Sariya 24:19 - ALA KA KUMA

¹⁹ «N'i b'i ka suman tigɛra foro kɔnɔ, n'i tɛmɛna dɔ kan, n'i m'o ta, i kana segi ka taga o ta tugu. O bena kɛ lonan, ni falatɔ, ani firiyamuso ta ye, janko Masaba aw ka Ala be barika don i ka baara bɛɛ la.

Jula NT of Côte d’Ivoire

¹⁹ Ni aw ka aw ta siman tigɛ ka ɲina siman kansiri dɔ kɔ foro kɔnɔ, aw man kan ka sekɔ ka taga o ta tuun. Aw ye o to yi, o bɛ kɛ lonanw ni feritaw ta ye, ani muso cɛ saninw. Ni o kɛra, Matigi Ala, aw ta Ala bɛna baraka don aw ra; ni aw ka aw boro don baara o baara ra, o bɛ ɲa.

Sariya 24:19 Iomraidhean Croise

Ayuba 42:12

Saan minw tugura o kɔ, Masaba ye Zɔbu ta ɲa kosɔbɛ ka tɛmɛ fɔlɔ kan. A ye saga waa tan ni naani (14 000) d'a ma, ni ɲɔgɔmɛ waa wɔɔrɔ (6 000), ani sɛnɛkɛmisi waa fila (2 000), ni fali waa kelen (1 000).

Zaburu 112:9

A be fantan sɔn ni dusuɲuman ye, a ka tilenninya te ban abada. A be barika ni kunkɔrɔta sɔrɔ.

Zanaw 14:21

Mɔgɔ min b'a tɔɲɔgɔn lɔgɔbɔ, o tigi be kojugu kɛ. Mɔgɔ min be makari dɛsɛbagatɔ la, o tigi dagamunin lo.

Zanaw 19:17

Ka koɲuman kɛ dɛsɛbagatɔ ye, o ye jurudon ye Masaba la, min be koɲuman juru sara.

Ezayi 32:8

Mɔgɔɲuman be koɲuman le latigɛ, a be kɛwaliɲumanw dama le kɛ.

Sarakalasebagaw 23:22

«Ni aw b'aw ka forow kɔnɔ sumanw tigɛ tuma min na, aw ka foro daa la taw to yen. Aw kana fɛfɛri kɛ aw ka foro kɔnɔ. Aw k'o to fantanw, ni lonanw ye minw be aw cɛma. Ne le ye Masaba aw ka Ala ye.»

Luka 6:35

Nga, aw k'aw juguw kanu ka koɲuman kɛ u ye. Aw ka juru don mɔgɔw la, ka ɲinɛ o kɔ. O la, aw bena tɔnɔba sɔrɔ. Aw bena kɛ Fɛɛn bɛɛ kuntigi deenw ye, bari, ale be ɲuman kɛ ɲumanlɔnbaliw ni mɔgɔjuguw ye.

Luka 6:38

Aw ka tɔw sɔn, Ala bena aw sɔn. A bena minan ɲanaman ta k'aw ta suma k'a digidigi k'a yuguyugu k'a fa fɔɔ a ka bɔn, k'o yɛlɛma aw ka fani daa la. Bari aw be tɔw ta suma ni sumanikɛfɛn min ye, a bena aw ta suma n'o le ye.»

Sariya 14:29

janko Levi kɔmɔgɔw, minw te ni dugukolo ye aw cɛma, ka se ka na, olu ni lonanw, ani falatɔw, ni firiyamuso minw be aw ka duguw kɔnɔ. U bena dumuni kɛ ka fa. O la, Masaba aw ka Ala bena aw dɛmɛ aw ka kokɛtaw bɛɛ la.

Sariya 15:10

Aw k'u sɔn ni dusuɲuman ye. Aw kan'a di ko a wajibiyanin be aw ma. O la, Masaba aw ka Ala bena aw dɛmɛ aw ka kokɛtaw, n'aw ka baara bɛɛ la.

Sariya 24:18

Aw k'aw hakili to a la ko aw tun ye jɔɔnw ye Ezipiti jamana na, ko Masaba aw ka Ala y'aw hɔrɔnya. O kosɔn, ne b'a fɔ aw ye ko aw ka kuma nin bato.

Sariya 26:13

O kɔ, i k'a fɔ Masaba aw ka Ala ye ko: ‹Ne ye ele Ala niyɔrɔ bɔ n ka soo kɔnɔ k'o di Levi kɔmɔgɔw, ni lonanw, ani falatɔw, ni firiyamusow ma, ka kɛɲɛ n'i ka kuma bɛɛ ye. Ne ma ban u si la, ne ma ɲinɛ u si kɔ fana.

Ruti 2:16

K'u ka suman dɔw to kala sanfɛ a ye, min ka gwɛlɛ, ko u kana kumajugu fɔ a ye.

Ruti 2:2

Loon dɔ, Uruti ka bɔ Mowabu y'a fɔ Nawomi ye ko: «N b'i daali ko i ka sira di n ma, n be taga fɛfɛri kɛ mɔgɔ dɔ fɛ, min bena sɔn ka makari n na.» Nawomi y'a jaabi ko: «Taga n denmuso.»