Sariya 21:22 - ALA KA KUMA

²² «N'a kɛra ko mɔgɔ dɔ ye hakɛ dɔ kɛ min ka kan ni fagali ye, n'aw y'a faga, n'a suu dulonna yiri kan,

Jula NT of Côte d’Ivoire

²² Ni mɔgɔ dɔ ka kojugu dɔ kɛ min ka kan ni fagari ye, ni aw ka o tigi faga k’a su dulon yiri ra,

Sariya 21:22 Iomraidhean Croise

Damina 40:19

Yanni tile saba, masacɛ bena i kuun tigɛ k'i dulon yiri la. Kɔnɔw bena i suu dumu.»

Sam 2nan 21:10

Aya denmuso Irisipa ye bɔɔrɔ dɔ ta k'a la fara dɔ kan ka sigi. Kabini suman tigɛwaati daminɛtuma na fɔɔ ka na se sanji ka ben ma u kan, a tun be to ka kɔnɔw gwɛn tilefɛ ka to ka kongosogow gwɛn sufɛ, janko foyi kana se u suuw ma.

Sam 2nan 21:6

O la, ale min ye Masaba ka mɔgɔ wolomanin ye, i k'ale dencɛ mɔgɔ wolonwula di an ma, an bena u dulon Masaba ɲakɔrɔ a ka dugu kɔnɔ Gibeya.» Masacɛ y'a fɔ ko ale bena u di u ma.

Sam 2nan 21:9

A y'u di Gabaŋɔnkaw ma. Olu y'u dulon Masaba ɲakɔrɔ kulu dɔ kan. Mɔgɔ wolonwula nunu bɛɛ sara ɲɔgɔn fɛ. U y'u faga suman tigɛwaati daminɛtuma na le.

Sam 2nan 4:12

Dawuda y'a fɔ a ka kɛlɛden dɔw ye ko u ka mɔgɔ nunu faga. U ye mɔgɔ nunu faga, k'u bolo n'u seenw tigɛ, k'u ta k'u dulon dalan daa la Eburɔn. O kɔ, u ye Isibosɛti kungolo ta k'a sutara Abinɛri ka kaburu kɔnɔ Eburɔn.

Jateri 25:4

A y'a fɔ Musa ye ko: «I ka jama ɲamɔgɔw bɛɛ minɛ k'u faga kɛnɛ kan ne Masaba ɲakɔrɔ, janko ne dusu ka suma Isirayɛlidenw kɔrɔ, bari ne diminin be kosɔbɛ.»

Matiyu 26:66

Aw be mun le miiri o la?» U y'a jaabi ko: «A ka kan ka faga.»

Marika 14:64

Aw ye Ala tɔgɔ cɛnkuma mɛn a daa la kɛ! Aw be mun miiri?» U bɛɛ y'a fɔ ko a ka kan ka faga.

Luka 23:33

U tagara se kulunin dɔ kan, u be min wele ko Kungolokolo. U ye Yezu gwengwen lɔgɔ kan yen, ka kojugukɛla fila nunu fana gwengwen lɔgɔ dɔw kan, kelen a kinibolo fɛ, kelen a numanbolo fɛ.

Kɛwalew 23:29

Ayiwa, n y'a faamu o seen fɛ, ko a minɛkun ye olu yɛrɛ ka landakow ye, o do t'a fagakun bɔ, a te se ka kɛ kasoden ye fana.

Kɛwalew 25:11

N'o y'a sɔrɔ ne ye koo dɔ kɛ min be ne fagakun bɔ, ne ma ban o saya ma. Nga nunu be minw fɔra ka la n kan, ni tiɲɛ t'a si la, mɔgɔ si te se ka n saraka u ma. Ne b'a fɛ Ɔrɔmu masacɛ yɛrɛ le ka ne kiti sisan.»

Kɛwalew 25:25

Ne kɔni fɛ, ne ma fɛɛn ye, a ye min kɛ n'o b'a fagakun bɔ. Nga a tun y'a fɔ ko ale b'a fɛ Ɔrɔmu masacɛ le k'ale kiti. O la, n fana ko n ben'a sama ka taga yen.

Kɛwalew 26:31

U tagara kɔfɛ ka to k'a fɔ ɲɔgɔn ye ko: «Cɛɛ nin ma foyi kɛ min b'a fagakun bɔ, walima k'a don kaso la.»

Sariya 19:6

O la, mɔgɔ min sara, ale ka mɔgɔ dimininba te se k'a kɔgwɛn k'a sɔrɔ sira la k'a faga, sira ka jaɲa kosɔn, bari a man kan ni fagali ye, a tun t'a tɔɲɔgɔn nin kɔniya ka kɔrɔ.

Sariya 22:26

Aw kana foyi kɛ sunguru la bari a ma hakɛ kɛ min ka kan ni fagali ye. A be i n'a fɔ cɛɛ dɔ le wilila a tɔɲɔgɔn kama, k'a faga

Yosuwe 10:26

O kɔ, Zozuwe y'u faga k'u suuw ta k'u dulon yiri duuru kan, k'u dulonnin to yen fɔɔ wulafɛ.

Yosuwe 10:27

Wulafɛ, tilekun be ɲini ka don tuma min na, a y'a fɔ ko u k'u suu nunu jigi ka bɔ yiri nunu kan, k'u fili kuluwo nin kɔnɔ, u tun dogora min na. O kɔ, u ye kabakuru belebeleba dɔw ta k'u bila woo nin daa la. Halibi u be yen.

Yosuwe 8:29

Zozuwe ko u ka Ayi masacɛ dulon yiri la. A tora yiri kan fɔɔ wulafɛ. Tilekun be donna tuma min na, a ye sira di ko u k'a suu jigi ka bɔ yiri la. U tagar'a fili dugu nin donda la, ka kabakuruw cɛ k'o ton a kan, o be yen halibi.

Sam fɔlɔ 26:16

I ye koo min kɛ, o ma ɲi. Masaba kosɔn, aw ka kan ka faga le, bari aw ma se k'aw kuntigi kɔlɔsi, min ye Masaba ka mɔgɔ wolomanin ye. Sisan sa, masacɛ ka taman n'a ka jiforoko minw tun bilanin be a kuun gɛrɛfɛ, olu be min?»