Sariya 27:13 - ALA KA KUMA

¹³ Urubɛn ni Gadi ni Asɛri kɔmɔgɔw, ani Zabulɔn ni Dan ni Nɛfutali kɔmɔgɔw bena lɔ Ebali kulu kan ka dangali kɛ.

Jula NT of Côte d’Ivoire

¹³ Rubɛn, ani Gadi, ani Asɛri, ani Zabulɔn, ani Dan, ani Nɛfitali, olugu ta gbaw bɛna taga lɔ Ebali kuru kan, ka danga kumaw fɔ.

Sariya 27:13 Iomraidhean Croise

Damina 29:32

Leya ye kɔnɔ ta ka dencɛ wolo. A y'a tɔgɔ la ko Urubɛn, bari a ko: «Masaba ye ne ka dusukasi ye. Sisan kɔni, ne koo bena diya n cɛɛ ye.»

Damina 30:20

A ko: «Ala ye fɛnɲuman di ne ma. Sisan ne cɛɛ bena ne boɲa bari ne ye dencɛ wɔɔrɔ wolo a ye.» O la, a ye deen nin tɔgɔ la ko Zabulɔn.

Sariya 11:29

«Ni Masaba aw ka Ala y'a kɛ aw donna jamana nin kɔnɔ tuma min na, aw bena min minɛ, aw ka kan ka lɔ Garizimu kulu kan ka duba kɛ, ani ka danga kɛ Ebali kulu kan.

Sariya 27:12

«N'aw ye Zurudɛn baji tigɛ tuma min na, Simeyɔn ni Levi ni Zuda kɔmɔgɔw, ani Isakari ni Yusufu ni Bɛnzamɛn kɔmɔgɔw bena lɔ Garizimu kulu kan ka duba kɛ jama ye.

Sariya 27:14

«Levi kɔmɔgɔw bena u kaan bɔ Isirayɛlidenw bɛɛ ma kosɔbɛ k'a fɔ u ye ko:

Sariya 27:4

N'aw ye Zurudɛn baji tigɛ, aw ka kan ka kabakuru nunu lɔ Ebali kulu kan, i ko ne y'a fɔ aw ye cogo min na bii, ani aw k'u gwɛ.

Yosuwe 8:33

Isirayɛlidenw bɛɛ, dugulen fara lonanw kan, n'u ka cɛkɔrɔbaw, n'u ɲamɔgɔw, ani u ka kititigɛlaw, u bɛɛ tun lɔra ka Masaba ka layidu taamasiɲɛ kɛsu to u cɛma, n'a tabaga Levi kɔmɔgɔ sarakalasebagaw. Masaba ka baarakɛla Musa tun y'a fɔ cogo min na, ko n'u be duba kɛ Isirayɛli jama ye tuma min na, u k'a kɛ cogo min na, o y'a kɛ ten. U tun tilanna fila, tilan kelen lɔra Garizimu kulu faan na, dɔ nin lɔra Ebali kulu faan na.