Sariya 20:3 - ALA KA KUMA

³ A ben'a fɔ u ye ko: ‹Isirayɛlidenw, aw ye mɛnni kɛ, aw bena taga aw juguw kɛlɛ bii. Aw jaa kana tigɛ u ɲa, aw kana siran, aw hakili kana ɲagami, aw kana yɛrɛyɛrɛ.

Jula NT of Côte d’Ivoire

³ A ye a fɔ o ye ko: «Izirayɛlimɔgɔw, aw ye lamɛnni kɛ! Aw bɛna kɛrɛ kɛ ni aw juguw ye bi. Aw kana aw fari faga, aw kana siran, aw ja kana wuri, aw ja kana tigɛ o ɲa;

Sariya 20:3 Iomraidhean Croise

Lok 2nan 32:8

Adamadenw le be n'ale ye, nga Masaba an ka Ala le be ni anw ye, ale lo bena an dɛmɛ, ani ka barika don an na an ka kɛlɛw la.» Zuda mara masacɛ Ezekiyasi ka kuma ye jama jaa gwɛlɛya.

Ayuba 23:16

Ala ye ne jaa tigɛ, Setigi ye siranya bila ne la.

Zaburu 3:6

N be la ka sinɔgɔ, ka kunun, bari Masaba le ye ne dɛmɛbaga ye.

Bɔri 14:13

Musa y'a fɔ jama ye ko: «Aw kana siran. Aw y'aw jaa gwɛlɛya. Masaba bena aw kisi cogo min na, aw bena o ye. Aw ɲaa be Ezipitika minw na bii, aw tena u ye tugu abada.

Ezayi 28:16

O kama, Matigi, Masaba ko: «A filɛ, ne be kabakuru barikaman bila *Siyɔn, boon nɔnkɔn ta. Ni mɔgɔ min tintinn'a kan, o tigi jigi te tigɛ.

Ezayi 7:4

I ben'a fɔ a ye ko: ‹I hakili sigi, kana siran! Kan'i fari faga Sirika Eresin ni Eremaliyawu dencɛ ka fariya kosɔn. U kɛra i n'a fɔ lɔgɔ fila, minw mananin lo.

Jateri 14:9

Aw kana muruti Masaba ma, aw kana siran jamana nin kɔnɔ mɔgɔw ɲa. An bena se u kɔrɔ, o yɛrɛ tena kɛ baasi ye. Marabaga t'u la tugu, Masaba b'anw fɛ. Aw kana siran u ɲa.»

Matiyu 10:16

«Ayiwa, ne b'aw ci i n'a fɔ sagaw, waraw cɛma. O la, aw ka kɛ yɛrɛkɔlɔsibagaw ye i n'a fɔ saa, aw ka koo ka nɔgɔya i n'a fɔ jɛnɛtuba.

Matiyu 10:28

Mɔgɔ minw be se k'aw faga n'u te se ka foyi kɛ aw nii na, aw kana siran olu ɲa. Min be se ka farikolo ani nii halaki jahanama na, aw ka siran ale lo ɲa.

Matiyu 10:31

O la, aw kana siran. Aw ka fisa ni kɔnɔninw ye.

Matiyu 8:26

Yezu y'a fɔ u ye ko: «Mun na aw be siran ten? Jigitan nunu!» O kɔ, a wilila ka kuma fɔɲɔ ni baji kunna. Yɔrɔ malara tɔntɔntɔn.

Marika 16:18

Hali n'u ye saa minɛ, hali n'u ye baga min, a tena foyi kɛ u la. N'u y'u bolo la banabagatɔ minw kan ka Ala daali u ye, olu bena kɛnɛya.»

Marika 16:6

Kanbelen nin y'a fɔ u ye ko: «Aw kana siran. U tun ye Nazarɛtika Yezu min gwengwen lɔgɔ kan, aw b'o le yɔrɔ ɲinina. A te yan. A kununna. A suu tun lara yɔrɔ min na, o filɛ nin ye.

Kɛwalew 27:24

k'a fɔ n ye ko: ‹I kana siran Pɔli, wajibi lo fɔɔ i ka se Ɔrɔmu masacɛ fɛ k'i ka koow ɲafɔ a ye. Ayiwa, Ala ka ɲumanya kosɔn, a ko i sababu la, i taamaɲɔgɔn nunu si nii tena to jii la.›

Sariya 1:21

A filɛ, Masaba aw ka Ala ye jamana nin di aw ma. Aw ye wili ka ta'a minɛ i ko Masaba, aw bɛmaw ka Ala y'a fɔ aw ye cogo min na. Aw kana siran, aw fari kana faga fana.»

Sariya 20:1

«N'aw bɔra ka taga aw juguw kɛlɛkɛyɔrɔ la tuma min na, n'aw y'a ye ko aw juguw bɔra ka caya n'aw ye, n'aw y'u ka sotigiw, ani kɛlɛkɛwotorow ye fana, aw kana siran u ɲa, bari Masaba aw ka Ala min y'aw bɔ Ezipiti jamana na, ale be ni aw ye.

Sariya 20:2

«Aw bena kɛlɛ daminɛ tuma min na, sarakalasebaga bena lɔ jama ɲafɛ, ka kuma u fɛ.

Tes fɔlɔ 5:15

Aw k'aw yɛrɛ kɔlɔsi, aw la mɔgɔ si kana kojugu juru sara ni juguya ye, aw ka koɲuman kɛ tuma bɛɛ ɲɔgɔn ye ani tɔw ye.

Tim fɔlɔ 6:12

I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Heburuw 13:6

Anw b'an jigi la a kan o tuma na k'a fɔ ko: «Matigi ye ne dɛmɛbaga ye, ne tena siran foyi ɲa. Adamaden be se ka mun kɛ ne la?»

Yosuwe 23:10

Aw la kelen tun be siya nunu mɔgɔ waa kelen gwɛn, bari Masaba aw ka Ala le tun be n'aw ye ka kɛlɛ nin kɛ, i n'a fɔ a tun y'a fɔ cogo min na.

Yirari 2:10

Tɔɔrɔ min bena aw sɔrɔ, aw kana siran o ɲa. Ayiwa, aw cɛma, mɔgɔ damani bena kaso kɛ Sutana sababu la. A bena o kɛ k'aw kɔrɔbɔ. Aw bena tɔɔrɔ tile tan kɔnɔ. Aw ka kɛ kantigiw ye fɔɔ ka taga se saya ma, n'o kɛra, aw bena nii banbali sɔrɔ ne barika la.

Sam fɔlɔ 17:32

A ko Sayuli ma, mɔgɔ si jaa kana tigɛ filisicɛ nin kosɔn, ko a ka baaraden bena taga kɛlɛ n'a ye.