Sariya 26:2 - ALA KA KUMA

² aw bena sɛnɛ min kɛ, aw ka dɔ bɔ o deen fɔlɔw bɛɛ la k'a don segi kɔnɔ. Masaba aw ka Ala ye yɔrɔ min woloma ka sigi yen, aw ka taga n'a ye o yɔrɔ la.

Jula NT of Côte d’Ivoire

² o tuma, Matigi Ala, aw ta Ala ka o jamana min di aw ma, ni aw ka siman o siman sɔrɔ o jamana dugukolo ra, aw ye o siman bɛɛ kun fɔlɔw bɔ, ka o kɛ segi dɔ kɔnɔ. Matigi Ala, aw ta Ala bɛna yɔrɔ min ɲanawoloma, k’a tɔgɔ la o yɔrɔ ra, aw ye taga ni a ye o yɔrɔ ra.

Sariya 26:2 Iomraidhean Croise

Mas 2nan 4:42

O kɔ, cɛɛ dɔ bɔra Baalisalisa ka na n'a ka suman fɔlɔ buru ye, k'o di Ala ka mɔgɔ ma, burukun mugan, ni sumankura kisɛ, bɔɔrɔ kɔnɔ. Elize y'a fɔ ko u k'o di mɔgɔ nunu ma u b'o dumu.

Lok 2nan 31:5

O kuma fɔra dɔrɔn, Isirayɛlidenw nana n'u ka sɛnɛfɛn deen fɔlɔw ye, ani duvɛnkɛnɛ, ni tulu, ani lii, ni foro kɔnɔ fɛɛn fɔlɔw bɛɛ ye caaman. U nana n'u ka fɛɛnw bɛɛ jaka ye fɔɔ o cayara.

Lok 2nan 6:6

Nga ne ye Zeruzalɛmu woloma janko ka sigi yen. Ne ye Dawuda fana woloma k'a kɛ n ka jama Isirayɛli ɲamɔgɔ ye.›

Nehemi 12:44

O waati la, n ye mɔgɔ dɔw woloma k'u sigi sɛnɛfɛn deen fɔlɔw ni jakamarabonw kunna janko olu ka to k'u kɔlɔsi, u fana ka to ka sarakalasebagaw ni Levi kɔmɔgɔ tɔw niyɔrɔ minɛ Zuda mara duguw kongo kɔnɔ ka kɛɲɛ ni sariya ka fɔta ye. Zuda mara mɔgɔ bɛɛ nisɔn tun ka di sarakalasebagaw ni Levi kɔmɔgɔ tɔw ka baara la,

Nehemi 13:31

Mɔgɔw ka kan ka na ni lɔgɔ minw ye k'u di Ala ka baara kama a waati latigɛnin na, ani sɛnɛfɛn deen fɔlɔw, n ye olu koo bila seen kan tugu. Ne ka Ala, i k'i hakili to ne la ka hɛrɛ kɛ ne ye.

Bɔri 20:24

Aw ka sarakabɔyɔrɔ lɔ ne ye ni bɔgɔ ye k'aw ka saraka jɛnitaw n'aw ka jɛnɲɔgɔnya sarakaw bɔ ne ye o kan, aw ka begɛnmisɛnw n'aw ka misiw. Ne bena n yɛrɛ yira yɔrɔ o yɔrɔ, ne bena aw ta ɲa.

Bɔri 22:29

Aw k'aw ka misiw n'aw ka sagaw ta di ne ma fana. U bena tile wolonwula kɛ u baa fɛ, a tile seeginan loon, aw k'o di ne ma.

Bɔri 23:16

«Aw ye fɛɛn minw sɛnɛ aw ka foro la, aw ka na ni olu deen fɔlɔw ye ka Sumantigɛ ɲanagwɛ kɛ. Aw ka Sumanladon ɲanagwɛ kɛ saan yɛlɛmatuma na, aw ka suman ladontuma na.

Bɔri 23:19

«Aw ka na n'aw ka sɛnɛfɛn deen fɔlɔw ye ne Masaba aw ka Ala ka soo kɔnɔ. «Aw kana baden tobi a bamuso sinji la.

Bɔri 34:26

«Aw ka na n'aw ka sɛnɛfɛn deen fɔlɔw ɲanaman ye ne Masaba aw ka Ala ka soo kɔnɔ. «Aw kana baden tobi a bamuso sinji la.»

Yeremi 2:3

Isirayɛlidenw, aw tun kɛra ne Masaba ta ye, i ko sɛnɛfɛn deen fɔlɔw. Ni mɔgɔ o mɔgɔ tun y'o dumu, o tigi tun be jalaki, sɛgɛn tun be o tigilamɔgɔ sɔrɔ. Ne Masaba le ko ten.› »

Ezekiyɛli 20:40

Bari ne Matigi, Masaba ko: Isirayɛli jama bɛɛ, minw siginin be jamana kɔnɔ, olu bɛɛ bena ne bato ne ka kulu senuman kan, Isirayɛli ka kulujan kan. Ne bena sɔn u ma o yɔrɔ la. Ne ben'a fɔ ko aw k'aw ka boɲafɛnw di ne ma, ani aw ka sɛnɛfɛnw bɛɛ fɔlɔw, ani aw ka fɛɛn senumanw bɛɛ.

Ezekiyɛli 44:30

Sɛnɛfɛn deen fɔlɔw n'aw ka boɲafɛnw bɛɛ la ɲumamanw bena kɛ sarakalasebagaw ta ye. Aw k'aw ka suman mugu ɲanaman d'u ma janko ne ka hɛrɛ kɛ aw ka somɔgɔw ye.

Ezekiyɛli 48:14

O yɔrɔw si man kan ka feere, walima ka falen. O ye jamana yɔrɔɲuman ɲuman le ye, a man kan ka don mɔgɔ wɛrɛ bolo bari, a bilanin be Masaba ye.

Sarakalasebagaw 2:12

N'aw b'a fɛ ka sɛnɛfɛn deen fɔlɔw bɔ saraka ye ne Masaba ye, aw be se ka fununan, walima lii kɛ a la, nga a man kan ka jɛni sarakabɔyɔrɔ kan.

Sarakalasebagaw 2:14

«N'i be na ni sɛnɛfɛn deen fɔlɔw ye k'a kɛ saraka ye ne Masaba ye, i ka kuun fɔlɔw tigɛ suman nin na k'u yiran k'u faran.

Rɔmukaw 11:16

Sumankun fɔlɔ min mɔna, n'o dira Ala ma, o b'a yira ko a tɔɔ bɛɛ be kɛ Ala ta ye. Ni yiri lili ka ɲi, yiri bolow ka ɲi.

Rɔmukaw 16:5

Krista ka jama min be lajɛn u ka soo, aw ka olu fo fana. Aw ka Epenɛti fo, ale min koo ka di ne ye, ale lo kɔnna ka la Krista la Azi mara la.

Rɔmukaw 8:23

Diɲɛ dama tɛ, nga Ala y'an minw sɔn ni Nii Senuman ye min ye a ka difɛn fɔlɔ ye, an fana kɔnɔ gwannin lo k'an ka kunmabɔli kɔnɔ ka kɛ Ala ka deenw ye.

Kor fɔlɔ 15:20

Nga tiɲɛ na, Krista kununna. K'a yira k'a gwɛya ko mɔgɔ minw sara, olu bena kunun.

Kor fɔlɔ 15:23

Nga o bena kɛ bɛɛ n'a lɔyɔrɔ: Krista le kɛra fɔlɔ ye, o kɔ, mɔgɔ minw kɛra a ta ye. A be kɛ ten a natuma na.

Kor fɔlɔ 16:2

Lɔgɔkun loon fɔlɔ bɛɛ, mɔgɔ kelen kelen bɛɛ ka fɛɛn dɔ bɔ a ka sɔrɔta la k'o mara gɛrɛfɛ. Aw kana ne kɔnɔ, ni ne nana tuma min na, an ka sɔrɔ k'o bolomafara minɛ.

Sariya 16:10

O kɔ, aw ka Sumanladon ɲanagwɛ kɛ ka Masaba aw ka Ala boɲa. Aw ka na ni boɲafɛnw ye ka kɛɲɛ n'a ka dɛmɛ ye aw faan fɛ.

Sariya 18:4

Sɛnɛfɛn deen fɔlɔw, ni duvɛnkɛnɛ fɔlɔ, ni tulu fɔlɔ, ani aw be kɔn ka sagaw sii min tigɛ, o fana be d'u ma,

Sariya 26:1

«Masaba aw ka Ala be jamana min dira aw ma k'a kɛ aw ta ye, n'aw donna k'a minɛ ka sigi a kɔnɔ tuma min na,

Sariya 26:3

Sarakalasebaga min be baara la o waati la, aw ka taga n'a ye ale fɛ k'a fɔ a ye ko: ‹Ne b'a fɔ Masaba aw ka Ala ɲana bii ko ne donna jamana nin kɔnɔ, a tun ye layidu ta an bɛmaw ye ko a bena min d'an ma.›

Yakuba 1:18

A diyara Ala ye, a y'an dan a ka tiɲɛkuma barika la, waasa an ka kɛ a ka danfɛnw bɛɛ ɲamɔgɔw ye.

Yosuwe 18:1

Isirayɛlidenw bɛɛ lajɛnna Silo, ka Ɲɔgɔnkunbɛn fanibugu dɔ lɔ k'o kɛ Ala ta ye ni jama be Ala kunbɛn yen. O y'a sɔrɔ u tun sera jamana nin kɔrɔ ka ban.

Yirari 14:4

O mɔgɔ nunu tun ma sɔn k'u yɛrɛ nɔgɔ ni musoko ye. Olu kɔni, hakɛ t'u kan. Ni Sagaden tagara yɔrɔ o yɔrɔ, u be tugu a kɔ. Olu kisira ka kɛ saraka fɔlɔw ye adamadenw cɛma ka kɛ Ala ni Sagaden ta ye.