugukolo siya tɔw bɛɛ kan pewu.

Sariya 28:1 Iomraidhean Croise

Lok fɔlɔ 14:2

Dawuda y'a faamu o tuma na ko Masaba y'ale kɛ masa ye Isirayɛlidenw kunna, ani k'ale ka masaya sabati kosɔbɛ a ka jama Isirayɛli kosɔn.

Zaburu 106:3

Mɔgɔ minw b'a ka sariyaw mara ka tilenninyako kɛ, o tigi dangamunin lo.

Zaburu 111:10

Lɔnniya daminɛyɔrɔ ye Matigi ɲasiran ye. Mɔgɔ minw y'a sɔrɔ, olu be koo faamu ka ɲa. Masaba tanuko ye waati bɛɛ koo ye.

Zaburu 119:128

E ka fɔtaw bɛɛ tilennin lo ne fɛ. Galon koo si man di ne ye.

Zaburu 119:6

Ka ne to u batoli la, ne tena maloya n'o ye.

Zaburu 148:14

A ye barika don a ka jama na. O ye kunkɔrɔta ye a ɲasiranbagaw bɛɛ fɛ, a ka jama Isirayɛli fɛ, min koo ka gwɛlɛ a ma. Aw ka Masaba tanu.

Zaburu 91:14

A nɔrɔla ne Masaba la, o la, ne ben'a bɔsi. N ben'a tanga bari a be ne lɔn.

Bɔri 15:26

A ko: «Ni aw be mɛnni kɛ ne, Masaba aw ka Ala fɛ, n'aw be kotilennin kɛ ne ɲakɔrɔ, k'aw tulo malɔ ne ka kuma na, ka ne ka sariyaw bɛɛ bato, ne tun ye Ezipitikaw tɔɔrɔ ni bana minw ye, ne tena o si la aw kan, bari ne ye Masaba ye, min b'aw kɛnɛya.»

Bɔri 23:22

N'aw be mɛnni kɛ a fɛ ka ɲa, ne be fɛɛn o fɛɛn fɔ aw ye, n'aw b'o bɛɛ bato, o tuma na, aw juguw bena kɛ ne juguw ye, aw kɛlɛbagaw bena kɛ ne kɛlɛbagaw ye.

Bɔri 23:25

Aw ka baara kɛ ne Masaba aw ka Ala ye. N'aw y'o kɛ, ne bena aw ka dumuniko, n'aw ka jiko nɔgɔya, ani k'aw kisi bana ma.

Ezayi 1:19

N'aw sɔnna ka mɛnni kɛ ne fɛ, aw bena jamana nin tɔnɔ dumu.

Ezayi 3:10

Aw k'a fɔ ko mɔgɔtilennin dagamunin lo, bari a bena nisɔndiya a ka kɛwaliw tɔnɔ kɔnɔ.

Yeremi 11:4

ne tun ye min fɔ u faaw ye tuma min na ne y'u bɔ tɔɔrɔba la Ezipiti jamana la. Ne tun y'a fɔ ko n'u ye mɛnni kɛ ne fɛ, ne bena min bɛɛ fɔ u ye, n'u y'o bɛɛ kɛ, o tuma na, u bena kɛ ne ka mɔgɔw ye, ne bena kɛ u ka Ala ye.

Yeremi 12:16

N'u nana sɔn ka ne ka mɔgɔw kɛcogo dege sɔbɛ la, ka kali ne tɔgɔ la k'a fɔ ko: ‹Masaba kosɔn›, i n'a fɔ u tun ye ne ka mɔgɔw dege kalili la *Baali tɔgɔ la cogo min na, o tuma na, ne bena sigiyɔrɔ di u ma n ka mɔgɔw cɛma.

Yeremi 17:24

Masaba ko: «N'aw sɔnna ne ta ma, n'aw te don ni doni ye dugu nin dondaw la lafiɲɛlon na, n'aw ye loon nin bato, ka baara bɛɛ dabila,

Luka 1:6

U fila bɛɛ tilennin tun be Ala ɲakɔrɔ, u tun be Matigi ka sariyaw bɛɛ bato a ɲaa ma.

Luka 11:28

Nga Yezu y'a jaabi ko: «Mɔgɔ min be Ala ka kuma lamɛn, k'a bato, o le dagamunin lo.»

Luka 9:48

k'a fɔ u ye ko: «Ni mɔgɔ min ye nin denmisɛn ɲɔgɔn minɛ ka ɲa ne kosɔn, o tigi ye ne le minɛ ka ɲa. Mɔgɔ min ye ne minɛ ka ɲa, o tigi ye ne cibaga le minɛ ka ɲa. Aw te mɔgɔ min jati aw cɛma, o tigi le ye mɔgɔbaba ye.»

Yuhana 15:14

Aw ye ne teriw ye ni aw be sɔn ka ne ka cii bato.

Rɔmukaw 2:7

Mɔgɔ minw jijanin lo ka baaraɲuman kɛ n'u be boɲa, ni kunkɔrɔta ani nii banbali le ɲinina, a bena nii banbali di olu ma.

Galasikaw 3:10

Mɔgɔ minw jigi be sariya kan, olu bɛɛ danganin lo. Bari a fɔra Ala ka kuma na ko: «Mɔgɔ minw te sariya bɛɛ bato, olu bɛɛ danganin lo.»

Sariya 11:13

Ne be kuma min fɔra aw ye bii, n'aw y'u bato tiɲɛ na, ka Masaba aw ka Ala kanu k'a bato sɔbɛ la n'aw dusu bɛɛ ye,

Sariya 11:27

N'aw ye Masaba aw ka Ala ka kuma bato, ne be minw fɔra aw ye bii, aw bena dubaw sɔrɔ.

Sariya 15:5

n'aw sɔnn'a ka koo bɛɛ ma, ani ka kuma nunu bɛɛ bato, ne be minw fɔra aw ye bii.

Sariya 26:18

«Masaba y'a fɔ bii ko aw ye a ka jama ye, ka kɛɲɛ n'a ka layidu tanin ye, ani ko aw ka kan k'a ka kuma bɛɛ mara,

Sariya 26:19

a ye siya minw dan, a bena ɲafɛla di aw ma olu bɛɛ kunna, boɲa ni nɔɔrɔ kɔnɔ, k'aw tɔgɔ bɔ ka tɛmɛ olu kan, ko aw ka kɛ jama saniyanin ye Masaba aw ka Ala ɲakɔrɔ ka kɛɲɛ n'a ka layidu ye.»

Sariya 28:13

Masaba bena aw bila siyaw bɛɛ ɲafɛ, aw tena to kɔfɛ. Ne be kuma min fɔra aw ye bii ka bɔ Masaba aw ka Ala fɛ, n'aw y'aw janto o la k'o mara ka ɲa, aw bena to mɔgɔw kunna tuma bɛɛ, aw tena jigi ka ye.