Sariya 24:17 - ALA KA KUMA

¹⁷ «Aw ka lonan, ni falatɔ minɛ ni tilenninya ye, aw kana firiyamuso ka fani ta aw ka juru nɔɔ na.

Jula NT of Côte d’Ivoire

¹⁷ Aw man kan ka lonanw, ani feritaw tɔɲɔ; aw man kan ka muso cɛ sanin ta fani mina a ra ka aw ta juru tɔnɔmasigi.

Sariya 24:17 Iomraidhean Croise

Ayuba 22:6

E tun be to ka ben e balimaw kan ka fɛɛn dɔ minɛ u fɛ, ka sɔrɔ ka juru don u la. E tun be to k'u ka faniw minɛ k'u to lakolon.

Ayuba 24:3

U be falatɔ ka fali minɛ ka taga n'a ye, u be firiyamuso ka misi minɛ ka sɔrɔ ka juru don a la.

Bɔri 22:20

«Aw man kan ka lonan tɔɲɔ, aw kan'a tɔɔrɔ fana. Bari aw tun ye lonanw ye Ezipiti jamana na.

Bɔri 23:2

«Aw kana tugu jama kɔ ka kojugu kɛ. N'aw be seereya kɛ kiti tigɛyɔrɔ la, aw kana tugu jama kɔ ni namarako lo.

Bɔri 23:6

«Aw kana aw ka dɛsɛbagatɔw tɔɲɔ kiti koo la.

Bɔri 23:9

«Aw kana lonan tɔɔrɔ. Lonanya ye min ye, aw yɛrɛ b'o lɔn, bari aw tun ye lonanw ye Ezipiti jamana na.

Zanaw 31:5

N'a y'a min, sariya min fɔra, a bena ɲinɛ n'o ye. O bena kɛ sababu ye ka ben dɛsɛbagatɔw kan.

Waajurikɛbaga 5:8

Dugukolo nafa ye bɛɛ ta ye. Hali masacɛ niyɔrɔ fana b'a la.

Ezayi 1:23

Aw ka dugu ɲamɔgɔw kɛra mɔgɔmurutininw ye, benkannikɛlaw dɛmɛbagaw lo. Bonyafɛn le ka di u bɛɛ ye, u be boli daa sanfɛnw kɔ. U te falatɔ ka tiɲɛ d'a ma, firiyamuso ka koo te don u tulo la ka ye.

Ezayi 3:15

Aw b'a la ka n ka jama halaki k'a la mun kan? Mun na aw be dɛsɛbagatɔw sigɛnna ten? Matigi, Masaba, Setigi le ko ten!»

Ezayi 33:15

Mɔgɔ min be taama tilenninya sira kan, mɔgɔ min be tiɲɛkuma fɔ, mɔgɔ min be ban tɔnɔjugu la, mɔgɔ min be ban dasanfɛn na, mɔgɔ min b'a tulo datugu janko a kana mɔgɔfagako ŋaniya mɛn, mɔgɔ min b'a ɲaa datugu janko a kana kojuguw ye,

Yeremi 22:3

Masaba ko: ‹Aw ka tilenninya kɛ sɔbɛ la. Aw ka mɔgɔ tɔɲɔninw bɔ u tɔɲɔbagaw bolo. Aw kana lonan, ni falatɔ ani firayamusow tɔɔrɔ. Aw kana sɛgɛn la u kan. Aw kana jalakibali faga yan yɔrɔ la.

Yeremi 5:28

U ka bonbon, u be manamana! U ɲɔgɔn te yen juguya la. Falatɔ ka kan ni min ye, u t'o d'a ma. Nga olu ka koow le be yiriwa. Dɛsɛbagatɔw ka kan ni min ye, u t'o kɛ.

Ezekiyɛli 22:29

Jamana kɔnɔ mɔgɔw be ben mɔgɔw kan ka soɲali kɛ, u be fantanw ni dɛsɛbagatɔw tɔɲɔ ka lonanw sɛgɛn, u t'u minɛ ni hɔrɔnya ye.

Ezekiyɛli 22:7

Mɔgɔw b'u faaw n'u baaw dɔgɔya yen, ani ka ben lonanw kan, ka falatɔw ni firiyamusow tɔɲɔ.

Sarakalasebagaw 19:33

«Ni lonan nana sigi aw ka jamana kɔnɔ, aw kan'a tɔɲɔ.

Mise 7:3

U be se kojugu la kosɔbɛ. Ɲamɔgɔw be bolo nɛmuyɔrɔ fɛ fɔlɔ ka sɔrɔ ka ɲuman kɛ. Kititigɛbagaw be kiti tigɛ tɔnɔ kama. Mɔgɔbabaw b'u diyanako fɔ kɛnɛ kan ka namara kɛ k'o sɔrɔ.

Jakariya 7:10

Aw kana firiyamusow ni falatɔw tɔɲɔ, walima lonanw, walima fantanw. Mɔgɔ si kana miiriyajugu ta i tɔɲɔgɔn kama.›

Malaki 3:5

Masaba, Setigi ko: «Ne bena gwɛrɛ aw la kiti kama. Ne bena teliya ka lagwɛlikɛla le jalaki, ni ɲamɔgɔyakɛlaw ni minw be kali ka sɔrɔ tiɲɛ tɛ, ni minw be baaradenw namara, ani minw be firiyamusow, ni falatɔw, ni lonanw tɔɲɔ n'u te siran ne ɲa, ne bena olu bɛɛ jalaki.»

Luka 3:14

Sɔlidasi dɔw fana y'a ɲininga ko: «Anw do, anw ka kan ka mun kɛ?» A y'u jaabi ko: «Aw kana mɔgɔ si ka wari minɛ fanga la, aw kana mɔgɔ si tɔɲɔ fana, nga aw ka sara ka aw wasa.»

Sariya 1:17

Ko u kana mɔgɔ bɔ mɔgɔ la u ka kiti la. U ka kan ka mɛnni kɛ fantan fɛ i n'a fɔ mɔgɔbabaw. Ko u kana siran mɔgɔ si ɲa, bari kitiko ye Ala ta ye. Ko ni koo min gwɛlɛyara u ma, u ka na n'o ye ne fɛ, ne k'o ɲanabɔ.

Sariya 16:19

«Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Sariya 24:13

Taga o fani nin d'a tigi ma tile bentuma na, waasa a ka se ka la ka ɲa. O la, a bena duba kɛ i ye, Masaba aw ka Ala bena o jati fana kotilennin ye.

Sariya 24:18

Aw k'aw hakili to a la ko aw tun ye jɔɔnw ye Ezipiti jamana na, ko Masaba aw ka Ala y'aw hɔrɔnya. O kosɔn, ne b'a fɔ aw ye ko aw ka kuma nin bato.

Sariya 24:6

«Kana mɔgɔ wajibiya k'a ka wugu, walima a ka wuguden minɛ i ka juru kama, bari o be kɛ sababu ye o tigi te balo.

Sariya 27:19

‹Mɔgɔ min be lonan, walima falatɔ, walima firiyamuso ka kiti cɛn, o tigi danganin lo.› Jama bɛɛ ben'a laminɛ ko: ‹Amiina!›

Yakuba 2:6

Nga aw kɔni, aw be fantanw le dɔgɔya. Nafolotigiw le t'aw tɔɔrɔ k'aw minɛ ka taga n'aw ye faamaso wa?