Sariya 27:25 - ALA KA KUMA

²⁵ ‹Mɔgɔ min be sɔn ka wari minɛ ka mɔgɔ jalakibali faga, o tigi danganin lo.› Jama bɛɛ ben'a laminɛ ko: ‹Amiina!›

Jula NT of Côte d’Ivoire

²⁵ «Mɔgɔ min bɛ wari mina janko ka mɔgɔ jarakibari faga, Ala ye o tigi danga.» Mɔgɔw bɛɛ y’a fɔ ko: «Amina!»

Sariya 27:25 Iomraidhean Croise

Zaburu 15:5

A te wari juru don tɔnɔ kama, a fana te fɛɛn minɛ ka mɔgɔ jalakibali ka tiɲɛ munumunu. Mɔgɔ min be koo kɛ ten, o tigi te ben fewu.

Sarakalasebagaw 19:16

Aw kana galon la aw ka mɔgɔ dɔ kan k'a tɔgɔ cɛn. Aw kana aw mɔgɔɲɔgɔn jalaki koo dɔ la min be se ka kɛ sababu ye u b'a faga. Ne le ye Masaba ye.

Matiyu 26:15

k'a fɔ u ye ko: «Aw bena mun le di ne ma, ni ne y'aw dɛmɛ ka Yezu minɛ?» Olu ye warigwɛ bi saba d'a ma.

Kɛwalew 1:18

A ye baarajugu kɛ k'o sara ta ka taga foro san. A do benna o le kɔnɔ ka halaki.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Sariya 16:19

«Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Kititigɛbagaw 9:24

O kɛra janko kojugu min tun kɛra Yerubaali deen mɔgɔ bi wolonwula la, o juru ka sara u faden Abimelɛki ni Sisɛmukaw la, minw ye ɲɔgɔn dɛmɛ k'u faga u kunko ka la u yɛrɛ kun.