Sariya 20:5 - ALA KA KUMA

⁵ «O kɔ, kɛlɛkuntigiw ben'a fɔ jama ye ko: ‹Mɔgɔ b'aw cɛma min ye bonkura lɔ, n'a ma don a kɔnɔ fɔlɔ wa? O tigi ka segi ka taga soo, n'o tɛ, a be se ka sa kɛlɛ la, mɔgɔ wɛrɛ le bena taga don a ka soo kɔnɔ.

Jula NT of Côte d’Ivoire

⁵ O kɔ, kɛrɛkɛjama kuntigiw ye kuma kɛrɛkɛdenw fɛ, k’a fɔ o ye ko: «Aw ra jɔntigi le ka bonkura lɔ ni a ma don a ra fɔlɔ? O tigi ye sekɔ ka taga a ta so, janko o kana na a faga kɛrɛ ra k’a to mɔgɔ wɛrɛ ye don a ta bon kɔnɔ a kɔ fɛ.

Sariya 20:5 Iomraidhean Croise

Nehemi 12:27

Zeruzalɛmu laminikogo kalifawaati la Masaba ma, u ye Levi kɔmɔgɔw bɛɛ wele ka bɔ u sigiyɔrɔw bɛɛ la ka na Zeruzalɛmu, janko u ka Ala tanu ni dɔnkiliw ye, ani nigɛ gositaw ni gɔniw ani kolonjow ye ka se ka nisɔndiya kosɔbɛ.

Zaburu 30:1

Dɔnkili min be la Alabatoso kalifalon na. Dawuda ka dɔnkili dɔ.

Jateri 31:14

Kɛlɛdenw kuntigi minw kɔsegira ka bɔ kɛlɛyɔrɔ la, Musa dimina olu kɔrɔ. U dɔw tun ye mɔgɔ waa kelen kelen kuntigiw ye, dɔw ye mɔgɔ kɛmɛ kɛmɛ kuntigiw ye.

Jateri 31:48

Kɛlɛden waa kelen kelen kuntigiw ni kɛlɛden kɛmɛ kɛmɛ kuntigiw gwɛrɛla Musa la

Sariya 1:15

O le y'a to, ne y'aw ka burujuw ka ɲamɔgɔw woloma, hakilitigiw lo, aw fana b'u jati. Ne y'u dɔw sigi mɔgɔ waa kelen kelen kunna, ni mɔgɔ kɛmɛ kɛmɛ, ani mɔgɔ bi duuru duuru, ni mɔgɔ tan tan kunna. Ka dɔw kɛ ɲamɔgɔw ye Isirayɛlidenw burujuw cɛma.

Sariya 16:18

«Dugu kelen kelen bɛɛ kɔnɔ aw ka maraw kɔnɔ, Masaba aw ka Ala be minw dira aw ma, aw ka kititigɛlaw ni ɲamɔgɔw woloma, k'u sigi janko u ka se ka kiti tigɛ ni tilenninya ye jama cɛma.

Sariya 20:6

Mɔgɔ b'aw cɛma min ye *ɛrɛzɛnforo bɔ, n'a m'a deen fɔlɔ dumu wa? O tigi ka segi fana ka taga soo, n'o tɛ, a be se ka sa kɛlɛ la, mɔgɔ wɛrɛ le bena o ɛrɛzɛnw diyabɔ.

Sam fɔlɔ 17:18

I ka naare kuru tan minɛ ka taga o di u ka kuntigi ma. I bena i kɔrɔw ye n'u ka kɛnɛ, walima n'u man kɛnɛ, ka kɔsegi ka na ni taamasiɲɛ ye ka bɔ u fɛ min b'a yira k'u ka kɛnɛ.