Sariya 26:11 - ALA KA KUMA

¹¹ Masaba aw ka Ala ye fɛnɲuman minw di aw n'aw ka soo ma, i bena nisɔndiya ni Levi kɔmɔgɔw ye, ani lonan minw be aw cɛma, o fɛnɲuman nunu bɛɛ kosɔn.

Jula NT of Côte d’Ivoire

¹¹ O kɔ, aw ni Levi ta mɔgɔw, ani lonan minw bɛ ni aw ye, aw bɛ ɲagari ɲɔgɔn fɛ; Matigi Ala, aw ta Ala ka fɛnɲuman minw bɛɛ di aw ni aw ta somɔgɔw ma, aw ye ɲagari o kosɔn.

Sariya 26:11 Iomraidhean Croise

Nehemi 8:10

A y'a fɔ u ye ko: «Aw ye taga soo ka dumuniɲuman dumu ka minnifɛn dimanw min. Foyi te mɔgɔ minw fɛ, aw ka dɔ di olu ma, bari bii loon nin ye an Matigi ta ye. Aw kana aw hakili ɲagami, nisɔndiya min be bɔ Masaba fɛ, o le bena kɛ aw ka barika sɔrɔyɔrɔ ye.»

Waajurikɛbaga 3:12

Ne y'a lɔn ko adamaden ka nisɔndiya, ka koɲuman kɛ a sii kɔnɔ, k'o dama le ka ɲi a ma.

Waajurikɛbaga 3:13

Ni mɔgɔ o mɔgɔ be dumuni kɛ, ka minni kɛ, ka nisɔndiya a ka baara bɛɛ la, o ye Ala ka dɛmɛ ye.

Waajurikɛbaga 5:18

Ni Ala y'a nɔgɔya mɔgɔ min ye ka nafolo d'a ma, ani k'a to o tigi fana ka se k'a diya bɔ, ani ka nisɔndiya a ka baara la, o fana ye Ala ka dɛmɛ ye.

Waajurikɛbaga 7:14

Hɛrɛ loon na, i ka nisɔndiya. Bɔnɛ loon na, i ka sigi ka miiri. O koo fila bɛɛ be bɔ Ala fɛ, a kɛra ten, adamaden kana foyi faamu a yɛrɛ kɔfɛko la.

Ezayi 65:14

U dusu diyanin bena pɛrɛn, aw dusu kasinin bena kule. Aw nii tɔɔrɔnin bena kasi kosɔbɛ.

Jakariya 9:17

U bena to hɛrɛ la, dawula bena kɛ u la! Suman ni duvɛnkɛnɛ bena barika don kanbelenw ni sunguruw la.

Kor fɔlɔ 9:11

N'an ye Ala ka baara kɛ aw cɛma, n'anw b'o baara nin tɔnɔ sɔrɔla aw fɛ tuma min na, o ye kojugu ye wa?

Sariya 12:12

Aw bena nisɔndiya Masaba aw ka Ala ɲakɔrɔ o yɔrɔ la, aw, n'aw dencɛw, n'aw denmusow, n'aw ka baaradenw, a cɛman fara a musomanw kan, ani Levi kɔmɔgɔ minw be aw ka duguw kɔnɔ, bari olu ma niyɔrɔ sɔrɔ aw cɛma.

Sariya 12:18

Nga Masaba aw ka Ala bena yɔrɔ min woloma, aw k'u dumu a ɲakɔrɔ o yɔrɔ la, aw n'aw dencɛw n'aw denmusow, n'aw ka baaradenw, a cɛman fara musomanw kan, ani Levi kɔmɔgɔ minw b'aw ka duguw la. Aw ka nisɔndiya Masaba aw ka Ala ɲakɔrɔ aw ka kokɛtaw bɛɛ kosɔn.

Sariya 12:7

Aw n'aw ka denbaya bena lajɛn ka dumuni kɛ Masaba aw ka Ala ɲakɔrɔ o yɔrɔ la, ani ka nisɔndiya, aw ka baara bɛɛ kosɔn bari Masaba aw ka Ala y'aw dɛmɛ.

Sariya 16:11

Masaba aw ka Ala bena yɔrɔ min woloma k'o kɛ a ka sigiyɔrɔ ye, aw ka nisɔndiya a ɲakɔrɔ o yɔrɔ la. Aw, n'aw dencɛw, n'aw denmusow, ka fara aw ka baaraden cɛman ni musomanw kan, ani Levi kɔmɔgɔ minw be aw ka duguw kɔnɔ, ni lonanw, ni falatɔw, ani firiyamuso minw be aw cɛma.

Sariya 27:7

Aw ka jɛnɲɔgɔnya sarakaw bɔ o yɔrɔ la, k'o dumu ni nisɔndiya ye Masaba aw ka Ala ɲakɔrɔ.

Sariya 28:47

«Fɛɛn bɛɛ tun be aw fɛ caaman tuma min na, aw ma baara kɛ Masaba aw ka Ala ye ni nisɔndiya ani dusuɲuman ye o waati la minkɛ,

Filipikaw 4:4

Aw ka nisɔndiya tuma bɛɛ Matigi kosɔn. Halibi ne be kɔsegi k'a fɔ aw ye ko aw ka nisɔndiya.