Sariya 27:15 - ALA KA KUMA

¹⁵ ‹Mɔgɔ min be yiri lɛsɛ, walima kabakuru, walima ka nigɛ yeelen k'a kɛ joo ye, k'a sɔn dogo la, o tigi danganin lo. Fɛɛn minw dilanna ni mɔgɔ bolo ye, o man di Masaba ye fewu.› Jama bɛɛ ben'a laminɛ ko: ‹Amiina!›

Jula NT of Côte d’Ivoire

¹⁵ «Mɔgɔ min bɛ fɛn dɔw lɛsɛ ka o kɛ batofɛn dɔ ye, walama ka nɛgɛ yeele k’a kɛ fɛn dɔ bisigiya ye, ka o bla yɔrɔ dogonin dɔ ra k’a bato, k’a sɔrɔ Matigi Ala bɛ o fɛn lalaganinw ɲɔgɔn haramuya, Ala ye o tigi danga.» Mɔgɔw bɛɛ y’a jaabi, k’a fɔ ko: «Amina!»

Sariya 27:15 Iomraidhean Croise

Damina 31:19

Laban tagar'a ka sagaw sii tigɛyɔrɔ la k'o dakɛɲɛ. Arasɛli y'a faa ka soo kɔnɔ joow soɲa.

Damina 31:34

O y'a sɔrɔ Arasɛli tun ye joo nunu ta k'u don a ka ɲɔgɔmɛ ka kɛrɛkɛrɛ kɔnɔ ka sigi o kan. Laban ye fanibugu faan bɛɛ filɛ, a ma foyi sɔrɔ.

Damina 9:25

A y'a fɔ ko: «Kanaan dangana! A bena kɛ a fadenw ka jɔɔnw ka jɔɔn ye!»

Mas 2nan 17:19

Zuda mara mɔgɔw ma Masaba u ka Ala ka sariyaw bato fana. Isirayɛli mara mɔgɔw tun ye koo minw dabɔ, u y'o ɲɔgɔn le kɛ.

Mas 2nan 23:13

Masacɛ Solomani tun ye sɔnnikɛyɔrɔ minw lɔ Zeruzalɛmu kɔrɔn fɛ, u be kulu min wele Cɛnnikɛyɔrɔ, o worodugu ɲafan fɛ, n'o ye Sidɔnkaw ka jojugu Asitarite ta ye, ni mowabuw ka jojugu Kemɔsi ta, ani amoniw ka jojugu Milikɔmu ta, masacɛ ye olu cɛn.

Lok fɔlɔ 16:36

Masaba, Isirayɛli ka Ala ka tanu tuma bɛɛ! Jama bɛɛ y'a jaabi ko: «Amiina. Aw ka Masaba tanu!»

Lok 2nan 33:2

A ye kojugu kɛ Masaba ɲakɔrɔ. Masaba tun ye siya minw gwɛn ka bɔ Isirayɛlidenw ɲa, a ye olu ka landajuguw le ɲɔgɔn kɛ.

Bɔri 20:23

Aw kana joo si dilan aw yɛrɛ ye ni warigwɛ, walima sanu ye ka fara ne kan.

Bɔri 20:4

«Aw kana joo si dilan aw yɛrɛ ye, k'a kɛ i n'a fɔ sanfɛ fɛɛn dɔ jaa, walima dugukolo kan fɛɛn, walima jikɔnɔfɛn.

Bɔri 34:17

«Aw kana joo nigɛlaman dilan.

Ezayi 44:13

Yirilɛsɛla be juru la yiri kan, a be cii kɛ a kan ni finfin ye. A be lɛsɛnan kɛ k'a baara, a be sumanikɛnan ta k'a suma. A b'a dilan ka kɛ mɔgɔja ye k'a cɛɲa i ko adamaden, k'a bila boon dɔ kɔnɔ.

Ezayi 44:17

A b'o tɔɔ kɛ batofɛn ye, a ka joo ye, ka to ka biri a ɲafɛ k'a sɔn, ka to k'o daali ko: «Ne kisi, bari ele ye n tangabaga ye.»

Ezayi 44:19

Mɔgɔ si te yen min be miiri, mɔgɔ si te yen min b'a lɔn, ani ka miiri k'a fɔ ko: «Ne ye lɔgɔ nin tilan kelen mana, ne ye tobili kɛ n'a ye, ne ye sogo jɛni k'a ɲimi. Ne be sɔrɔ k'a tɔɔ ta k'o kɛ joo ye, fɛnjugu, ka to ka lɔgɔkuru sɔn!»

Yeremi 11:3

A fɔ u ye ko ne Masaba, Isirayɛli ka Ala ko: Ni mɔgɔ min ma sɔn ka bɛɛn nin kuma bato, o tigi danganin lo,

Yeremi 11:5

O la, ne bena ne ka layidu dafa, n tun ye min ta u faaw ye ko ne bena jamana diman d'u ma, nɔnɔ ni lii ka ca min la kosɔbɛ, min kɛra u ta ye bii.» Ne y'a jaabi ko: «Amiina, Masaba!»

Yeremi 23:24

Adamaden mana dogo yɔrɔ o yɔrɔ, ne ɲaa b'a la. Ne Masaba le ko ten! Ne be sankolo ni dugukolo yɔrɔ bɛɛ la! Ne Masaba le ko ten!

Yeremi 28:6

A ko: «Amiina! Masaba k'a kɛ ten! I ye kirayakuma minw fɔ, Masaba k'o kɛ, ani k'a kɛ a ka soo kɔnɔ minanw ani mɔgɔ minw bɛɛ minɛna ka taga be segi ka bɔ Babilɔni.

Ezekiyɛli 14:4

O la, a fɔ u ye ko ne Matigi, Masaba ko: Ni joko be Isirayɛliden min dusu la, k'a nigɛ k'a don kojugu la, n'o tigi tagara kira ɲininga, ne Masaba yɛrɛ le ben'a jaabi. Ne bena o kɛ ka kɛɲɛ n'a ka joo caaman nunu ye.

Ezekiyɛli 7:20

U tun b'u yɛrɛ boɲa u ka masirifɛn ɲanamanw kosɔn, u y'u kɛ k'u ka joow dilan, u ka fɛnjugu nunu! O la, ne bena o kɛ fɛɛn nɔgɔnin ye u fɛ.

Daniyɛli 11:31

Alabatoso be dugu barikaman min kɔnɔ, a bena kɛlɛdenw bila ka na o ɲagami, saraka min be bɔ loon o loon, k'o koo ban. A bena fɛnjugu cɛnnikɛla bila sarakabɔyɔrɔ kan.

Daniyɛli 9:11

Isirayɛlidenw bɛɛ le y'i ka sariya cɛn, ka ban i la, u ma i ka fɔta bato. O la, danga y'an minɛ. Min koo fɔra e Ala ka baarakɛla Musa ka sariyasɛbɛ kɔnɔ bari an y'i hakɛ ta.

Sarakalasebagaw 19:4

«Aw kana yɛlɛma ka joow sɔn, aw kana fɛɛn dɔ jaa dilan k'o kɛ batofɛn ye. Ne le ye Masaba aw ka Ala ye.

Sarakalasebagaw 26:1

«Aw kana joo si dilan, aw kana yiri lɛsɛnin, walima kabakuru si lɔ k'a bato, aw kana kabakuru ɲɛgɛnin si bila aw ka jamana kɔnɔ ka biri a kɔrɔ. Ne le ye Masaba aw ka Ala ye.

Jateri 5:22

Jii nin, min be na ni danga ye, n'o donna i kɔnɔ na, i kɔnɔ ka funu, i ka kɛ wolobali ye.› Muso nin k'a fɔ ko: ‹Amiina yarabi.›

Matiyu 24:15

«Kira Daniyɛli tun ye fɛnjugu cɛnnikɛla min koo fɔ, n'aw y'o ye Alabatosoba yɔrɔ senuman na tuma min na, (mɔgɔ min be nin kalan, a ka kan k'a faamu),

Matiyu 6:13

Kan'a to kɔrɔbɔli ka se an ma, nga an tanga kojugu ma. Bari masaya ni sebagaya ani nɔɔrɔ y'i ta ye waati bɛɛ. Amiina.›

Kor fɔlɔ 14:16

N'i be Ala daalila n'i nii dama ye, mɔgɔ minw siginin be k'i lamɛn, olu ben'a kɛ cogo di ka amiina fɔ i ka daalili bannin kɔ, bari e be min fɔra, ale t'o mɛnna.

Sariya 27:14

«Levi kɔmɔgɔw bena u kaan bɔ Isirayɛlidenw bɛɛ ma kosɔbɛ k'a fɔ u ye ko:

Sariya 29:17

Cɛɛ, walima muso kana sɔrɔ aw cɛma, aw ka fadenyabolo mɔgɔ dɔ, walima buruju wɛrɛ la, min dusu bena yɛlɛma bii ka bɔ Masaba an ka Ala kan, ka taga siya nunu ka joow sɔn. Mɔgɔ si kana kɛ bagasun ye aw cɛma.

Sariya 4:25

«N'aw sigira ka mɛn jamana nin kɔnɔ, ka deenw sɔrɔ ani mamadenw, n'aw y'aw yɛrɛ nigɛ, ka joo dilan fɛɛn o fɛɛn jaa la, ka kojugu kɛ Masaba aw ka Ala ɲakɔrɔ, k'a kɛ a be dimi,

Sariya 5:8

Aw kana joo dilan, k'a kɛ sankolo fɛɛn si jaa ye, walima dugukolo kan taw, walima jii kɔnɔ taw, walima dugukolo kɔnɔ taw.

Sariya 7:25

Aw ka kan k'u ka joow jɛni. Warigwɛ ni sanu min b'u ka joo nunu kan, aw kana aw ɲaa bɔ o fɛ, k'o ta ka kɛ aw ta ye. N'o tɛ, o bena kɛ jaan ye aw fɛ, bari o fɛɛn nunu koo ka go Masaba aw ka Ala ye.

Kititigɛbagaw 17:3

A ye warigwɛ nin di a bamuso ma. O kɔ, a bamuso y'a fɔ a ye ko: «Ne ye warigwɛ nin di Masaba ma, janko e ka se ka wari nin ta k'a yelen k'a kɛ joo ye. O kama, ne b'a d'i ma.»

Kititigɛbagaw 17:4

A ye warigwɛ nin di ka ban a bamuso ma, ale ye kuru kɛmɛ fila ta k'o di nigɛbaarala dɔ ma. Ale y'o kɛ joo ye. A y'a bila Mika ka soo kɔnɔ.

Sam fɔlɔ 26:19

N matigi, masacɛ, mɛnni kɛ i ka baarakɛla darakan na sisan. N'a kɛra ko Masaba le y'a to i wilila ne kama, ne b'a daali ko a ka sɔn n ka boɲafɛn na. Nga ni adamadenw le y'o kɛ, olu danganin lo Masaba ɲakɔrɔ, bari u ye ne gwɛn ka bɔ jamana na, Masaba ye min di a ka jama ma. A kɛra i n'a fɔ u tun y'a fɔ ne ye ko ne ka taga joow sɔn.