Sariya 26:7 - ALA KA KUMA

⁷ Anw kulera k'an kaan bɔ Masaba, an bɛmaw ka Ala ma. Masaba y'an kaan mɛn, k'an ka dɛsɛbagatɔya, n'an ka sɛgɛn n'an ka tɔɔrɔ ye.

Jula NT of Côte d’Ivoire

⁷ An kasira ka Matigi Ala, an bɛmaw ta Ala tɔgɔ wele. Matigi Ala ka an kasikan mɛn; o tun ka an minako juguya, ka sɛgɛ ni ɲani min la an kan, a ka o ye.

Sariya 26:7 Iomraidhean Croise

Damina 21:17

Ala ye deen kasikan mɛn. Ala ka mɛlɛkɛ tora sankolo la ka Agari wele k'a fɔ a ye ko: «Agari, mun le kɛra? Kana siran, bari deen nin be yɔrɔ min na, Ala y'a kasikan mɛn.

Damina 29:32

Leya ye kɔnɔ ta ka dencɛ wolo. A y'a tɔgɔ la ko Urubɛn, bari a ko: «Masaba ye ne ka dusukasi ye. Sisan kɔni, ne koo bena diya n cɛɛ ye.»

Sam 2nan 16:12

N'a sɔrɔ Masaba bena n makari filɛ, k'a ka bii danga nin yɛlɛma k'o kɛ koɲuman ye n ma.»

Zaburu 119:132

I ɲaa yɛlɛma ne faan fɛ ka makari ne la, i ko i be deli k'a kɛ cogo min na i kanubagaw ye.

Zaburu 31:8

Ne b'a fɛ ka nisɔndiya ka pɛrɛn i ka ɲumanya kosɔn. Bari e ɲaa be n ka sigɛn na, e be n ka dusukasi lɔn.

Zaburu 50:15

I ka ne daali i degun loon na, ne bena i bɔ, e bena ne boɲa.»

Bɔri 2:23

Waatijan tɛmɛnin kɔ, Ezipiti masacɛ nana sa. Isirayɛlidenw tora ka ŋuna u ka jɔnyabaara kosɔn, ka to ka kasi kosɔbɛ. Ala ye u kasikan mɛn k'u to u ka jɔnya la.

Bɔri 2:25

O la, a y'u ye tuma min na, u hinɛ donn'a la.

Bɔri 3:9

Sisan Isirayɛlidenw kasikan donna ne tulo la, Ezipitikaw fana be sɛgɛn minw la u kan, n y'o ye.

Bɔri 4:31

Jama lar'a la. U y'a faamu ko Masaba b'a fɛ k'u dɛmɛ, ko a y'u ka sɛgɛn ye. U y'u kunbiri gwan duguma k'a bato.

Bɔri 6:5

Sisan, ne ye Isirayɛlidenw ŋunakan mɛn jɔnyabaara la, Ezipitikaw b'o bila min na. Ayiwa, ne ye n hakili jigi n ka layidu la.

Yeremi 33:2

«Masaba min ye dugukolo dan k'a dilan, ka barika don a la, ale min tɔgɔ ko Masaba, a ko:

Sam fɔlɔ 9:16

«Sini nin waati nin ɲɔgɔn na, ne bena Bɛnzamɛn kɔmɔgɔw ka mara mɔgɔ dɔ ci i fɛ. I bena tulu mɔn a la, a ka kɛ ne ka jama Isirayɛli kuntigi ye. Ale lo bena ne ka jama bɔsi filisiw bolo. U kasikan sera ne ma, ne makarila u la.»