Sariya 21:5 - ALA KA KUMA

⁵ «O tuma na, sarakalasebagaw, minw ye Levi kɔmɔgɔw ye, olu bena gwɛrɛ, bari Masaba aw ka Ala ye olu le woloma a ka baara kama ani ka dubaw kɛ a tɔgɔ la, olu fana le be sɔsɔli ni madimikow bɛɛ ɲanabɔ.

Jula NT of Côte d’Ivoire

⁵ O kɔ, sarakalasebagaw, minw ye Levi ta mɔgɔw ye, olugu bɛ gbara ka na; sabu Matigi Ala, aw ta Ala ka olugu le ɲanawoloma ko o ye baara kɛ a ye, ka dugawu kɛ mɔgɔw ye Matigi Ala tɔgɔ ra. Ni sɔsɔri donna ko o ko ra mɔgɔw cɛ, walama ni mɔgɔ dɔ ka dɔ mandimi, sarakalasebagaw ta kuma le ka kan ka o kow bɛɛ ban.

Sariya 21:5 Iomraidhean Croise

Lok fɔlɔ 23:13

Amuramu deenw tun ye Arɔn ni Musa ye. Arɔn wolomana ka bila a daan na Ala ka yɔrɔ baara kama, Ale n'a kɔmɔgɔw ka to ka wusulan jɛni Masaba ye, k'a ka baara kɛ, ani ka to ka duba kɛ mɔgɔw ye Masaba tɔgɔ la tuma bɛɛ.

Lok 2nan 19:10

Aw balimaw mana bɔ u ka duguw la k'aw sɛgɛrɛ n'u ka koo ye, mɔgɔfagako lo wo, sariya dɔ, walima kolatigɛnin dɔ batoko lo wo, aw k'u ladi, janko u kana Masaba hakɛ ta, a kana dimi aw n'aw balimaw kɔrɔ. Aw k'a kɛ ten janko aw kana kojugu kɛ.

Ezekiyɛli 42:13

Ayiwa, cɛɛ y'a fɔ ne ye ko: «Kɔgɔdugu ɲafan ani worodugu ɲafan boon minw ɲaa sinnin be Alabatoso luu ma, olu ye yɔrɔ senumanw le ye. Sarakalasebaga minw be gwɛrɛ Masaba la, fɛɛn min saniyanin be kosɔbɛ, olu le be don u kɔnɔ k'o dumu. U bena fɛɛn saniyanin nunu bila o yɔrɔ la: suman sarakaw, ni hakɛ yafa sarakaw, ani fili yafa sarakaw, bari o yɔrɔ nin ye Ala ta ye.

Ezekiyɛli 44:24

Ni koo dɔ be mɔgɔ dɔ n'a tɔɲɔgɔn cɛ, u k'o koo nin ɲanabɔ ka kiti tigɛ ka kɛɲɛ ni ne ka sariyaw ye. U ka ne ka sariyaw ni ne ka koo latigɛninw bato ne ka ɲanagwɛw bɛɛ koo la, ani ka ne ka lafiɲɛlonw saniya.

Sarakalasebagaw 9:22

O kɔ, a y'a bolo wili jama faan fɛ ka duba kɛ u ye. A tilara hakɛ yafa saraka, ni saraka jɛnita, ni jɛnɲɔgɔnya saraka bɔni la minkɛ, a jigira ka bɔ yen.

Malaki 2:7

Bari, lɔnniyakuma be sarakalasebagaw le daa la. Mɔgɔw be ne koow lɔnniya ɲini ale lo fɛ, sabu ne Masaba, Setigi ka ciden lo.

Sariya 10:8

«O waati la, Masaba ye baara dɔ kalifa Levi kɔmɔgɔw ma, o ye Masaba ka layidu taamasiɲɛ kɛsu tako ye, ani ka to a ɲakɔrɔ ka baara kɛ a ye, ani ka dubaw kɛ jama ye a tɔgɔ la. Olu b'o baara nin kɛra halibi.

Sariya 18:5

bari Masaba aw ka Ala ye Levi kɔmɔgɔw le woloma Isirayɛlidenw bɛɛ cɛma, janko u k'a ka baara kɛ a tɔgɔ la tuma bɛɛ.

Sariya 19:17

sarakalasebagaw ni kititigɛla minw be baara kɛ o waati la, mɔgɔ fila nunu bena taga olu fɛ Masaba ɲakɔrɔ.

Sariya 21:4

ka taga n'a ye kɔɔ jabali dɔ daa la, sɛnɛ te kɛra yɔrɔ min na, dannifɛn fana te yen. U be misi nin kaan kari o kɔɔ kɔnɔ.