Sariya 20:20 - ALA KA KUMA

²⁰ Nga aw be yiri minw lɔn, ko u deenw te dumu, aw be se k'olu tigɛ ka yɔrɔ dɔw labɛn n'o ye aw be se ka yɛlɛ minw kan k'aw juguw kɛlɛ, fɔɔ n'aw sera u kɔrɔ tuma min na.

Jula NT of Côte d’Ivoire

²⁰ Nka aw k’a lɔn ko yiri minw den tɛ domu, aw bɛ se ka olugu le tigɛ ka o ben, ka o yiriw kɛ kɛrɛkɛminan dɔw ye ka dugu kɛrɛ, fɔ ka taga a to aw ye se sɔrɔ dugu kan.

Sariya 20:20 Iomraidhean Croise

Mas 2nan 3:19

Ko aw bena u ka dugu barikamanw n'u ka dugubabaw bɛɛ minɛ. Ko aw ben'o yɔrɔ yiriɲumanw bɛɛ tigɛ, ka jii bɔyɔrɔw bɛɛ tugu, ani ka foroɲumanw bɛɛ fa ni kabakuruw ye k'u cɛn.»

Lok 2nan 26:15

Baaralɔnbagaw tun ye dilancogo min yira, a y'a to u ye kɛlɛkɛwotorow dilan Zeruzalɛmu ka kɛɲɛ n'o ye. Mansin nunu ka sigi sangasow kan, ani dugu laminikogo nɔnkɔnw na ka biɲɛ ni kabakurubabaw bon. A tɔgɔ bɔra fɔɔ ka se yɔrɔjan na, bari a tun ye dɛmɛ sɔrɔ Ala fɛ kosɔbɛ fɔɔ ka fanga sɔrɔ.

Waajurikɛbaga 9:14

Dugu dɔ tun be yen, a kɔnɔ mɔgɔw man ca. Masacɛ fariman dɔ wilila ka n'a datugu, k'a ka kɛlɛdenw dogoyɔrɔ labɛn ka dugu lamini.

Ezayi 37:33

«Masaba be min fɔ Asiri masacɛ kosɔn, o filɛ nin ye: ‹A tena don dugu nin kɔnɔ, a tena biɲɛ bon yan. A tena na yan kama ni nigɛkunbɛnnan ye, a tena na yɔrɔ lɔ k'a wili dugu laminikogo kɔfɛ.

Yeremi 33:4

Bari ne Masaba, Isirayɛli ka Ala b'a fɔra dugu nin soow ani Zuda mara masaw ka koo la, u be minw walakara ka dugu laminikogo lalaga n'u kabakuruw ye janko k'u juguw bali ka yɛlɛ ka don dugu kɔnɔ yɛlɛyɔrɔw la ka kɛlɛ kɛ

Yeremi 6:6

Masaba, Setigi b'a fɔra ko: «Aw ka yiriw tigɛ ka yɛlɛyɔrɔw dilan Zeruzalɛmu kama. Dugu lo min ka kan ni ɲagwan ye, tɔɲɔli dɔrɔn lo b'a kɔnɔ.

Ezekiyɛli 17:17

N'a juguw ye yɛlɛyɛlɛnanw lɔ dugu kama ka kɛlɛkɛwow sogi janko ka mɔgɔ caaman faga tuma min na, Ezipiti masacɛ n'a ka kɛlɛden caaman n'a ka jamaba tena se k'a dɛmɛ kɛlɛ la.

Sariya 1:28

Anw bena taga min? An balimaw y'an fari faga, u ko: ‹Mɔgɔ nunu barika ka bon n'an ta ye, u ka janjan n'an ye, u ka duguw ka bonbon, u laminikogow ka janjan kosɔbɛ. An yɛrɛ ye anaki dɔw ye yen.› »

Sariya 20:19

«N'aw ye dugu dɔ datugu waatijan kɔnɔ, janko aw ka se a kɔrɔ, aw man kan ka jende ta o yɔrɔ yiriw kama, bari aw be se k'u deenw dumu. Aw kana u tigɛ. Kongo kɔnɔ yiriw te adamadenw ye, n'aw be taga olu kɛlɛ fana.

Sariya 21:1

«Masaba aw ka Ala be jamana min dira aw ma, n'aw ye mɔgɔ dɔ suu ye o yɔrɔ kongo kɔnɔ, n'a fagabaga ma ye,