Sariya 21:16 - ALA KA KUMA

¹⁶ n'a b'a fɛ k'a ka cɛɛn tilan deen nunu cɛ, a man kan ka kɔrɔya di a ka baaramuso deen ma, ka denkɔrɔba to yen, min ye gwalemuso deen ye.

Jula NT of Côte d’Ivoire

¹⁶ ni a nana kɛ a borofɛnw taran ye a dencɛw ra tuma min na, a man kan k’a diyanyamuso dencɛ kɛ dencɛ fɔlɔ ye, ka dencɛ fɔlɔ ninyɔrɔ di o ma, k’a sɔrɔ muso min ko man di a ye, o dencɛ le ye dencɛ fɔlɔ ye.

Sariya 21:16 Iomraidhean Croise

Damina 25:31

Yakuba ko: «I k'i ka kɔrɔya falen ne fɛ fɔlɔ.»

Lok fɔlɔ 26:10

Merari ka fadenyabolo la, Oza ye deen naani sɔrɔ. Simiri te deen fɔlɔ ye, nga ale lo tun kɛra kuntigi ye, bari u facɛ le tun y'o kɛ.

Lok fɔlɔ 5:2

Zuda tun ye barika sɔrɔ kosɔbɛ a balimaw cɛma, masacɛ bɔra ale lo kɔmɔgɔ la, nga kɔrɔya tun dira Yusufu ma.)

Lok 2nan 21:3

U facɛ tun ye warigwɛ ni sanu, ani minan sɔngɔgwɛlɛnw d'u ma siɲɛ caaman, ka dugu barikamanw d'u ma fana Zuda mara la. Nga a ye masaya to Zoramu bolo, bari ale y'a deen fɔlɔ ye.

Rɔmukaw 8:29

Ala kɔnna ka mɔgɔ minw woloma kabini fɔlɔfɔlɔ, a kɔnna k'a latigɛ fana k'olu cogo ka kɛ i n'a fɔ a Dencɛ ta, janko a Dencɛ nin ka kɛ mɔgɔ caaman kɔrɔ ye.

Sariya 21:15

«N'a kɛra ko muso fila be cɛɛ dɔ fɛ, ni kelen koo ka d'a ye ka tɛmɛ kelen kan, ni u kelen kelen bɛɛ ye dencɛw sɔrɔ, ni denkɔrɔba kɛra gwalemuso deen ye,

Sariya 21:17

A ka kan ka gwalemuso nin deen to a ka deen kɔrɔbaya la k'a ka kɔrɔya tɔnɔ d'a ma, min ka ca ni tɔ ta ye siɲɛ fila. Bari o le y'a ka fanga taamasiɲɛ fɔlɔ ye. Kɔrɔya tɔnɔ ye a ta ye.

Filipikaw 4:8

O bɛɛ kɔ, n balimaw, koo minw kɛra tiɲɛko ye, boɲa be sɔrɔ min na, ni tilenninya, ni koo gwɛnin, ni koo diman, ani kunkɔrɔtako, ni sɔnɲuman min be na ni tɔgɔɲuman ye, o dama ka kɛ aw ka miiri ye.