Sariya 26:17 - ALA KA KUMA

¹⁷ «Aw y'a fɔ bii ko Masaba ye aw ka Ala ye, ani ko aw ben'a ka siraw taama, k'a ka sariyaw n'a ka ɲinitaw n'a ka landaw mara, ani k'aw tulo malɔ a fɛ.

Jula NT of Côte d’Ivoire

¹⁷ Aw k’a latigɛ bi, k’a fɔ ko Matigi Ala le ye aw ta Ala ye, ko aw bɛna a ta sira tagama, ko aw bɛna a ta cifɔninw ni a ta kumaw ni a ta kolatigɛninw bɛɛ kɛ, k’a kan mina.

Sariya 26:17 Iomraidhean Croise

Damina 28:21

fɔɔ ka ne ɲuman segi ne faso la, o tuma na, Masaba, e bena kɛ ne ka Ala ye.

Lok 2nan 34:31

Masacɛ lɔr'a ka tutunan gɛrɛfɛ min be Masaba ka soo daa la ka layidu ta Masaba ɲakɔrɔ, ko ale bena tugu Masaba kɔ, k'a ka fɔta, n'a ka sariya, n'a ka koo latigɛninw bato n'a dusu bɛɛ ye, ani ka sɛbɛ nin kɔnɔnakuma bato.

Zaburu 48:14

Aw k'a laminikogo filɛ ka ɲa, k'a soo barikamaw kɔlɔsi kosɔbɛ, janko aw ka se k'o lakali waati nata mɔgɔw ye.

Bɔri 15:2

Masaba le be barika don ne la, ne b'a boɲa ni dɔnkili ye. A ye ne kisi. Ne ka Ala lo, ne ben'a tanu, ne faa ka Ala lo, ne ben'a boɲa.

Bɔri 19:8

Jama bɛɛ lajɛnnin y'a jaabi ko: «Masaba ye min fɔ, an bena o bɛɛ kɛ.» Musa fana segira k'o fɔ Masaba ye.

Bɔri 20:19

k'a fɔ Musa ye ko: «Ele yɛrɛ ka kuma an fɛ, an bena i lamɛn, nga Ala yɛrɛ kana kuma an fɛ, n'o tɛ, an bena sa.»

Bɔri 24:7

O kɔ, a ye Layidusɛbɛ ta k'a kalan jama ɲana. U ko: «Masaba ye min fɔ, an bena o bɛɛ kɛ, an ben'a sago kɛ.»

Ezayi 12:2

Ala ye ne kisibaga ye. Ne jigi b'ale lo kan, n te siran tugu. Bari, Masaba le be ne barika boɲa kosɔbɛ. Ale ye ne kisi.»

Ezayi 44:5

Dɔ ben'a fɔ ko: ‹Ne ye Masaba ta ye,› kelen wɛrɛ ben'a fɔ ko ale ye Yakuba kɔmɔgɔ dɔ ye, dɔ wɛrɛ ben'a sɛbɛn a bolo kan ko: ‹Masaba ta,› a ben'a yɛrɛ jati Isirayɛlidenw dɔ ye.»

Jakariya 13:9

O tilan kelen nin, n bena o don tasuma kɔnɔ. U be warigwɛ yelen k'a nɔgɔ bɔ cogo min na, ne bena u kɛ ten. Sanu be sɛgɛsɛgɛ cogo min na, ne bena u ka koo sɛgɛsɛgɛ ten. U bena ne wele, ne bena u jaabi. Ne bena u wele ko: ‹Ne ka mɔgɔw.› Olu ben'a fɔ ko: ‹Masaba le ye an ka Ala ye.› »

Kɛwalew 27:23

bari ne be baara kɛ n ka Ala min ye, ale ka mɛlɛkɛ dɔ y'a yɛrɛ yira ne la kunu sufɛ

Rɔmukaw 6:13

Aw kana aw farikolo yɔrɔ si kɛ kojugukɛfɛn ye ka to hakɛ la. Nga aw k'aw yɛrɛ di Ala ma. Aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ koɲumankɛ ta ye.

Kor 2nan 8:5

U kɔnna k'u yɛrɛ di Matigi ma, ka mɛnni kɛ an fana fɛ ka kɛɲɛ ni Ala sago ye, fɔɔ u sera ka koo kɛ an yɛrɛ ka miiriya tun ma se min ma.

Sariya 13:18

Fɛɛn minw ka kan ka halaki ka kɛ Masaba ta ye, aw man kan ka maga olu si la janko Masaba ka dimi fariman ka ban. A ben'a ka ɲumanya yira aw la, ka makari aw la, k'aw caya, i n'a fɔ a y'a layidu ta aw bɛmaw ye cogo min na.

Sariya 15:5

n'aw sɔnn'a ka koo bɛɛ ma, ani ka kuma nunu bɛɛ bato, ne be minw fɔra aw ye bii.

Sariya 27:10

Aw k'a boɲa, k'a ka sariyaw n'a ka landaw mara, ne be minw fɔra aw ye bii.»

Sariya 29:12

janko k'aw kɛ a ka jama ye bii, ani ka kɛ aw ka Ala ye, i n'a fɔ a y'a daa di aw bɛma Ibrayima, ni Isiyaka, ani Yakuba ma cogo min na.

Sariya 30:16

N b'a ɲini aw fɛ bii, ko Masaba aw ka Ala koo ka diya aw ye, aw ka taama a ka siraw kan, k'a ka kumaw bato, ani a ka sariyaw n'a ka landaw, janko aw ka sii sɔrɔ ani ka caya. Aw bena don jamana min kɔnɔ k'a kɛ aw ta ye, Masaba aw ka Ala bena hɛrɛ kɛ aw ye o yɔrɔ la.

Yosuwe 22:5

Masaba ka baarakɛla Musa ye sariya ni kuma minw fɔ aw ye, aw ka olu bato ka ɲa, aw ka Masaba aw ka Ala koo diya aw yɛrɛ ye, k'a ka kuma bato ka taama ka kɛɲɛ n'a sago bɛɛ ye. Aw ye nɔrɔ ale la, ka baara kɛ ale ye n'aw dusu bɛɛ ye.»

Yosuwe 24:22

O kɔ, Zozuwe y'a fɔ jama ye ko: «Aw yɛrɛ le y'a fɔ aw yɛrɛ ma, ko aw bena Masaba le bato.» U ye Zozuwe jaabi ko: «Ɔnhɔn, an y'a fɔ.»