Sariya 26:10 - ALA KA KUMA

¹⁰ Sisan Masaba, a filɛ, n be na ni sɛnɛfɛn deen fɔlɔ minw ye, olu sɔrɔla dugukolo nin na i ye min di ne ma.› «I k'u bila Masaba aw ka Ala ɲakɔrɔ, k'i kunbiri gwan a ɲafɛ.

Jula NT of Côte d’Ivoire

¹⁰ Ayiwa, Matigi Ala, sisan a flɛ i ka o dugukolo min di ne ma, ne nana o siman kun fɔlɔw di i ma.» O kuma fɔnin kɔ, aw bɛ o fɛnw bla Matigi Ala, aw ta Ala ɲa kɔrɔ, ka aw kinbiri gban Matigi Ala, aw ta Ala ɲa kɔrɔ k’a bato.

Sariya 26:10 Iomraidhean Croise

Lok fɔlɔ 29:14

Ne ye jɔn ye? N ka jama fana ye mun ye, fɔɔ an sera ka e boɲa ten? Fɛɛn bɛɛ be sɔrɔ e le barika la, e le y'o d'an ma an ka sɔrɔ k'o d'i ma.

Zaburu 22:27

Dɛsɛbagatɔw bena dumuni kɛ fɔɔ ka fa. Masaba ɲinibagaw k'a boɲa, u fana ka sijan sɔrɔ.

Zaburu 22:29

Bari Masaba le ye kuntigi ye, ale lo be siyaw mara.

Zaburu 86:9

I ye siya minw dan, olu bena na u kunbiriw gwan ele Matigi ɲakɔrɔ k'i tɔgɔ boɲa.

Zaburu 95:6

Aw ye na an ka don ka ɲɔngiri. An k'an kunbiri gwan Masaba kɔrɔ, ale min y'an dan.

Bɔri 22:29

Aw k'aw ka misiw n'aw ka sagaw ta di ne ma fana. U bena tile wolonwula kɛ u baa fɛ, a tile seeginan loon, aw k'o di ne ma.

Bɔri 23:19

«Aw ka na n'aw ka sɛnɛfɛn deen fɔlɔw ye ne Masaba aw ka Ala ka soo kɔnɔ. «Aw kana baden tobi a bamuso sinji la.

Zanaw 10:22

Masaba ka dɛmɛ be mɔgɔ kɛ fɛntigi ye. Yɛrɛsigɛn te foyi fara sɔrɔta kan.

Zanaw 3:9

Masaba boɲa n'i bolofɛnw ye, k'a fo. E k'i ka sɛnɛfɛn bɛɛ deen fɔlɔw d'a ma.

Ezayi 66:23

Kalokura o kalokura, lafiɲɛlon o lafiɲɛlon, mɔgɔ bɛɛ bena na biri ne ɲafɛ ka ne bato. Ne Masaba le ko ten.

Rɔmukaw 2:1

E kɛra mɔgɔ o mɔgɔ ye, tiɲɛ t'i fɛ k'i tɔɲɔgɔn jalaki, bari e b'i tɔɲɔgɔn jalaki koo minw na, e yɛrɛ b'o ɲɔgɔn kɛ. O la, e b'e yɛrɛ jalakila.

Kor fɔlɔ 10:31

Ayiwa, aw be dumuni kɛra wo, aw be minni kɛra wo, aw be fɛɛn o fɛɛn kɛ, aw k'o bɛɛ kɛ ka boɲa la Ala kan.

Sariya 18:4

Sɛnɛfɛn deen fɔlɔw, ni duvɛnkɛnɛ fɔlɔ, ni tulu fɔlɔ, ani aw be kɔn ka sagaw sii min tigɛ, o fana be d'u ma,

Sariya 26:17

«Aw y'a fɔ bii ko Masaba ye aw ka Ala ye, ani ko aw ben'a ka siraw taama, k'a ka sariyaw n'a ka ɲinitaw n'a ka landaw mara, ani k'aw tulo malɔ a fɛ.

Sariya 26:2

aw bena sɛnɛ min kɛ, aw ka dɔ bɔ o deen fɔlɔw bɛɛ la k'a don segi kɔnɔ. Masaba aw ka Ala ye yɔrɔ min woloma ka sigi yen, aw ka taga n'a ye o yɔrɔ la.

Sariya 26:4

«Sarakalasebaga bena segi nin minɛ aw bolo k'a bila Masaba aw ka Ala ka sarakabɔyɔrɔ ɲafɛ.

Sariya 8:18

Nga aw k'aw hakili to Masaba aw ka Ala la, ale min be see d'aw ma, aw ka se ka nafolo sɔrɔ, janko a ye layidu min ta aw bɛmaw ye, a ka se k'a yira ko a bena o dafa i n'a fɔ a be cogo min na bii.

Yirari 22:9

Nga a y'a fɔ ne ye ko: «Ayi! Kana o kɛ, ne fana ye Ala ka baarakɛla le ye i n'a fɔ e n'i tɔɲɔgɔn kiraw, ani minw bɛɛ be kitabu nin kɔnɔna kuma bato. I ka kan ka Ala le bato.»