Sariya 27:2 - ALA KA KUMA

² Masaba aw ka Ala be jamana min dira aw ma, n'aw ye Zurudɛn baji tigɛ ka don a kɔnɔ loon min na, aw ka kan ka kabakurubaba dɔw lɔ k'u gwɛ.

Jula NT of Côte d’Ivoire

² Matigi Ala, aw ta Ala bɛna jamana min di aw ma, ni aw nana Zuridɛn ba tigɛ, ka taga don o jamana ra, aw bɛna kabakuruba dɔw lɔlɔ, ka o mun ka o gbɛ.

Sariya 27:2 Iomraidhean Croise

Ayuba 19:24

Ne tun b'a fɛ u ka ɲɛgɛn, u ka ɲɛgɛn ni birɛn ye ani gween, u ɲɛgɛnni ka to fara kan kudayi.

Ezekiyɛli 11:19

«Tulogwɛlɛya min b'aw la, ne bena o ban ka nikura don aw la, ka hakiliɲuman d'aw ma

Ezekiyɛli 36:26

Ne bena dusukura di aw ma k'aw hakili lakuraya. Aw dusu min ka gwɛlɛ i n'a fɔ kabakuru, ne bena o bɔ aw la ka dusuɲuman di aw ma.

Sariya 11:31

«Aw bena Zurudɛn baji tigɛ ka taga jamana nin minɛ, Masaba aw ka Ala be min dira aw ma. Aw bena o kɛ aw ta ye, ka sigi a kɔnɔ.

Sariya 26:1

«Masaba aw ka Ala be jamana min dira aw ma k'a kɛ aw ta ye, n'aw donna k'a minɛ ka sigi a kɔnɔ tuma min na,

Sariya 27:1

Musa y'a fɔ jama ye Isirayɛli cɛkɔrɔbaw ɲana ko: «Ne be kuma minw bɛɛ fɔra aw ye bii, aw k'o mara.

Sariya 27:3

N'aw ye Zurudɛn baji tigɛ tuma min na, aw ka sariya nin kumaw bɛɛ sɛbɛn u kan. O la, Masaba aw ka Ala be jamana min dira aw ma, nɔnɔ ni lii ka ca kosɔbɛ yɔrɔ diman min na, aw bena se ka don o kɔnɔ, i n'a fɔ Masaba, aw bɛmaw ka Ala ye layidu ta aw ye cogo min na.

Sariya 27:4

N'aw ye Zurudɛn baji tigɛ, aw ka kan ka kabakuru nunu lɔ Ebali kulu kan, i ko ne y'a fɔ aw ye cogo min na bii, ani aw k'u gwɛ.

Sariya 6:1

«Aw bena sariya ni cii ani landa minw bato jamana nin kɔnɔ, aw bena Zurudɛn baji tigɛ ka don o min kɔnɔ k'a minɛ, olu filɛ. Masaba aw ka Ala ko ne k'aw kalan u la,

Sariya 9:1

«Isirayɛlidenw, aw ye mɛnni kɛ. Aw bena Zurudɛn baji tigɛ bii ka taga siya dɔw ka jamana minɛ, olu minw ka ca n'aw ye, u barika ka bon n'aw ta ye fana. U ka duguw ka bonbon, u laminikogow ka janjan kosɔbɛ.

Yosuwe 1:11

«Aw ye wili ka don jama cɛma k'a fɔ u ye ko u ka dumuni labɛn k'o kɛ ɲasigi ye, bari yanni tile saba u bena Zurudɛn baji nin tigɛ. Masaba u ka Ala ye jamana min di u ma janko a ka kɛ u ta ye, u be don o kɔnɔ.»

Yosuwe 4:1

Jama bɛɛ tɛmɛna ka ban Zurudɛn baji kɔfɛ tuma min na, Masaba y'a fɔ Zozuwe ye ko

Yosuwe 8:30

Zozuwe ye sarakabɔyɔrɔ lɔ Ebali kulu kan Masaba ye, Isirayɛli ka Ala,

Yosuwe 8:31

i ko Masaba ka baarakɛla Musa tun y'a fɔ Isirayɛlidenw ye cogo min na, ani a fɔra cogo min na Musa ka sariyasɛbɛ kɔnɔ. Sarakabɔyɔrɔ nin lalagara ni kabakuru tomonin ye, nigɛ ma kɛ ka min ci. U ye saraka jɛnitaw ni jɛnɲɔgɔnya sarakaw bɔ Masaba ye o yɔrɔ la.

Yosuwe 8:32

Musa tun ye sariya min sɛbɛn, Zozuwe y'o sɛbɛn kabakuru dɔw kan Isirayɛlidenw ɲana o yɔrɔ la.